Kerala Blog Academy കേരള ബ്ലോഗ് അക്കാദമി

വെറുതെ ഒരില: സൌമ്യയെ വീണ്ടും കൊല്ലരുത്

2011-05-20T07:25:00.000-07:00

വെറുതെ ഒരില: സൌമ്യയെ വീണ്ടും കൊല്ലരുത്: "സൌമ്യയുടെ ക്രൂര കൊലപാതകം ഇപ്പോള്‍ കോടതിമുറിയില്‍. ഗോവിന്ദച്ചാമിക്ക് വേണ്ടി അവിടെ അഞ്ചു അഭിഭാഷകര്‍. സഹായിക്കാന്‍ വേറെയുമാളുകള്‍. കേസ് എന്താവു..."

“ഒപ്പുമരവും“ ബ്ലോഗര്‍മാരും

2011-05-02T08:01:00.000-07:00

കാസര്‍ഗോട്ടെ എന്റോസള്‍ഫാന്‍ ബാധിത പ്രദേശത്തേക്ക് ഒരു യാത്ര നടത്തണമെന്ന ആശയം മുന്നോട്ട് വച്ചത് കടത്തനാടനാണ്. ഡി.പ്രദീപ്കുമാറുമായും, ഷാജിമുള്ളൂക്കാരന്‍ , ഗള്‍ഫിലുള്ള മണിക്കുട്ടി മഹേഷുമായും ആശയം സംസാരിച്ചതിനു ശേഷം കടത്തനാടന്‍ ചിത്രകാരനെ വിളിച്ച് അറിയിക്കുകയും, കേട്ടപാടെ... എങ്കില്‍ ഈ മെയ് ഒന്നിനു തന്നെയാകട്ടെ എന്ന് ചിത്രകാരന്‍ സമയം നിശ്ചയിക്കുകയുമാണുണ്ടായത്. വടകരയില്‍ നിന്നും അഞ്ചുപേര്‍ എന്തായാലും ഉണ്ടാകുമെന്ന് കടത്തനാടന്‍ ഉറപ്പു പറയുമ്പോള്‍ പിന്നൊന്നും നോക്കേണ്ട കാര്യമില്ലല്ലോ! അങ്ങനെ, അന്നുതന്നെ ബ്ലോഗ് അക്കാദമിയില്‍ ഒരു അറിയിപ്പ് പോസ്റ്റും ഇട്ടു. അതിനെത്തുടര്‍ന്ന് കുറെപേര്‍ ബന്ധപ്പെട്ടെങ്കിലും പലര്‍ക്കും പെട്ടെന്നായതുകൊണ്ട് യാത്രയില്‍ പങ്കെടുക്കാനായില്ല. സാവകാശം വേണ്ടവര്‍ക്ക് സാവകാശം പോകാനും കാസര്‍ഗോഡും, പ്രശ്നബാധിത ജനങ്ങളും അവിടത്തന്നെ നിലനില്‍ക്കുന്നതിനാല്‍ വിഷമിക്കേണ്ടതില്ലെന്നും, അടുത്ത ട്രിപ്പിന് പോകാമെന്നും പറഞ്ഞു. മാത്രമല്ല, പാലക്കാട്ടെ മുതലമടയിലെ മാങ്ങാകൃഷിയും, ഇടുക്കിയിലെ ഏലത്തോട്ടങ്ങളുമെല്ലാം ഭാവിയിലെ കാസര്‍ഗോഡായി വികസിച്ചുകൊണ്ടിരിക്കുകയുമാണല്ലോ. അങ്ങനെ, മലപ്പുറം ജില്ലയില്‍ നിന്നും വിചാരവും, കൊട്ടോട്ടിയും,ഫൈസു മദീനയും, വടകരയില്‍ നിന്നും കടത്തനാടന്റെ നേതൃത്വത്തിലുള്ള അഞ്ചഗ സംഘവും, കാഞ്ഞങ്ങാട് ബേക്കലില്‍ നിന്നുള്ള വിജയരാജനും,കണ്ണൂരില്‍ നിന്നുള്ള ചിത്രകാരനും എന്‍ഡോസള്‍ഫാന്‍ ബാധിതപ്രദേശങ്ങള്‍ നേരില്‍ കാണാനായി പുറപ്പെട്ടു. കണ്ണൂരില്‍ നിന്നും 90 കിലോമീറ്റര്‍ അകലെയുള്ള കാസര്‍ഗോട്ടേക്ക് പുറപ്പെടുമ്പോള്‍ അവിടെ പരിചയക്കാരാരെങ്കിലും വേണമല്ലോ. പരസ്യ ഏജന്‍സികളുടെ സംഘടനയായ കെത്രിഎ യുടെ ജില്ലഭാരവാഹിയായ അനീഷിനോട് കാര്യം പറഞ്ഞൂ. സ്ഥലത്തെ സാമൂഹ്യപ്രവര്‍ത്തകരായ വത്സലന്‍ മാസ്റ്ററുടേയും, കെ.എസ്.അബ്ദുള്ളയുടേയും, ഉത്തരദെശം സായാഹ്ന പത്രത്തിന്റെ ഉടമയുടേയും സഹായം ഉറപ്പുവരുത്താന്‍ അനീഷ് സഹായിച്ചു. കാസര്‍ഗോട്ട് പട്ടണത്തില്‍ നിന്നും 35 കിലോമീറ്ററോളം അകലെയായി കര്‍ണ്ണാടക അതിര്‍ത്തിയില്‍ സ്ഥിതി ചെയ്യുന്ന എന്‍ഡോസള്‍ഫാന്‍ ദുരിതബാധിത പ്രദേശത്തേക്കു പോകാന്‍ വിജയന്‍ എന്ന സഹൃദയന്റെ വാഹന സൌകര്യവും വത്സേട്ടന്‍ ഏര്‍പ്പാടുചെയ്തുതന്നു. കാസര്‍ഗോഡ് ഒപ്പുമരച്ചുവട്ടില്‍ എന്‍ഡോസള്‍ഫാന്‍ നിരോധനത്തിനായി മൂന്നുദിവസം നിരാഹാരം കിടന്ന് കാസര്‍ഗോട്ടുകാരുടെ ഹൃദയത്തിലിടംനേടിയ മലപ്പുറത്തുകാരായ രണ്ടു ഡിഗ്രി വിദ്യാര്‍ത്ഥികളേയും ഞങ്ങള്‍ക്ക് കൂട്ടിനു കിട്ടി. ഈ യാത്ര ആരേയും ബോധ്യപ്പെടുത്താനായിരുന്നില്ല, ഞങ്ങള്‍ക്ക് കീടനാശിനികളുടെ ദുരിതത്തെ സ്വയം കണ്ട് ബോധ്യപ്പെടുന്നതിനായിരുന്നു. കെ.എസ്.അബ്ദുള്ള എന്ന എന്‍ഡോസള്‍ഫാന്‍ വിരുദ്ധസമര പ്രവര്‍ത്തകന്‍ തന്നെയാണ് ഞങ്ങള്‍ക്ക് ഗൈഡായി കൂടെവന്നത്. അദ്ദേഹത്തോടും, വത്സലന്‍ മാഷോടും,വിജയനോടും,അനീഷിനോടും നന്ദി രേഖപ്പെടുത്തട്ടെ. നൂറുകണക്കിനു വീടുകളിലായി വളരെയധികം മനുഷ്യര്‍ ഇവിടെ എന്‍ഡോസള്‍ഫാന്‍ ദുരിതം അനുഭവിക്കുന്നവരായുണ്ടെങ്കിലും, ചിലരെങ്കിലും അത് പുറത്തുകാണിക്കാതെ ജീവിക്കുന്നവരുമുണ്ട്. അവരെ ഒഴിവാക്കി, കാണുന്നതില്‍ വിഷമമില്ലാത്തവരെ മാത്രമായി കണ്ടു വിവരങ്ങള്‍ അന്വേഷിക്കാനാണ് ഞങ്ങള്‍ ശ്രമിച്ചത്. എന്‍ഡോസള്‍ഫാന്‍ പ്രശ്നത്തില്‍ ജനങ്ങളോടൊപ്പം നില്‍ക്കുന്ന സാമൂഹ്യപ്രവര്‍ത്തകരുടെ കൂട്ടായ്മയായ എന്‍‌വിസാഗിന്റെ പ്രവര്‍ത്തകരായ എം.എ.റഹ്‌മാന്‍ മാഷുമായോ, വത്സലന്‍ മാഷുമായോ താല്‍പ്പര്യമുള്ള മനുഷ്യ സ്നേഹികള്‍ക്ക് ബന്ധപ്പെടാം. മെയ് 1 ന് ബ്ലോഗര്‍മാര്‍ സഞ്ചരിച്ച വഴികളിലെ ചില ദൃശ്യങ്ങള്‍ താഴെ കൊടുക്കുന്നു.

35 കിലോ മീറ്റര്‍ ദൂരെയുള്ള എന്‍ഡോസള്‍ഫാന്‍ ദുരിത ബാധിത പ്രദേശത്തിന്റേയും, ജനങ്ങളുടേയും സാന്നിദ്ധ്യം കാസര്‍ഗോഡ് നഗര മധ്യത്തില്‍ സജീവമാക്കുന്നതിനും , എന്‍ഡോസള്‍ഫാന്‍ വിരുദ്ധ സമരത്തിനു ശ്രദ്ധകേന്ദ്രീകരിക്കുന്നതിനുമായി കാസര്‍ഗോഡ് പുതിയ ബസ് സ്റ്റാന്‍ഡിനടുത്തുള്ള തണല്‍ വൃക്ഷത്തെ ബാനറുടുപ്പിച്ച് , ജനങ്ങളുടെ ധാര്‍മ്മിക പിന്തുണയുടെ കയ്യൊപ്പുകളണിഞ്ഞ് നില്‍ക്കാന്‍ ഭാഗ്യം ലഭിച്ച “ഒപ്പു മരം” . ഏപ്രില്‍ 29 ന് എന്‍ഡോസള്‍ഫാന്‍ ലോകവ്യാപകമായി നിരോധിച്ച സ്റ്റോക്ക് ഹോം പ്രഖ്യാപനം വന്ന സമയം ഒപ്പുമരച്ചുവട്ടില്‍ കാസര്‍ഗോട്ടുകാര്‍ വിജയമാഘോഷിച്ചിരുന്നു. അതുകൊണ്ടുതന്നെ “ഒപ്പുമരം” ചരിത്രത്തിന്റെ ഭാഗമാണ്.

കടത്തനാടന്‍ “ഒപ്പുമരച്ചുവട്ടില്‍”

വടകരയിലെ ശശിമാഷും കൂട്ടുകാരും, ഒപ്പുമരത്തെ തലയില്‍ താങ്ങുന്ന വിചാരത്തേയും കാണാം.

വത്സലന്‍ മാഷ്, വിചാരം, കൊട്ടോട്ടി, വിജയരാജന്‍

മൂന്നു ദിവസം നിരാഹാരം കിടന്ന മലപ്പുറത്തുകാരന്‍ കുട്ടിപത്രം എഡിറ്റര്‍(സ്വന്തം നിലയില്‍ പത്രം ഇറക്കിയ ഒരു ഡിഗ്രി വിദ്യാര്‍ത്ഥിയാണ്.) , കൂടെ വിചാരം.

വിജയന്‍, വിജയ രാജ്, കെ.എസ്.അബ്ദുല്ല

ബ്ലോഗര്‍മാര്‍

കെ.എസ്.അബ്ദുള്ള എന്‍ഡോസള്‍ഫാന്‍ കലക്കി സ്പ്രേ കെയ്തിരുന്ന പ്ലാന്റേഷന്‍ തൊഴിലാളിയുടെ ഇപ്പോഴത്തെ രോഗാതുരമായ അവസ്ഥയെ വിവരിക്കുന്നു.

ഒരു ദുരിത ബാധിത

പ്ലാന്റേഷന്‍ കോര്‍പ്പറേഷന്‍ ഉടമകളായ സര്‍ക്കാരിന് ഇവരുടെ ജീവിതം നരഗതുല്യമാക്കിയതില്‍ നേരിട്ടുള്ള പങ്കുണ്ട്.

ആറു കുട്ടികളുള്ളതില്‍ രണ്ടു പേര്‍ രോഗബാധിതരാണ്. ഡി.എന്‍.എ.ക്കകത്തു കയറിപ്പറ്റുന്ന കീടനാശിനി ജീവിത കോണിയുടെ ഏതൊക്കെ അഴികളാണ് അറുത്തുമാറ്റിയിരിക്കുന്നതെന്ന് കാലത്തിനു മാത്രമേ പറയാനാകു

തല നിരന്തരം വിറപ്പിച്ചുകൊണ്ടിരിക്കുന്ന ഒരു കുട്ടി

പ്ലാന്റേഷന്‍ കോര്‍പ്പറേഷനിലെ ജോലിക്കാരനായിരുന്നു. ഇപ്പോള്‍ മാറാവ്യാധികളുമായി മല്‍പ്പിടുത്തത്തിലാണ്. മുറ്റത്തെ ദൈവ പ്രതിഷ്ടകളുടെ അനുഗ്രഹങ്ങള്‍ ഫലിക്കുന്നില്ല.

വീട് കര്‍ണ്ണാടക അതിരിനകത്താണ്. കിണര്‍ കേരളത്തിനകത്തും.

ഓടിക്കളിക്കേണ്ട ബാല്യം

എന്‍ഡോസള്‍ഫാന്‍ വിഷലിപ്തമാക്കിയ ജീവിതം

കര്‍ണ്ണാടക അതിരില്‍ ഇത്തരം ഏഴോ എട്ടോ കശുമാവിന്‍ തോട്ടങ്ങളുണ്ട് കേരളത്തിന്റെ പ്ലാന്റേഷന്‍ കോര്‍പ്പറേഷന്

ജനങ്ങളുടെ വഴിമുടക്കിയാണെങ്കിലും സത്യങ്ങാളെ പൊതുജനശ്രദ്ധയില്‍ നിന്നും മറച്ചു പിടിക്കാനായി പ്ലാന്റേഷന്‍ കോര്‍പ്പറേഷന്‍ സ്ഥാപിച്ചിരിക്കുന്ന മാര്‍ഗ്ഗതടസ്സങ്ങള്‍.

പ്ലാന്റേഷന്‍ കോര്‍പ്പറേഷന്‍ കശുമാവിന്റെ ചരിത്രം തന്നെ തങ്ങളുടെ തോട്ടങ്ങളില്‍ നിന്നും മായ്ച്ചുകളയാനുള്ള ശ്രമത്തിലാണ്.

പ്ലാന്റേഷന്‍ കോര്‍പ്പറേഷന്റെ കോംബൌണ്ടില്‍ തൊഴിലാളികള്‍ വിശ്രമിക്കുന്ന പുല്ലുമേഞ്ഞ വീടുകണ്ട് ബ്ലോഗര്‍മാര്‍ അവിടേക്കു കയറുകയാണ്.

അവര്‍ പ്ലാന്റേഷന്‍ കോര്‍പ്പറേഷന്റെ തൊഴിലാളികളല്ലെന്നും, മരം മുറിക്കാന്‍ മാത്രം വന്നവരാണെന്നും....

പ്ലാന്റേഷന്‍ കോര്‍പ്പറെഷന്‍ തൊഴിലാളിയോട് ബ്ലോഗര്‍മാര്‍... എന്‍ഡോസള്‍ഫാന്‍ സ്പൃചെയ്തിരുന്നത് അത് വിഷമാണെന്ന് അറിഞ്ഞ്കൊണ്ടുതന്നെ ആയിരുന്നോ എന്ന്... !!!

പ്ലാന്റേഷന്‍ കോര്‍പ്പറേഷന്‍ ഓഫീസുകള്‍

എന്‍ഡോസള്‍ഫാന്‍ വിഷം സൂക്ഷിച്ചിരുന്ന ടാങ്കു തേടി... കടത്തനാടന്‍

കോര്‍പ്പറേഷ്ന്‍ കോമ്പൌണ്ടിനു പിന്നില്‍ ഹെലികോപ്റ്റര്‍ ലാന്‍ഡു ചെയ്തിരുന്ന സമതലമായ പാറപ്പുറം. കശുമാവെല്ലാം വെട്ടിക്കളണ്ടത് കാണാം.

ഹെലിപ്പാഡും, എന്‍ഡോസള്‍ഫാന്‍ വിഷം നേര്‍പ്പിച്ചിരുന്ന ടാങ്കും.

വിഷടാങ്കിനു സമീപം വിചാരം

ഹെലികോപ്റ്ററില്‍ തളിക്കുന്നതിനായി വിഷം കലക്കിയിരുന്ന ടാങ്ക്.

ഇവിടെ നിന്നും ഒരു അരുവി ഉത്ഭവിക്കുന്നുണ്ട്. വിഷം താഴ്വാരങ്ങളിലെ ജലാശയങ്ങളിലെത്തുന്നത് അങ്ങനെയാണ്.

മുറിച്ചുമാറ്റപ്പെട്ട കശുമാവുകള്‍

എന്‍ഡോസള്‍ഫാന്‍ ഇപ്പോഴും ഊറിക്കൂടിയിരിക്കുന്നുണ്ടാകാം.

താഴ്വാരത്തിലെ ജലാശയങ്ങളെ ചൂണ്ടിക്കാണിക്കുന്ന കെ.എസ്.അബ്ദുള്ള

മെയ് ഒന്നിന് കാസര്‍ഗോഡ് എന്‍ഡോസള്‍ഫാന്‍ ദുരിതബാധിതപ്രദേശം സന്ദര്‍ശിച്ച ബ്ലോഗര്‍മാര്‍ കെ.എസ്.അബ്ദുള്ളയോടൊപ്പം

............................................

.....................................

മെയ് 1 ന് ബ്ലോഗര്‍മാര്‍ കാസര്‍ഗോട്ടേക്ക്

2011-04-28T04:32:00.000-07:00

പ്രിയ ബ്ലോഗര്‍മാരെ,
ഈ വരുന്ന ഞായറാഴ്ച്ച (01-05-2011)എന്റോസള്‍ഫാന്‍ ദുരന്തഭൂമിയായ കാസര്‍ഗോട്ടെ ഗ്രാമങ്ങളിളേക്ക് ബ്ലോഗര്‍മാരുടേ ഒരു യാത്ര ബ്ലോഗ് അക്കാദമി സംഘടീപ്പിക്കുകയാണ്. പത്രമാധ്യമങ്ങളിലൂടേ എന്റോസല്‍ഫാന്‍ ദുരന്തത്തിന്റെ ചിത്രം നമുക്ക് ലഭിക്കുന്നുണ്ടെങ്കിലും, അതിലുപരി നേരിട്ടുള്ള അനുഭവമായി മാനവികതയെ നടുക്കുന്ന ഈ ഭീകരതയെ മനസ്സിലാക്കാനുള്ള ശ്രമമാണ് ഉദ്ദേശിക്കുന്നത്. മെയ് 1 ന് രാവിലെ 10 മണിക്ക് കാസര്‍ഗോഡ് റെയില്‍‌വേ സ്റ്റേഷനില്‍ ഒത്തുകൂടിയതിനു ശേഷം ദുരന്തബാധിത പ്രദേശങ്ങളായ ഗ്രാമങ്ങളിലേക്ക് (ഏതാണ്ട് 35 കി.മി.ദൂരെ)വാടകക്കെടുത്ത വാഹനങ്ങളില്‍ യാത്ര തിരിക്കാം.ബ്ലോഗര്‍മാരായ നമുക്ക് ഈ പ്രശ്നത്തില്‍ എന്തൊക്കെ ചെയ്യാനാകുമെന്ന് ആലോചിക്കാനും, പ്രവര്‍ത്തനങ്ങള്‍ക്ക് തുടക്കം കുറിക്കാനും ആരെങ്കിലും മുന്നിട്ടിറങ്ങണമെന്നത് പ്രധാനപ്പെട്ട കാര്യമായതിനാലാണ് ബ്ലോഗ് ശില്‍പ്പശാല എന്ന ഉദ്ദേശം മാത്രം ലക്ഷ്യവച്ച കേരള ബ്ലോഗ് അക്കാദമി ഈ യാത്ര സംഘടിപ്പിക്കുന്നത്. പങ്കെടുക്കാന്‍ താല്‍പ്പര്യമുള്ള എല്ലാ ബ്ലോഗര്‍മാര്‍ക്കും ഈ ഉദ്ദ്യമത്തില്‍ കൂട്ടുചേരാവുന്നതാണ്. തിരുവനന്തപുരത്തു നിന്നും മംഗലാപുരത്തേക്കു പോകുന്ന 6347 നമ്പര്‍ മംഗലാപുരം എക്സ്പ്രസ്സ് ട്രൈനിന് രാവിലെ 10 മണിക്ക് കാസര്‍ഗോഡ് എത്തിച്ചേരുന്നതായിരിക്കും സൌകര്യം. സ്ഥലത്തെ സാമൂഹ്യപ്രവര്‍ത്തകരുടെ സഹായത്തോടെ ഗ്രാമങ്ങള്‍ സന്ദര്‍ശിക്കാം. വൈകീട്ട് 4 മണിക്ക് തിരിച്ചു പോരാനാകുമെന്നും കരുതുന്നു. കൂടുതല്‍ വിവരങ്ങള്‍ക്ക് ബന്ധപ്പെടുക : 9249401004.

ഇന്ത്യയിലും നെറ്റ് വിപ്ലവം !

2011-04-07T11:36:00.000-07:00

മംഗളത്തില്‍ അണ്ണാ ഹസാരെയുടെ നേതൃത്വത്തില്‍ നടക്കുന്ന സമരത്തെക്കുറിച്ചുള്ള നല്ലൊരു വാര്‍ത്ത പ്രസിദ്ധീകരിച്ചിരിക്കുന്നു. വാര്‍ത്തയിലേക്കുള്ള ലിങ്ക് വാര്‍ത്ത താഴെ കോപ്പി പേസ്റ്റുകയും ചെയ്യുന്നു.പ്രധാന മന്ത്രിക്കുള്ള അണ്ണാ ഹസാരെയുടെ കത്ത് (ലിങ്ക്)

അണ്ണാ ഹസാരെക്കൊപ്പം യുവജന ലക്ഷങ്ങള്‍

ന്യൂഡല്‍ഹി: രാജ്യതലസ്‌ഥാന നഗിരിയിലെ ജന്തര്‍മന്ദറില്‍ ഗാന്ധിയനായ അണ്ണാ ഹസാരെ നടത്തുന്ന അഴിമതി വിരുദ്ധ സമരത്തിനു പിന്നില്‍ അണി നിരക്കുന്നവരിലേറെയും യുവജനങ്ങള്‍. ടുണീഷ്യയിലും ഈജിപ്‌തിലും അരങ്ങേറിയ ജനാധിപത്യ പ്രക്ഷോഭങ്ങളില്‍നിന്നുള്ള ആവേശമാണ്‌ അണ്ണാ ഹസാരയ്‌ക്കു പിന്നില്‍ അണിനിരക്കാന്‍ ഇവരെ പ്രേരിപ്പിക്കുന്നത്‌. കോളജുകളിലും ഉന്നതവിദ്യാഭ്യാസ സ്‌ഥാപനങ്ങളിലും പഠിക്കുന്ന വിദ്യാര്‍ഥികളാണ്‌ ഇവരില്‍ പലരും. ഐടി, എന്‍ജിനീയറിംഗ്‌ മേഖലയിലെ വിദഗ്‌ധരും ജന്തര്‍മന്ദറിലെ സമരപന്തലില്‍ അണ്ണാ ഹസാരെയ്‌ക്കൊപ്പമുണ്ട്‌. അഴിമതി കാര്യക്ഷമമായി തടയുന്ന വിധം ലോക്‌പാല്‍ ബില്‍ നടപ്പാക്കണമെന്നാവശ്യപ്പെട്ടാണ്‌ അണ്ണാ ഹസാരെ മരണം വരെയുള്ള നിരാഹാര സമരം ആരംഭിച്ചത്‌. സമരം ഇന്നു മൂന്നാം ദിവസത്തേക്കു കടക്കുമ്പോള്‍ രാജ്യത്തിന്റെ വിവിധ ഭാഗങ്ങളില്‍നിന്നുള്ള യുവജനങ്ങള്‍ ഇന്റര്‍നെറ്റിലെ സൗഹൃദ കൂട്ടായ്‌മകളിലൂടെ അണ്ണാ ഹസാരയ്‌ക്കു പിന്തുണയുമായി അണിനിരക്കുന്നു. ടുണീഷ്യയിലും ഈജിപ്‌തിലുമെല്ലാം ഇന്റര്‍നെറ്റാണ്‌ ജനാധിപത്യ വിപ്ലവത്തിനു തിരിതെളിച്ചത്‌. ഈ മാതൃകയാണ്‌ ഇന്ത്യയിലെ യുവജനങ്ങളും പിന്തുടരുന്നത്‌. ഹസാരയുടെ സമരത്തെ പിന്തുണയ്‌ക്കണമെന്നാവശ്യപ്പെട്ട്‌ ഫേസ്‌ബുക്കിലും ട്വിറ്ററിലും ലക്ഷക്കണക്കിനു സന്ദേശങ്ങളാണ്‌ അയയ്‌ക്കപ്പെടുന്നത്‌.

ഫേസ്‌ബുക്കില്‍ ഒരാള്‍ക്ക്‌ നൂറുകണക്കിനു സുഹൃത്തുക്കളുണ്ട്‌. ഇവരില്‍ പത്തിലൊരാളുടെ പിന്തുണ ഹസാരെയുടെ സമരത്തിനു നേടാനായാല്‍ ഇന്ത്യയില്‍നിന്നു അഴിമതി പൂര്‍ണമായും തുടച്ചു നീക്കാനാവുമെന്നാണ്‌ ഇലക്‌്ട്രിക്‌ എന്‍ജീയര്‍ ജോലി ഉപേക്ഷിച്ച്‌ തെരുവുനാടകക്കാരനായി മാറിയ വിനീത്‌ അഹൂജ ഫേസ്‌ബുക്കില്‍ കുറിച്ചത്‌. അണ്ണാ ഹസാരയുടെ അഴിമതി വിരുദ്ധ സമരത്തെ പിന്തുണച്ചു വിദ്യാര്‍ഥികളും സാമൂഹ്യപ്രവര്‍ത്തകരും പ്രഫഷണലുകളുമടക്കം ആയിരക്കണക്കിനു യുവജനങ്ങളാണ്‌ ഇന്നലെ വൈകിട്ട്‌ ഡല്‍ഹിയിലെ ഇന്ത്യാ ഗേറ്റില്‍ മെഴുകുതിരികളുമേന്തി പ്രകടനം നടത്തിയത്‌. ഫേസ്‌ബുക്കിലും ട്വിറ്ററിലൂടെയും നടക്കുന്ന പ്രചാരണത്തില്‍നിന്ന്‌ ഊര്‍ജം ഉള്‍കൊണ്ടാണ്‌ ഇവരില്‍ ഭൂരിപക്ഷവും അണിനിരന്നത്‌. ഈജിപ്‌തില്‍ മൂന്നു പതിറ്റാണ്ടോളം ഭരിച്ച ഹോസ്‌നി മുബാറക്കിനെ പുറത്താക്കാന്‍ തലസ്‌ഥാനമായ കെയ്‌്റോയിലെ തഹ്‌്റിര്‍ ചത്വരത്തില്‍ തടിച്ചുകൂടിയ ജനലക്ഷങ്ങളെ അനുസ്‌മരിപ്പിക്കും വിധമാണ്‌ ജന്തര്‍മന്ദര്‍ പരിസരങ്ങള്‍.

ഹസാരയ്‌ക്കു പിന്തുണ നല്‍കുന്നവരുടെ പേരുകള്‍ രജിസ്‌റ്റര്‍ ചെയ്യാനായി പ്രഖ്യാപിച്ച ടെലിഫോണ്‍ നമ്പരിലേക്കു ഏഴു ലക്ഷത്തിലേറെ കോളുകളാണ്‌ രണ്ടു ദിവസത്തിനുള്ളില്‍ എത്തിയത്‌. ഇവരില്‍ ഏറെയും യുവജനങ്ങളാണ്‌ എന്നതും ശ്രദ്ധേയമാണ്‌. ഇതിനിടെ ഹസാരെയുടെ സമരത്തിനു പിന്തുണയുമായി ബോളിവുഡ്‌ സൂപ്പര്‍ താരം അമീര്‍ഖാനും രംഗത്തെത്തി. ഇന്ത്യന്‍ ക്രിക്കറ്റ്‌ ടീമിനു നല്‍കുന്ന പിന്തുണയേക്കാള്‍ അധികം പിന്തുണ ഹസാരെയുടെ സമരത്തിനു നല്‍കണമെന്നാണ്‌ അമീര്‍ ആവശ്യപ്പെട്ടത്‌.

ഏഴുപതുവയസുകഴിഞ്ഞ അണ്ണാ ഹസാരയ്‌ക്കു അഴിമിതി വിരുദ്ധ സമരം നടത്താമെങ്കില്‍ എന്തുകൊണ്ട്‌ ഞങ്ങള്‍ക്കാവില്ലെന്നാണ്‌ ജേണലിസം വിദ്യാര്‍ഥിയായ കൗഷിക്‌ കുമാര്‍ പറയുന്നത്‌. തിങ്ങളാഴ്‌ച നടക്കാനിരിക്കുന്ന പരീക്ഷ ഉപേക്ഷിച്ചാണ്‌ കൗഷികും കൂട്ടരും അണ്ണാ ഹസാരയ്‌ക്കു പിന്തുണയുമായി ജന്തര്‍മന്ദറില്‍ തടിച്ചുകൂടിയിരിക്കുന്നത്‌. വരും ദിവസങ്ങളില്‍ കൂടുതല്‍ യുവജനങ്ങള്‍ അണ്ണാ ഹസാരയ്‌ക്കൊപ്പം ഉപവാസത്തിലും പ്രതിഷേധത്തിലും പങ്കെടുക്കുമെന്നാണ്‌ കണക്കുകൂട്ടുന്നത്‌. ആയിരക്കണക്കിനു യുവജനങ്ങള്‍ ഹസാരെയ്‌ക്കു പിന്തുണയുമായി അണിനിരക്കുമ്പോള്‍ സര്‍ക്കാരിനു മുട്ടുമടക്കേണ്ടിവരുമെന്നാണ്‌ അനുയായികളുടെ കണക്കുകൂട്ടല്‍.

ഇന്ത്യയിലെ ആദ്യത്തെ ഇന്റര്‍നെറ്റ്‌ ജനകീയ വിപ്ലവമെന്ന തരത്തിലാണ്‌ അണ്ണാ ഹസാരെയുടെ അഴിമതി വിരുദ്ധസമരത്തെ പാശ്‌ചാത്യലോകം നിരീക്ഷിക്കുന്നത്‌.
-ഓണ്‍ ലൈന്‍ മംഗളം വാര്‍ത്ത.

തിരൂര്‍ തുഞ്ചന്‍ പറമ്പ് ബ്ലോഗ്‌മീറ്റില്‍ പങ്കെടുക്കുക

2011-03-17T09:21:00.000-07:00

ബ്ലോഗുകളും,ഫേസ്‌ബുക്ക്,ട്വിറ്റര്‍,ബസ്സ്... തുടങ്ങിയ ഇന്റെര്‍നെറ്റ് സോഷ്യല്‍ നെറ്റ് വര്‍ക്കുകളും സമൂഹത്തില്‍ നിര്‍ണ്ണായകമായ സ്വാധീനം നേടിക്കൊണ്ടിരിക്കുകയാണല്ലോ. ഈ സൈബര്‍ മാധ്യമം സമൂഹത്തിന്റെ അഭിപ്രായ രൂപീകരണത്തില്‍ മറ്റൊരു മാധ്യമത്തിനും കഴിയാത്ത വിധം ജനാധിപത്യത്തിന്റെയും അഭിപ്രായ സ്വാതന്ത്ര്യത്തിന്റേയും വേദിയായി മാറിക്കൊണ്ടിരിക്കുന്നു. ഇന്റെര്‍നെറ്റ് സാക്ഷരത വോട്ടവകാശം പോലെ ജനങ്ങളുടെ പ്രധാന ആവശ്യമായിക്കൊണ്ടിരിക്കുകയാണ്. പരിഷ്കൃത സമൂഹത്തിന്റെ ദൈനംദിന പ്രവര്‍ത്തികളെല്ലാം ഇന്റെര്‍നെറ്റുമായി ബന്ധപ്പെട്ട് നിവര്‍ത്തിക്കേണ്ടതായി വന്നുതുടങ്ങിയിരിക്കുന്നു.

ഈ പശ്ചാത്തലത്തില്‍ കേരളത്തിലെ നെറ്റ് ഉപയോക്താക്കള്‍, അവര്‍ ബ്ലോഗര്‍മാരായാലും മറ്റു സോഷ്യല്‍ നെറ്റ്വര്‍ക്ക് ഉപയോക്താക്കളോ വെറും ഈ മെയില്‍ മാത്രം ഉപയോഗിക്കുന്നവരായാലും ഇടക്ക് ഒത്തുകൂടേണ്ടതും , ഈ മാധ്യമത്തിന്റെ വികസനത്തിനു വേണ്ടിയും പ്രചാരത്തിനു വേണ്ടിയും പരസ്പ്പരം സഹകരിക്കേണ്ടതും സമൂഹത്തിന്റെ ജനാധിപത്യപരമായ വികാസത്തിനും പുരോഗതിക്കും അവശ്യമായിരിക്കുന്നു. 2011 ഏപ്രില്‍ 17 ന് തിരൂര്‍ തുഞ്ചന്‍ പറമ്പില്‍ കുറച്ചു ബ്ലോഗര്‍മാരുടെ ആത്മാര്‍ത്ഥമായ ശ്രമഫലമായി ഒരു ബ്ലോഗ് മീറ്റ് സംഘടിപ്പിക്കപ്പെടുകയാണ്. ഇതുവരെ സംഘടിപ്പിക്കപ്പെട്ട ബ്ലോഗ് മീറ്റുകളില്‍ നിന്നും വ്യത്യസ്തമായി ബ്ലോഗുകളുടെ വളര്‍ച്ചയെ രേഖപ്പെടുത്തുന്നതും പരിചയപ്പെടുത്തുന്നതുമായ ഒരു സ്മരണികയും, പുസ്തക പ്രകാശനങ്ങളും, ചിത്രപ്രദര്‍ശനവുമെല്ലാം ബ്ലോഗ് മീറ്റില്‍ ഉള്‍പ്പെടുത്തിയതായറിയുന്നു.

കേരളത്തില്‍ ബ്ലോഗുകളുടെ ചരിത്രത്തില്‍ പ്രധാന ചുവടുവയ്പ്പായി കണക്കാക്കാവുന്ന തിരൂര്‍ തുഞ്ചന്‍ പറമ്പ് ബ്ലോഗ് മീറ്റില്‍ പങ്കെടുക്കാന്‍ ബ്ലോഗര്‍മാരും മറ്റു സോഷ്യല്‍ നെറ്റ്വര്‍ക്ക് ഉപയോക്ത്താക്കളും ആവതും ശ്രമിക്കണമെന്ന് അഭ്യര്‍ത്ഥിക്കുന്നു. തിരൂര്‍ ബ്ലോഗ് മീറ്റില്‍ പങ്കെടുക്കുന്നതിനും കൂടുതല്‍ വിവരങ്ങള്‍ക്കും സംഘാടകരെ നേരില്‍ ബന്ധപ്പെടുക.

കോണ്ടാക്ട് ചെയ്യാനുള്ള ഫോണ്‍ നമ്പറുകള്‍:

1. കൊട്ടോട്ടിക്കാരന്‍ 9288000088 (kottotty@gmail.com)
2. നന്ദു 9995635557 (nandu.blogger@gmail.com)
3. ഡോ. ആര്‍ കെ തിരൂര്‍ 9447408387 (drratheeshkumar@gmail.com)
4. തോന്ന്യാസി 9447891614
ഇതുമായി ബന്ധപ്പെട്ട ബ്ലോഗ് പോസ്റ്റുകളിലേക്കുള്ള ലിങ്കുകള്‍ താഴെ കൊടുക്കുന്നു:

1)തുഞ്ചന്‍പറമ്പ് ബ്ലോഗേഴ്‌സ് മീറ്റ്

2)...കഥയ മമ കഥയ മമ കഥകളതിസാദരം.-ഡോ.ആര്‍.കെ.തിരൂര്‍

3)മീറ്റ്: സ്ഥലവും തീയതിയും തീരുമാനിച്ചു.-കൊട്ടോട്ടിക്കാരന്‍

4)തിരൂര്‍ തുഞ്ചന്‍‌പറമ്പിലെ ചില പടംസ്-കൊട്ടോട്ടിക്കാരന്‍

5)മലബാറില്‍ ഒരു ബ്ലോഗേഴ്‌സ് മീറ്റ് - ആലോചനാപോസ്റ്റ്-കൊട്ടോട്ടിക്കാരന്‍

6)തിരൂര്‍ തുഞ്ചന്‍ പറമ്പ്- ബ്ലോഗ് മീറ്റ് ആലോചന-ബ്ലോഗ് അക്കാദമി

7)ബ്ളോഗ് സുവനീർ 'തുഞ്ചൻ മീറ്റ് 2011'

മലയാളം ബ്ലോഗ് ലഘുലേഖ

2011-02-16T01:24:00.000-08:00

മലയാളം ബ്ലോഗ് തുടങ്ങാന്‍ ആഗ്രഹിക്കുന്നവര്‍ക്ക് വേണ്ടി ഒരു A4 നോട്ടീസ് വലിപ്പത്തില്‍ തയ്യാറാക്കിയിരിക്കുന്ന ഈ ലഘുലേഖ ഉപകാരപ്രദമാകുമെന്ന് കരുതുന്നു. ഇത് ഡൌണ്‍ലോഡ് ചെയ്ത് പ്രിന്റെടുത്ത് ഉപയോഗിക്കാനും, ബ്ലോഗറാകാന്‍ ആഗ്രഹിക്കുന്നവര്‍ക്ക് വിതരണം ചെയ്യാനും ഉപയോഗപ്പെടുത്താം.

ഈജിപ്തിലെ ഫേയ്സ്ബുക്ക് വിപ്ലവം !

2011-02-15T08:07:00.000-08:00

ഈജിപ്തില്‍ ഏകാധിപത്യത്തിനെതിരെയുള്ള അഹിംസാത്മകമായ ജനകീയ വിപ്ലവം സംഘടിപ്പിച്ചത് ഫേസ് ബുക്ക് കൂട്ടായ്മയായിരുന്നു എന്ന യാഥാര്‍ത്ഥ്യം ഇന്റെര്‍നെറ്റ് എന്ന മാധ്യമത്തിന്റെ ജനാധിപത്യ ശക്തിയുടെ പ്രഖ്യാപനം കൂടി ആയിരിക്കുന്നു.30 വര്‍ഷത്തെ മുബാറക്കിന്റെ ഏകാധിപത്യ ഭരണം താങ്ങി നിര്‍ത്തിയത് ആരെല്ലാമായിരുന്നു എന്നും,അതില്‍ പരംബരാഗത മീഡിയയുടെ സ്ഥാനം എന്തായിരുന്നു എന്നും അപഗ്രഥിക്കുമ്പോഴാണ് ഇന്റെര്‍ നെറ്റ് അധിഷ്ഠിതമായ സ്വതന്ത്ര മാധ്യമത്തിന്റെ പ്രാധാന്യവും ജനാധിപത്യ മുഖവും പൂര്‍ണ്ണമായി ബോധ്യപ്പെടുക. സാമൂഹ്യ നീതി സമൂഹത്തിലെ എല്ലാ മനുഷ്യര്‍ക്കും ലഭ്യമാക്കുന്നതിനായി ബ്ലോഗ്,ഫേസ് ബുക്ക്, ട്വിറ്റര്‍,ബസ്സ്,...തുടങ്ങിയ എല്ലാ മാര്‍ഗ്ഗങ്ങളും എല്ലാ സമൂഹങ്ങള്‍ക്കും സുപരിചിതമാകേണ്ടിയിരിക്കുന്നു.ഈജിപ്തിലെ ഫേസ്ബുക്ക് വിപ്ലവം നല്‍കുന്ന പാഠം ഉള്‍ക്കൊണ്ട് ജനാധിപത്യത്തെ ശക്തിപ്പെടുത്താന്‍ നമ്മള്‍ ഊര്‍ജ്ജിതമായി പ്രവര്‍ത്തിക്കേണ്ടിയിരിക്കുന്നു. ബ്ലോഗര്‍ മനോജ് ഈജിപ്തിലെ ഫേസ്ബുക്ക് വിപ്ലവത്തെക്കുറിച്ചെഴുതിയ പോസ്റ്റ് ആശയ പ്രചരണത്തിന്റെ വേഗതകൂട്ടുന്നതിനായി താഴെ കോപ്പി പേസ്റ്റ് ചെയ്തിരിക്കുന്നു. മനോജിന്റെ വ്യഥകള്‍ എന്ന ബ്ലോഗിലേക്കുള്ള ലിങ്ക്:ഫേയ്സ്ബുക്ക് വഴിയുള്ള വിപ്ലവം വിജയിച്ചു

................................................

2008 ഏപ്രില്‍ 6ന് ഈജിപ്റ്റില്‍ മുബാറിക്കിനെതിരെ അണിചേരാനുള്ള ആഹ്വാനം ഫേയ്സ്ബുക്കില്‍ (ഏപ്രില്‍ 6 യൂത്ത് മൂവ്മെന്റ്) നല്‍കി തുടങ്ങിയ നീക്കം അതിന്റെ ഫലസമാപ്തിയില്‍ എത്തി. 30 കൊല്ലം അടക്കി വാണ മുബാറക്ക് രാജി വെച്ചൊഴിഞ്ഞു. 18 ദിവസം മാത്രം നീണ്ട ഒടുവില്‍ നടന്ന സമരത്തിന് (18 ദിവസത്തെ വിശേഷങ്ങള്‍) ജനുവരി 25നാണ് ഫേയ്സ്ബുക്കിലൂടെ ആഹ്വാനം നടത്തിയത്.

വിക്കിലീക്സ് വഴി മനസ്സിലാകുന്നത് ഫേയ്സ്ബുക്ക് വിപ്ലവം വിജയിക്കുമെന്ന വിശ്വാസം അമേരിക്കയ്ക്ക് പോലും ഇല്ലായിരുന്നു എന്നാണ്. എന്നാല്‍ പൊതുവേദിയില്‍ പ്രതിഷേധത്തിന് സാധ്യതയില്ലാത്തിടത്ത് സോഷ്യല്‍ നെറ്റ്വര്‍ക്കുകള്‍ വഴി വിജയം നേടാം എന്ന് ഈജിപ്തിലെ യുവജനത തെളിയിച്ചു. അതിന് നേതൃത്വം കൊടുത്തവരില്‍ പലരും കടുത്ത യാതനകള്‍ അനുഭവിക്കേണ്ടി വന്നിരുന്നു (ആദ്യ കാലത്ത് അവര്‍ നേരിടേണ്ടി വന്നത് യൂ ട്യൂബില്‍ കാണാം, പണ്ട് അജിതയും മറ്റും അനുഭവിച്ചത് എത്രമാത്രം ഭീകരമായിരുന്നുവെന്ന് ഓര്‍മ്മയിലേയ്ക്ക് വരുന്നത് സ്വാഭാവികമായിരിക്കാം, ഭരണകൂടം എന്നും എതിരാളികളെ തകര്‍ക്കുന്നത് ഇങ്ങനെയാണ്).

അമേരിക്കയില്‍ 2010 ഏപ്രില്‍ 27ന് ന്യൂജേര്‍ഴ്സിയില്‍ ചില കുട്ടികള്‍ ഫേയ്സ്ബുക്കിലൂടെ സമരത്തിന് ആഹ്വാനം ചെയ്ത് വിജയിച്ചതിനെ പറ്റി അന്ന് ഒരു പോസ്റ്റിട്ടിരുന്നു. വിദ്യാര്‍ത്ഥി രാഷ്ട്രീയ പ്രസ്ഥാനങ്ങളില്ലാതെ അമേരിക്കയില്‍ അങ്ങിനെ ഒന്ന് ഫേയ്സ്ബുക്കിലൂടെ വിജയിച്ചപ്പോള്‍ തെല്ല് അത്ഭുതമുണ്ടായിരുന്നു. 2008ലെ പ്രസിഡന്റ് തെരഞ്ഞെടുപ്പില്‍ സോഷ്യല്‍ നെറ്റ്വര്‍ക്ക് ഫലപ്രദമായി ഉപയോഗിക്കാം എന്ന് ഒബാമ കാട്ടി തന്നു. 2010ലെ അമേരിക്കന്‍ തെരഞ്ഞെടുപ്പില്‍ യൂട്യൂബ് പരസ്യം വരെ സ്ഥാനാര്‍ത്ഥികള്‍ നല്‍കി എന്നത് സോഷ്യല്‍ നെറ്റ്വര്‍ക്കുകളുടെ ശക്തി തെളിയിക്കുന്നു...

എന്നാല്‍ ഒരു രാജ്യത്തിന്റെ ഭരണാധിപതിയെ വളരെ ചുരുങ്ങിയ സമയം കൊണ്ട് പണ ചെലവ് അധികമില്ലാതെ താഴെയിറക്കാം എന്ന് ഈജിപ്തിലെ യുവജനത ലോകത്തിന് കാട്ടി തരുമ്പോള്‍ സമാധാനം നഷ്ടപ്പെടുന്നത് ഭരണകര്‍ത്താക്കളാണ്.

ഇടയ്ക്ക് അടിച്ചൊതുക്കുവാന്‍ “കൂലി തല്ലുകാരെ” ഇറക്കിയെങ്കിലും അതിനെയും അതി ജീവിച്ച് നില്‍ക്കുവാന്‍ ഈജിപ്ത്യന്‍ യുവരക്തം തയ്യാറായി. അവര്‍ക്ക് പിന്തുണയുമായി മറ്റുള്ളവരും.

അമേരിക്കയുടെ ഇന്റലിജന്‍സിന് ഈജിപ്തിലെ സമര നീക്കം മുങ്കൂട്ടി കാണുവാന്‍ സാധിച്ചില്ല എന്ന വിമര്‍ശനം ഉയര്‍ന്ന് കഴിഞ്ഞു.

ട്യൂണിഷ്യയില്‍ കണ്ട വിജയമാണ് ഈജിപ്തിലെ ഫേയ്സ്ബുക്ക് വിപ്ലവകാരികള്‍ക്ക് ത്വരഗമായത് എങ്കിലും സോഷ്യല്‍ നെറ്റ്വര്‍ക്കിന്റെ ശക്തി എത്രമാത്രമെന്ന് ലോകം കൊണ്ടറിഞ്ഞു.

ലോകം ഇനിയും എത്രയോ ഫേയ്സ്ബുക്ക് വിപ്ലവങ്ങള്‍ക്ക് സാക്ഷിയാകാനിരിക്കുന്നു.....

(ബ്ലോഗര്‍ മനോജിന്റെ വ്യഥകള്‍ എന്ന ബ്ലോഗില്‍ നിന്നുള്ളതാണ് ഈ പോസ്റ്റ്)

ബ്ലോഗര്‍ അങ്കിള്‍ അന്തരിച്ചു (ചന്ദ്രകുമാര്‍)

2011-01-10T05:16:00.000-08:00

ആദ്യം വിശ്വസിക്കാനായില്ല, സാജുവിന്റേയും കിരണ്‍ തോംബിലിന്റേയും പോസ്റ്റുകളില്‍ നിന്നാണ് മരണ വാര്‍ത്ത വായിച്ചത്. എന്നിട്ടും വിശ്വാസം പോരാഞ്ഞ് യാരിദിനെ വിളിച്ചു. സത്യം തന്നെ.ബ്ലോഗര്‍ അങ്കിള്‍ ഇന്നലെ വൈകീട്ട് അന്തരിച്ചിരിക്കുന്നു. കഴിഞ്ഞ ആഴ്ച്ച കൂടി അദ്ദേഹത്തെ ഫോണില്‍ വിളിച്ചു സംസാരിച്ചിരുന്നു... വല്ലാത്ത ഷോക്കായിപ്പോയി ഈ മരണ വാര്‍ത്ത.
ഇന്നലെ വൈകീട്ടായിരുന്നു അന്ത്യം. കുളിമുറിയില്‍ നിന്നും പുറത്തുവരാത്തതുകണ്ട് വാതില്‍ തള്ളിത്തുറന്നപ്പോള്‍ മരിച്ചിരുന്നു. ഇപ്പോള്‍ ആശുപത്രി മോര്‍ച്ചറിയില്‍ മൃതദേഹം സൂക്ഷിച്ചിരിക്കുന്നു.
വിദേശത്തായിരുന്ന മകള്‍ എത്തിയിട്ടുണ്ട്. യു എസ്സില്‍ നിന്നും മകന്‍ കൂടി എത്തിച്ചേരാനുണ്ട്. നാളെ രാവിലെ 9 മണിക്കു ശേഷം അന്ത്യകര്‍മ്മങ്ങള്‍ നടക്കുമെന്ന് അങ്കിളിന്റെ ബ്രദര്‍ ഇന്‍ ലായില്‍ നിന്നും അറിയാന്‍ കഴിഞ്ഞു. തിരുവനന്തപുരത്ത് എത്തിച്ചേരാന്‍ സൌകര്യമുള്ള ബ്ലോഗര്‍മാര്‍ അങ്കിളിനു അന്ത്യാഞ്ജലി അര്‍പ്പിക്കണം. സര്‍ക്കാര്‍ കെടുകാര്യസ്ഥതക്കെതിരേയും, അഴിമതിക്കെതിരേയും ബ്ലോഗിലൂടെ ഒറ്റക്ക് പൊരുതിയ നന്മനിറഞ്ഞ ധീരനാണ് അങ്കിള്‍.കേരള ബ്ലോഗ് അക്കാദമി തിരുവനന്തപുരം ശില്‍പ്പശാലയിലാണ് (തിരുവനന്തപുരം ബ്ലോഗ് ശില്പശാല-ചില ചിത്രങ്ങള്‍)അങ്കിളിനെ ആദ്യമായി കാണുന്നത്. നിസ്വാര്‍ത്ഥനായ ഉത്തമ മനുഷ്യസ്നേഹിയായിരുന്നു അങ്കിള്‍.
അങ്കിളിന്റെ(ചന്ദ്രകുമാര്‍)വീട്ടിലെ ഫോണ്‍ നംബര്‍: 0471-2360822

അങ്കിളിന്റെ ബ്ലോഗുകള്‍ :സര്‍ക്കാര്‍ കാര്യം http://sarkkaarkaryam.blogspot.com/
ഉപഭോക്താവ് http://upabhokthavu.blogspot.com
കൂടുതല്‍ അറിയുന്നതിനും അങ്കിളിന്റെ വീട്ടിലേക്കുള്ള ഗ്ഗൂഗിള്‍ മാപ്പിനും ഈ ലിങ്കില്‍ ക്ലിക്കുക:
ബ്ലോഗർ അങ്കിൾ അന്തരിച്ചു
അങ്കിളിന് ആദരാഞ്ജലികള്‍
ഇതോടൊപ്പം കൊടുത്തിരിക്കുന്ന അങ്കിളിന്റെ ഫോട്ടോ ഹരീഷ് തൊടുപുഴ ചെറായി മീറ്റില്‍ വച്ച് എടുത്തിട്ടുള്ളതാണ്.

കമന്റുകളില്‍ ചിത്രം ചേര്‍ക്കുംബോള്‍

2010-12-25T11:01:00.000-08:00

ബ്ലോഗില്‍ ചിത്രങ്ങളും,അനിമേഷനും,ചലച്ചിത്രങ്ങളും എല്ലാം ചേര്‍ക്കാനുള്ള സൌകര്യമുണ്ടെങ്കിലും കമന്റു ബോക്സുകളില്‍ അത്തരം സൌകര്യം ബ്ലോഗര്‍ ഏര്‍പ്പെടുത്തിയിരുന്നില്ല. എന്നാല്‍ ചില എച്ച് ടി എം എല്‍ കോഡുകളുടെ സഹായത്തോടെ കമന്റുകളില്‍ അത്തരം പൊടിക്കയ്കളെല്ലാം ഉള്‍പ്പെടുത്താമെന്ന് അറിയിച്ചുകൊണ്ട് മാത്തമറ്റിക്സ് ബ്ലോഗില്‍ ഒരു പോസ്റ്റ് കാണുന്നു. താല്‍പ്പര്യവും സാവകാശവുമുള്ളവര്‍ പ്രസ്തുത സൌകര്യം പരിശോധിച്ച് ബ്ലോഗര്‍മാര്‍ക്ക് ആവശ്യമായ മാര്‍ഗ്ഗനിര്‍ദ്ദേശങ്ങള്‍ നല്‍കുന്നത് ഉചിതമായിരിക്കും. ബ്ലോഗ് കമന്റുകളിലെ ചിത്രങ്ങള്‍ വളരെ മിതമായി മാത്രം ഉപയോഗിക്കുകയാണെങ്കില്‍ ശാസ്ത്ര-ചരിത്ര സംബന്ധമായ വിഷയങ്ങള്‍ കൈകാര്യം ചെയ്യുന്നവര്‍ക്ക് അനുഗ്രഹമാകാനിടയുണ്ട്. എന്നാല്‍, കമന്റുകള്‍ കൂടെക്കൂടെ പരിശോധിക്കുകയും നിയന്ത്രിക്കുകയും ചെയ്യാന്‍ സൌകര്യവും സമയവുമില്ലാത്തവര്‍ ഈ സൌകര്യം ഏര്‍പ്പെടുത്തിയാല്‍ കമന്റ് മോഡറേഷന്‍ ഏര്‍പ്പെടുത്തുന്നത് നന്നായിരിക്കുമെന്ന് തോന്നുന്നു.കാരണം, വല്ലവരും നമ്മളുടെ കമന്റ് ബോക്സിലൂടെ വല്ല അശ്ലീല വെബ് ചിത്രമോ,വീഡിയോയോ അപ്പ്ലോഡ് ചെയ്താല്‍ അതിന്റെ പൂര്‍ണ്ണ ഉത്തരവാദിത്വം ബ്ലോഗ് ഉടമക്കാകുമെന്നതിനാല്‍ ഈ സൌകര്യത്തിലേക്ക് ഏടുത്തു ചാടുന്നതിനു മുന്‍പ് ഏല്ലാ വശങ്ങളും ചിന്തിക്കേണ്ടതാണെന്ന് ഓര്‍മ്മിപ്പിച്ചുകൊള്ളുന്നു.ഐടി.നിയമ പ്രകാരം ജാമ്യം ലഭിക്കാത്ത ഗുരുതരകുറ്റകൃത്യമായി അശ്ലീല ചിത്രങ്ങളുടെ പ്രസിദ്ധീകരണം കാരണമാകും.എന്നാല്‍,കമന്റ് ബോക്സില്‍ സ്റ്റാംബ് സൈസിലുള്ള കാര്യമാത്രപ്രസക്തമായ ചിത്രങ്ങള്‍ നന്നായിരിക്കുമെങ്കിലും വലിയ ചിത്രങ്ങള്‍ ഓര്‍ക്കുട്ട് ബസ്സ് എന്നിവയുടെ മുഖച്ഛായയും അസൌകര്യവും ബ്ലോഗിലേക്ക് പടരാന്‍ കാരണമാകുകയും,ബ്ലോഗിന്റെ ഗൌരവവും കാര്യമാത്രപ്രസക്തമായ വായനയുടേ വേഗതയും കുറക്കുമെന്നും തോന്നുന്നു.ഏതായാലും ഇത്തരം പുതിയ സാധ്യതകളെക്കുറിച്ചുള്ള അറിവു നല്‍കുന്ന മാത്സ് ബ്ലോഗിലെ പോസ്റ്റ് അഭിനന്ദനീയമാണ്.മാത്സ് ബ്ലോഗിലെ പ്രസ്തുത പോസ്റ്റിലേക്കുള്ള ലിങ്ക് താഴെ കൊടുക്കുന്നു.ലിങ്കില്‍ ക്ലിക്കി, പോസ്റ്റ് വായിക്കുക.
കമന്റില്‍ ഇപ്പോള്‍ ചിത്രവും ഉള്‍പ്പെടുത്താം

കൊച്ചി ബ്ലോഗ് മീറ്റ് ...2010 ആഗസ്ത് 8 ന്

2010-08-06T11:17:00.000-07:00

പ്രിയ ബ്ലോഗര്‍മാരെ,
2009 ലെ ചേറായി ബ്ലോഗ് മീറ്റിന്റെ തുടര്‍ച്ചയായുള്ള ഈ വര്‍ഷത്തെ ബ്ലോഗ് മീറ്റ് കൊച്ചിയില്‍ 2010 ആഗസ്ത് 8 ന്
(ഞായര്‍) നടത്തപ്പെടുകയാണ്. ഊര്‍ജ്ജ്യസ്വലരും, ഇച്ഛാശക്തിയുള്ളവരുമായ ഏതാനും ബ്ലോഗര്‍മാരുടെ ശ്രമഫലമായി സംഘടിപ്പിക്കപ്പെടുന്ന ഈ ബ്ലോഗര്‍ സമ്മേളനം വളരെ പ്രാധാന്യമര്‍ഹിക്കുന്ന ജനകീയ പ്രസാധകരുടെ കൂട്ടായ്മയാണ്.
മാധ്യമ രംഗത്തേക്ക് ശുദ്ധവായുവും ജനാധിപത്യവും കൊണ്ടുവന്ന ബ്ലോഗ് എന്ന മാധ്യമത്തിന്റേയും, അതിന്റെ എഴുത്തുകാരുടേയും,വായനക്കാരുടേയും വാര്‍ഷിക കൂടിക്കാഴ്ച്ച എന്നത് ഈ മാധ്യമത്തിന്റെ ശൈശവ ഘട്ടത്തില്‍ നിസാരമായ
ഒരു സംഭവമല്ല. തൊട്ടയല്‍പ്പക്കത്തുള്ള ബ്ലോഗര്‍മാര്‍ പോലും പരസ്പ്പരം കണ്ടുമുട്ടുന്നതും അപരിചിതത്വത്തിന്റെ വന്‍‌കരകള്‍ തമ്മിലുള്ള അകലം മുഖാമുഖ കൂടിക്കാഴ്ച്ചയിലേക്ക് ചുരുങ്ങി, ഹൃദ്യമായ ഒരു പാരസ്പര്യമായി വളരുന്നതും ഇത്തരം കൂടിച്ചേരലുകളിലൂടെയാണ്.
ബ്ലോഗ് മീറ്റുകളുടെ ഫലമായുണ്ടാകുന്ന സൌഹൃദ കൂട്ടായ്മകള്‍ പലപല ക്രിയാത്മക ദൌത്യങ്ങളുമായി കര്‍മ്മോത്സുകരായി നന്മനിറഞ്ഞ
പ്രവര്‍ത്തനങ്ങളില്‍ ഏര്‍പ്പെടുന്നത് നമുക്ക് കാണാനായിട്ടുണ്ട്. ഈ എളിയ പ്രവര്‍ത്തനങ്ങളെല്ലാം സത്യത്തില്‍ ഒരു തുടക്കം മാത്രമേ ആകുന്നുള്ളു. കാരണം, സാമൂഹ്യമായ ക്രിയാത്മക ഊര്‍ജ്ജ്യത്തിന്റെ വിതരണതലവും, സമൂഹത്തിന്റെ ജനാധിപത്യപരവും, വ്യക്തിപരവുമായ വികാസത്തിന്റെ സാംസ്ക്കാരിക വേദിയുമാകാനിരിക്കുന്ന ബൂലോഗത്തിന്റെ സാധ്യത അത്രക്ക് ബൃഹത്താണ്.

കൊച്ചി ബ്ലോഗ് മീറ്റില്‍ പങ്കെടുക്കുന്ന ഏല്ലാ ബ്ലോഗര്‍മാര്‍ക്കും, ബ്ലോഗ് വായനക്കാര്‍ക്കും, അതിന്റെ സംഘാടകര്‍ക്കും അഭിനന്ദനങ്ങളും, ആശംസകളുമറിയിക്കാം !!!

ബ്ലോഗ് മീറ്റിനെക്കുറിച്ചുള്ള മറ്റു വിവരങ്ങളും, സംഘാടകരെ നേരിട്ടു ബന്ധപ്പെടാനുള്ള മൊബൈല്‍ നമ്പറുകളും താഴെക്കൊടുത്ത ലിങ്കില്‍ ക്ലിക്കിയാല്‍ ലഭിക്കും.

ബ്ലോഗ് മീറ്റ്; അറിയിപ്പ്..

എറണാകുളം ശില്‍പ്പശാല മെയ് മാസം

2010-04-29T07:14:00.000-07:00

ബ്ലോഗില്‍ നിരന്തരം പുതിയ ബ്ലോഗര്‍മാര്‍ ഉണ്ടാകേണ്ടതും,നിലവിലുള്ള ബ്ലോഗര്‍മാര്‍ ശില്‍പ്പശാലകളുമായി ബന്ധപ്പെട്ട്
ഒത്തുകൂടേണ്ടതും ബ്ലോഗിന്റെ ക്രിയാത്മകമായ വളര്‍ച്ചയുടെ ഭാഗമായി അവശ്യം നടക്കേണ്ടതായ കാര്യങ്ങളാണ്.
2008-2009 വര്‍ഷങ്ങളിലായി 9 ബ്ലോഗ് ശില്‍പ്പശാലകള്‍ കേരളത്തിന്റെ വിവിധ ജില്ലകളിലായി കേരള ബ്ലോഗ് അക്കാദമിയുടെ
ആഭിമുഖ്യത്തില്‍ മലയാള ബൂലോക വാസികള്‍ക്ക് നടത്താനായിരുന്നു.സംഘാടകരുടെ സമയക്കുറവിനാല്‍ ഇടക്ക് നിര്‍ത്തിവച്ച ബ്ലോഗ് ശില്‍പ്പശാലകള്‍ക്ക് വീണ്ടും ഉണര്‍വ്വേകിക്കൊണ്ട് 2010 മെയ് രണ്ടാം പകുതിയില്‍ കേരളത്തിന്റെ വാണിജ്യ തലസ്ഥാനമായ
എറണാകുളത്തുവച്ച് ഒരു ശില്‍പ്പശാല സംഘടിപ്പിക്കപ്പെടുന്നു. ശില്‍പ്പശാലയുടെ തിയ്യതി സ്ഥലം എന്നിവ തീരുമാനിക്കുന്നതിലേക്കായി ഒരു ആലോചന യോഗം മെയ് ഒന്നിനോ രണ്ടിനോ എറണാകുളത്ത് ഉടന്‍ ചേരേണ്ടതുണ്ട്. എറണാകുളത്തും സമീപ പ്രദേശങ്ങളിലുമായുള്ള ബ്ലോഗര്‍മാര്‍ പരസ്പ്പരം ബന്ധപ്പെട്ട് പ്രസ്തുത ആലോചനായോഗം ചേരേണ്ടതും, ശില്‍പ്പശാല ബ്ലോഗര്‍മാരുടെ ഒരു സംഗമവേദികൂടിയായി ഉപയോഗപ്പെടുത്തേണ്ടതുമാണെന്ന് അഭ്യര്‍ത്ഥിക്കുന്നു.
കേരള ബ്ലൊഗ് അക്കാദമിയുടേയും, മലയാളം ബ്ലോഗ് കൌണ്‍സിലിന്റേയും ആഭിമുഖ്യത്തിലാണ് ശില്‍പ്പശാല നടത്തപ്പെടുക.ജൂനിയര്‍/സീനിയര്‍/പ്രശസ്ത/അപ്രശസ്ത....ബ്ലോഗര്‍ തുടങ്ങിയ ഭേദവിചാരങ്ങള്‍ക്കൊന്നും സ്ഥാനം നല്‍കാതെ,ബ്ലോഗ് വായനക്കാര്‍ക്കുകൂടി ഇടം നല്‍കിക്കൊണ്ടുള്ള ഈ ശില്‍പ്പശാല സംഘാടന ഉത്തരവാദിത്വങ്ങള്‍ ഏറ്റെടുത്തുനടത്താന്‍ തയ്യാറുള്ള എല്ല സുമനസ്സുകളേയും ക്ഷണിച്ചുകൊള്ളുന്നു.കൂടുതല്‍ വിവരങ്ങളും ശില്‍പ്പശാല സംഘാടനത്തിനുള്ള ആലോചന യോഗ വിവരങ്ങളും എറണകുളം ബ്ലോഗ് അക്കാദമിയില്‍ ചര്‍ച്ചചെയ്യപ്പെടുന്നു. അവിടേക്കുള്ള ലിങ്ക്:എറണാകുളം ബ്ലോഗ് ശില്‍പ്പശാല ആലോചനാ യോഗം
.......................

20.5.10
........................
അന്നേ ദിവസം നടന്ന യോഗ തീരുമാനപ്രകാരം മെയ് 30 ന് കലൂര്‍ മണപ്പാട്ടിപ്പറമ്പില്‍ പീടിയേക്കല്‍ റോഡിലുള്ള MECA ഹാളില്‍ ഉച്ചയ്ക്ക് 1 മണിക്ക് ശില്‍പ്പശാല നടത്താന്‍ ഏര്‍പ്പാടുകള്‍ നടന്നുവരുന്നു.
കൂടുതല്‍ വിവരങ്ങള്‍ക്ക് സംഘാടക പ്രവര്‍ത്തകരായ സുദേഷ്,പ്രവീണ്‍,സജീഷ് എന്നിവരുമായി ബന്ധപ്പെടാം.

ബ്ലോഗ് ശിൽ‌പ്പശാലയിൽ പങ്കെടുക്കാൻ താൽ‌പ്പര്യം ഉള്ള പൊതുജനങ്ങൾ 9961999455, 09539137170, 9847547526 എന്നീ ഫോൺനമ്പറുകളിൽ വിളിച്ചു പേരു രജിസ്റ്റർ ചെയ്യുക.

ബ്ലോഗ് തുടങ്ങുക.. ശില്‍പ്പശാല

2010-03-28T01:25:00.000-07:00

നമുക്കറിയാം,കുറച്ചെങ്കിലും കംബ്യൂട്ടര്‍ സാക്ഷരതയുള്ളവര്‍ക്ക് ബ്ലോഗ് തുടങ്ങാന്‍ ആരുടേയും സഹായം ആവശ്യമില്ലെന്ന്.ഒരു ഈ മെയില്‍ അക്കൌണ്ട് തുടങ്ങുന്നതുപോലെ ലളിതമാണ് ബ്ലോഗ് ആരംഭിക്കുന്നത്.
പ്രശ്നം ആരംഭിക്കുന്നത്,നാം തുടങ്ങിയ ബ്ലോഗ് ആരും ശ്രദ്ധിക്കുന്നില്ലെന്ന് അറിയുംബോഴാണ്.
മാത്രമല്ല, അധികം പേരും ഒറ്റക്ക് ബ്ലോഗ് തുടങ്ങുബോള്‍ നമ്മുടെ മാതൃഭാഷയായ മലയാളത്തിലല്ല, ഇംഗ്ലീഷിലാണ് ബ്ലോഗ് ക്രിയേറ്റ് ചെയ്യുക. അതുകൊണ്ടുതന്നെ മലയാളികളായ ബ്ലോഗ് വായനക്കാരുടേയും എഴുത്തുകാരുടേയും ശ്രദ്ധയില്‍ പെടാതെ പുതിയ ബ്ലോഗര്‍ ഒറ്റപ്പെട്ടു നില്‍ക്കുകയോ, മനസ്സുമടുത്ത് ബ്ലോഗ് എന്ന പരിപാടി തന്നെ നിര്‍ത്തിപ്പോകുകയോ ചെയ്തേക്കാം. കുറച്ചു പേര്‍ ഇങ്ങനെ ഒറ്റപ്പെട്ടു നില്‍ക്കുകയോ,ബ്ലോഗ് മതിയാക്കുകയോ ചെയ്തതുകൊണ്ട് നമുക്കാര്‍ക്കും നഷ്ടമൊന്നുമില്ല. എങ്കിലും ബ്ലോഗ് എഴുതാനും വായിക്കാനും തയ്യാറായി വരുന്ന മലയാളിക്ക് മലയാള ബൂലോകത്തിന്റെ പൊതുവേദിയില്‍ എത്തിപ്പെടാനാകാതെവരുന്നത് അമ്മക്ക് സ്വന്തം മക്കളെ കൈവിട്ടുപോകുന്നതുപോലെ ... മലയാള ഭാഷക്കും സമൂഹത്തിനും ഒരു നഷ്ടം തന്നെയാണ്.

ഒരു ബ്ലോഗ് അക്കൌണ്ട് തുടങ്ങിയതുകൊണ്ടുമാത്രം നമ്മളാരും ബ്ലോഗറാകുന്നില്ല.ബ്ലോഗില്‍ നിരന്തരം പോസ്റ്റുകള്‍ പ്രസിദ്ധീകരിച്ച് ജനശ്രദ്ധ നമ്മുടെ ബ്ലോഗിലേക്ക് ആകര്‍ഷിക്കാനാകുന്നില്ലെങ്കില്‍ ബ്ലോഗ് എഴുത്ത് വൃഥാവ്യായാമമായിത്തീര്‍ന്നേക്കാം. നമ്മുടെ പോസ്റ്റ് ജനശ്രദ്ധക്ക് പാത്രമാകാന്‍ അത്രയും കഴിവുറ്റ പ്രതിഭയാകണമെന്നൊന്നുമില്ല. നമ്മുടെ ഭാഷക്കും പ്രതിപാദ്യത്തിനുമനുസരിച്ച് വായനക്കാരന്‍ ബ്ലോഗ് സന്ദര്‍ശിക്കുന്നുണ്ട് എന്നതിനാല്‍ പാണ്ഡിത്യം കൂടിയതിനും കുറഞ്ഞതിനും അതിന്റേതായ വായനക്കാരുണ്ട്.
ശ്രദ്ധിക്കാനുള്ളത് നമ്മുടെ പുതിയതായി തുടങ്ങിയ ബ്ലോഗ് ബ്ലോഗര്‍മാരുടെ പൊതു വായനാസ്ഥലങ്ങളില്‍ ലിസ്റ്റ് ചെയ്യാനുള്ള സെറ്റിങ്ങുകള്‍ നാം ചെയ്തിട്ടുണ്ടോ എന്നതാണ്.
നമ്മുടെ ബ്ലോഗിലെ പോസ്റ്റുകളില്‍ എഴുതുന്ന കമന്റുകള്‍ കമന്റ് ഗ്രൂപ്പുകളിലെ വായന സ്ഥലങ്ങളിലേക്ക് അയക്കാനുള്ള സെറ്റിങ്ങുകളും ചെയ്യേണ്ടതുണ്ട്. അതുപോലെ നമ്മുടെ പുതിയ ബ്ലോഗ് സെര്‍ച്ച് എഞ്ചിനുകളുടെ ശ്രദ്ധയില്‍ കൊണ്ടുവരുന്നതിനായി ഗൂഗിളില്‍ ആഡ് യു.ആര്‍.എല്‍ കൊടുക്കണം.ബ്ലോഗ് തുടങ്ങാനും എഴുതാനും ഇതിന്റെയൊന്നും ആവശ്യമില്ലെങ്കിലും,ബ്ലോഗ് കൂടുതല്‍ പ്രചാരം നേടാന്‍ ഇങ്ങനെ കുറച്ചു ചെറിയ ജോലികള്‍ ചെയ്യണം.പലതും സാവധാനത്തില്‍ പഠിച്ച് ചെയ്യാവുന്നതേയുള്ളു.

ഇങ്ങനെയുള്ള നിരവധി ചെറിയ കാര്യങ്ങള്‍ ബ്ലോഗ് തുടങ്ങുന്നവര്‍ക്ക് നേരിട്ട് പറഞ്ഞുകൊടുക്കുന്നതിനായി ബ്ലൊഗ് അക്കാദമി 2008ല്‍ മലയാളം ബ്ലോഗ് ശില്‍പ്പശാല എന്ന ആശയം നടപ്പിലാക്കുകയുണ്ടായി.2008മാര്‍ച്ച്നും 2009 ജൂണിനുമിടയില്‍ കേരളത്തിലെ വിവിധ പട്ടണങ്ങളിലായി ഒന്‍പതൊളം ബ്ലോഗ് ശില്‍പ്പശാലകള്‍ ബ്ലോഗ് അക്കാദമിയുടെ ആഭിമുഖ്യത്തില്‍ നടത്തുകയുണ്ടായി.സൌജന്യമായി കുറച്ച് ബ്ലോഗര്‍മാര്‍ സ്വമേധയാ നല്‍കിവന്ന ഈ സേവനം സമയക്കുറവിനാല്‍ ഒരു വര്‍ഷത്തോളമായി നിര്‍ത്തിവച്ചിരിക്കുകയാണ്. ബ്ലോഗ് ശില്‍പ്പശാലകള്‍ നല്ല മാധ്യമ ശ്രദ്ധലഭിച്ച ബ്ലൊഗ് പ്രചരണ പരിപാടിയായിരുന്നു.അതുകൊണ്ടുതന്നെ ബൂലോകത്തിന്റെ വികസനത്തിനും,മലയാളികളുടെ ഏറ്റവും വലിയ പ്രതികരണ വേദിയും, മാധ്യമവുമെന്ന നിലയിലുമുള്ള വളര്‍ച്ചക്കും ബ്ലോഗ് ശില്‍പ്പശാലകള്‍ക്ക് ഇനിയും പ്രസക്തിയുണ്ട്. സ്കൂളുകള്‍,കോളേജുകള്‍,ക്ലബ്ബുകള്‍,വായനശാലകള്‍,സംഘടനകള്‍ എന്നിവയുടെ ആഭിമുഖ്യത്തില്‍ കേരളത്തിലെ എല്ലാ പ്രദേശങ്ങളിലും ബ്ലൊഗ് ശില്‍പ്പശാലകള്‍ നടത്തപ്പെടേണ്ടതുണ്ട്. നിലവിലുള്ള ബ്ലോഗര്‍മാരുടെ കൂട്ടായ്മകള്‍ രൂപപ്പെടുന്നതിനും നിലവിലുള്ള ബ്ലോഗര്‍മാരുടെ അനുഭവങ്ങള്‍ പുതിയ ബ്ലോഗര്‍മാരിലേക്ക് പകര്‍ന്നുകൊടുക്കുന്നതിനും ബ്ലോഗ് ശില്‍പ്പശാലകള്‍ വേദിയാകുന്നുണ്ട് എന്നതിനാല്‍ ബ്ലോഗ് ശില്‍പ്പശാലകള്‍ക്ക് പ്രാധാന്യമുണ്ട്. ഈ വസ്തുത പരിഗണിച്ച് കേരളത്തിലെ വിവിധ പ്രദേശങ്ങളില്‍ ബ്ലോഗ് ശില്‍പ്പശാ‍ലകള്‍ ആസൂത്രണം ചെയ്ത് നടപ്പിലാക്കാന്‍ താല്‍പ്പര്യമുള്ള ബ്ലോഗ് പ്രേമികളും ബ്ലോഗര്‍മാരും മുന്നോട്ടുവരിക. കേരള ബ്ലോഗ് അക്കാദമി നിങ്ങള്‍ക്കാവശ്യമായ മാര്‍ഗ്ഗനിര്‍ദ്ദേശങ്ങളുമായി തയ്യാറായി നില്‍ക്കുന്നു.
താല്‍പ്പര്യമുള്ളവര്‍ താഴെക്കൊടുത്ത വിലാസങ്ങളില്‍ ഫോണ്‍ നംബര്‍ സഹിതം മെയിലയച്ചാല്‍ മതിയാകും.
blogacademy@gmail.com,
sajipsla@gmail.com,
mullookkaaran@gmail.com,
edacheridasan@gmail.com,
dpradeepkumar@gmail.com,
maheshbkrishna@gmail.com,
chithrakaran@gmail.com

സൈബര്‍ നിയമങ്ങളും ബ്ലോഗര്‍മാരും

2009-11-26T08:59:00.000-08:00

പിണറായി വിജയന്റെ വീട്‌ എന്ന പേരിൽ മറ്റ്‌ ഏതോ വീടിന്റെ ദൃശ്യം ഏതാനും മാസങ്ങളായി നെറ്റിൽ പലരുടേയും പേരിൽ മെയിലായി വന്നുകൊണ്ടിരുന്നു. ഇതുമായി ബന്ധപ്പെട്ടു ചിത്രം ഫോർവ്വേഡ്‌ ചെയ്ത ഒട്ടനവധിപേർ ഐ ടി ആക്റ്റ്‌ അനുസരിച്ച്‌ പോലീസ്‌ നടപടിക്ക്‌ വിധേയരായിരിക്കുന്നു.പിണറായി വിജയന്റെ യഥാർത്ഥ വീട്‌ ഇതല്ല എന്നറിയാത്ത പലരും തങ്ങൾക്ക്‌ കിട്ടിയ മെയിലുകൾ അശ്രദ്ധമായി സുഹൃത്തുക്കൾക്ക്‌ ഫോർവ്വേഡ്‌ ചെയ്തവരും അറിയാതെ കുറ്റവാളി ലിസ്റ്റിൽ പെട്ടിരിക്കയാണ്.

സംസ്ഥാനത്ത്‌ കെട്ടിട-നിയന്ത്രണ ചട്ടങ്ങൾക്ക്‌ വിധേയമായി ഏത്‌ തരത്തിലുള്ള വീട്‌ വെക്കുന്നതിന്നും നിയമ തടസ്സം നിലനിൽക്കുന്നില്ല.
അതിന്റെ ചിത്രങ്ങൾ ആരെങ്കിലും കാണുന്നതിനോ,അതേമാതൃകയിൽ മറ്റാർക്കെങ്കിലും വീട്‌ വെക്കുന്നതിന്നോ നിയമ തടസ്സങ്ങൾ നിലവിലില്ല.പക്ഷെ സമൂഹത്തിൽ മാതൃകയാകേണ്ടുന്ന സാമൂഹ്യ-രാഷ്ട്രീയ -പൊതു പ്രവർത്തകരുടെ വ്യക്തിജീവിതത്തിലെ എല്ലാ വിഷയങ്ങളും സാധാരണക്കാരന്ന് അറിയാനും പഠിക്കാനും തന്റെ ജീവിതത്തിൽ പകർത്താനും താൽപര്യമുണ്ടാവും.ഉണ്ടാവണം.
അതുകൊണ്ടുതന്നെ മാതൃകയാക്കേണ്ടവയും തള്ളിക്കളയേണ്ടവയും ഏതൊക്കെ എന്ന ചർച്ചയും സമൂഹത്തിൽ നടക്കും .
അത്‌ രാഷ്ട്രീയമാണ്.അല്ലെങ്കിൽ ആവണം.അതുകൊണ്ടാണ് പൊതു പ്രവർത്തകന്റെ പൊതു ജീവിതം തുറന്ന് വെക്കേണ്ടി വരുന്നത്‌.

സൂചിപ്പിക്കുന്നത്‌, പിണറായി വിജയന്റെ വീടുമായി ബന്ധപ്പെട്ട്‌ നെറ്റിൽ ധാരാളം ചർച്ചകൾ നടന്നു.അനുകൂലമായും പ്രതികൂലമായും.
ഉത്തര വാദ ബോധത്തോടെ നെറ്റിൽ പ്രവർത്തിക്കുന്നവർ ഇതു വ്യാജമാണെന്ന് വ്യക്തമാക്കിയതോടെ ഒരു പരിധിവരെയുള്ളവർക്ക്‌ ബോദ്ധ്യപ്പെട്ടതുമാണ്.ആ ഒരു രീതിയിൽ രാഷ്ട്രീയ മായി പരിഹരിക്കേണ്ടുന്ന ഈ വിഷയത്തെ പൊതു ജനങ്ങൾക്കും കംപ്യൂട്ടർ ഉപയോക്താക്കൾക്കുമുള്ള"പാഠം" എന്ന നിലയിൽ ,പതിനായിരങ്ങൾ കുറ്റവാളികളാകുന്ന ,പോലീസ്‌ കൈകാര്യം ചെയ്യുന്നരീതിയിലേക്ക്‌ വലിച്ചിഴച്ചത്‌ പ്രതിഷേധാർഹമാണ്..നെറ്റ്‌ ഉപയോക്താക്കൾ മുഴുവൻ പിണറായിയെ മനപൂർവ്വം അപകീർത്തിപ്പെടുത്താൻ ഗൂഡാലോചന നടത്തുന്നവരാണെന്ന തലത്തിൽ ചിന്തിക്കരുത്‌.ഇന്റർ നെറ്റും മറ്റും ദുരുപയോഗം ചെയ്യപ്പെടുന്ന സാഹചര്യം നിലനിൽക്കുന്നു എന്നത്‌ യാഥാർത്ഥ്യമാണ്.കുറ്റവാളികളെ ഫലപ്രദമായി നിയന്ത്രിക്കാനാവശ്യമായ നടപടി അടിയന്തിര പ്രാധാന്യമുള്ളതാണ്.ആ നിയന്ത്രണംകം പ്യൂട്ടർ സാങ്കേതിക വിദ്യയേയും,അതിന്റെ ഗുണകരമായ നേട്ടങ്ങളേയും വികസിപ്പിക്കുന്നതിന്നായിരിക്കണം.ഇന്ന് നിലവിലിരിക്കുന്ന ഐ ടി ആക്ട്‌ പ്രാകൃതമായിരിക്കുന്നു.മറ്റുനിയമങ്ങളെപ്പോലെ മനുഷ്യത്വരഹിതമായി,വിഷയത്തിന്റെ അവസ്ഥ കണക്കിലെടുക്കാതെ സൈബർ കേസ്‌ കൈകാര്യം ചെയ്യുന്നത്‌ കടുത്ത മനുഷ്യാവകാശ ലംഘനമായിത്തീരും.

പുതിയ സൈബർ നിയമം നിലവിൽ വന്നിട്ട് ഏതനും ആഴ്ചകൽ മത്രമേ ആകുന്നുള്ളൂ.
മാദ്ധ്യമങ്ങൾക്കും നിയമപാലകർക്കും പൊതുസമൂഹത്തിനും നിയമത്തെക്കുറിച്ച് അവബോധമുണ്ടാക്കാനുള്ള ഒരു ശ്രമവും ഇതുവരെ നടന്നിട്ടില്ല.സർക്കാർ തന്നെ അതിനു ഉടൻ മുൻ കൈ എടുക്കണം.
കൌമാരപ്രായക്കാർ ഉൾപ്പെടുന്ന വലിയൊരു വിഭാഗം ഇപ്പോൾ കമ്പ്യൂട്ടർ അനുദിനം ഉപയോഗിക്കുന്നുണ്ടു.
കമ്മ്യൂണിറ്റി സൌഹൃദ കൂട്ടായ്മകളിലൂടെ ലഭിക്കുന്ന മെയിലുകൾ ഫോർവേഡ് ചെയ്യുകയും സൈറ്റുകൾ സന്ദർശിക്കുകയും ചെയുന്നുണ്ടു.അവരെയൊക്കെ സൈബർ കുറ്റവാളികളാക്കാൻ ,അമിതാധികാര മോഹിയായ ഒരു പൊലീസ് ഉദ്യോഗസ്ഥനു സാധിക്കും.ഇത് വളരെ അപകടകരമാണു.അതുകൊണ്ടു സർക്കാർ ,പൊതുസമ്മതിയുടെ അടിസ്ഥാനത്തിൽ ,ഈ നിയമം നടപ്പിലാകുന്നതിനുള്ള മാ‍ർഗ്ഗനിർദ്ദേശങ്ങൾ പുറപ്പെടുവിക്കണം.സത്യസന്ധരും ധർമ്മിഷ്ഠരുമായ ഉദ്യോഗസ്ഥന്മാരെ മാത്രമേ ഇതിനു ചുമതലപ്പെടുത്താവൂ.

ഇത്തരമൊരു സാഹചര്യത്തിൽ പുതിയ സൈബർ നിയമത്തെക്കുറിച് ഒരു പൊഹുസംവാദം നടക്കട്ടെ.
അതിലുരുത്തിരിഞ്ഞുവരുന്ന അഭിപ്രയങ്ങളുടെ അടിസ്ഥാനത്തിൽ കാലോചിതമായ പരിഷ്കാരത്തിലൂടെ നിലവിലുള്ള സൈബർ നിയമങ്ങളെ വികസിപ്പിക്കുന്നതിന്ന് ഉത്തരവാദപ്പെട്ടവർ തയ്യാറാകണം.പിണറായിയുടെ വീടിന്റെ ചിത്രം വ്യാജമാണെന്നറിയാതെ കൌതുകത്തിനോ തമാശയ്ക്കോ മെയിൽചെയ്ത നിരപരാധികളായ കമ്പ്യൂട്ടർ ഉപയോക്താക്കൾക്ക്‌ നേരെയുള്ള നടപടികൾ അടിയന്തിരമായി നിർത്തിവെക്കണം എന്നു അഭ്യർത്ഥിക്കുന്നു.

ഫയര്‍ ഫോക്സില്‍ ബ്രോഡ് ബാന്‍ഡ് സ്പീഡ് കൂട്ടാന്‍...

2009-10-21T09:11:00.000-07:00

നമ്മുടെ ബൂലോകം വികസിക്കുന്നത് അറിവുകള്‍ നിസ്വാര്‍ത്ഥതയോടെ പങ്കുവക്കുന്ന നല്ല മനസ്സുകളുടെ സാന്നിദ്ധ്യംകൊണ്ടാണ്.കംബ്യൂട്ടറുകളുടെ ബാലപാഠം പോലുമറിയാത്ത ഒട്ടേറെ പേര്‍ അനായാസമായി ബൂലോഗത്തില്‍ പിച്ചവെച്ചു നടക്കാന്‍ കാരണക്കാരായ ഒട്ടേറെ സാങ്കേതിക വിദഗ്ദരായ ബ്ലോഗര്‍മാരുണ്ട്. അവരില്‍ പ്രമുഖമായ സ്ഥാനമുള്ള ഒരാളായ രാഹുല്‍ കടക്കല്‍ തന്റെ ബ്ലോഗില്‍ നല്‍കിയിരിക്കുന്ന ബ്ലോഗ് ടിപ്സുകളിലേക്ക് ബ്ലോഗര്‍മാരുടെ ശ്രദ്ധ ക്ഷണിക്കുന്നു. രാഹുല്‍ കടക്കലിന്റെ ഇന്‍ഫ്യൂഷന്‍ ബ്ലോഗിങ്ങ് ടിപ്സ്& ട്രിക്കുകള്‍ക്കും ബ്ലോഗില്‍ പരീക്ഷണങ്ങള്‍ നടത്തുന്നവര്‍ക്ക് ഉപയോഗപ്പെടുത്താനാകും.

ഇന്‍ഫ്യൂഷന്‍ ബ്ലോഗിലെത്താന്‍ താഴെക്കാണുന്ന ലിങ്ക് ബാനറില്‍ ക്ലിക്കിയാല്‍ മതിയാകും.

രാഹുല്‍ കടക്കലിന്റെ ഇന്‍ഫ്യൂഷന്‍ ബ്ലോഗില്‍ താഴെക്കാണുന്ന വിഷയങ്ങളില്‍ പോസ്റ്റുകളുണ്ട്. താല്‍പ്പര്യമുള്ളവര്‍ക്ക് അവ വായിച്ച് സംശയ നിവാരണം നടത്തുന്നതിന് ലിങ്കുകളില്‍ ക്ലിക്കിയാല്‍ മതി.

ഫയര്‍ഫോക്സില്‍ ബ്രൌസിങ്ങ് സ്പീഡ് ഇരട്ടിയാക്കാം

നിങ്ങളുടെ കമന്റുകള്‍ വ്യത്യസ്തമായി ബ്ലോഗില്‍ കാണിക്കാന്‍!!!

നിങ്ങളുടെ പോസ്റ്റുകളില്‍ ആനിമേഷന്‍ ചേര്‍ക്കാന്‍

നിങ്ങള്‍ യാഹൂ മെസഞ്ചറില്‍ ഓണ്‍ലൈന്‍ ആണോ എന്ന് ബ്ലോഗില്‍ കാണിക്കാന്‍

ചിത്രങ്ങളും കാര്‍ട്ടൂണുകളും പോസ്റ്റ് ചെയ്യുന്ന ബ്ലോഗര്‍ന്മാര്‍ക്കായി ഒരു ട്രിക്ക്

മികച്ച ബ്ലോഗ് ടെപ്ലേറ്റുകള്‍... ഡൌണ്‍ലോഡ് ചെയ്യൂ

നിങ്ങളുടെ ബ്ലോഗില്‍ ഒരു ആനിമേറ്റഡ് മെനു

താഴെനിന്നും മുകളിലേക്ക് പുതിയ ടൈറ്റിലുകള്‍ സ്ക്രോള്‍ ചെയ്യിക്കാന്‍

പോസ്റ്റ് ടൈറ്റിലുകള്‍ സ്ക്രോള്‍ ചെയ്യിക്കാന്‍!!!

നിങ്ങളൂടെ പുതിയ പോസ്റ്റ് ടൈറ്റിലുകള്‍ അവയിലെ ഒരു ചെറിയ ചിത്രത്തോടൊപ്പം സൈഡ് ബാറില്‍ കാണിക്കാന്‍!!

എങ്ങനെ നിങ്ങളൂടെ ഹെഡ്ഡറിനു താഴെ ഒരു മെനു ഉണ്ടാക്കാം!!

എങ്ങനെ നിങ്ങളുടെ പോസ്റ്റ് ടൈറ്റിലുകള്‍ സൈഡ് ബാറില്‍ കാണിക്കാം

എങ്ങനെ ലേബലില്‍ ഉള്ള അക്കങ്ങള്‍ (number count) എടുത്ത് കളയാം!

എങ്ങനെ ഇന്നത്തെ ദിവസം ഏറ്റവും കൂടുതല്‍ ആളുകള്‍ വായിച്ച പോസ്റ്റ് ലിസ്റ്റ് ചെയ്യിക്കാം

എങ്ങനെ ഏറ്റവും കൂടുതല്‍ ആളുകള്‍ വായിച്ച പോസ്റ്റ് ലിസ്റ്റ് ചെയ്യിക്കാം!

നിങ്ങളുടെ മുഴുവന്‍ പോസ്റ്റുകളുടേയും കിട്ടിയ മുഴുവന്‍ കമന്റുകളുടേയും എണ്ണം കാണിക്കാന്‍

നിങ്ങളുടെ ബ്ലോഗ് അഡ്രസ്സില്‍ നിന്ന് blogspot.com മറയ്ക്കാന്‍

നിങ്ങളുടെ പോസ്റ്റിനു താഴെ Related പോസ്റ്റൂകള്‍ കാണിക്കാന്‍

നിങ്ങളുടെ ബ്ലോഗിലെ popular പോസ്റ്റുകള്‍ കാണിക്കാന്‍

നിങ്ങള്‍ online ആണോ എന്ന് ബ്ലോഗില്‍ കാണിക്കാന്‍

ഇന്നത്തെ ദിവസം മലയാളത്തില്‍ നിങ്ങളുടെ ബ്ലോഗില്‍ കാണിക്കാന്‍

നിങ്ങളുടെ ബ്ലോഗിലെ ജനപ്രീയ പോസ്റ്റുകള്‍ ലിസ്റ്റ് ചെയ്യിക്കാന്‍

ബ്ലോഗില്‍ ഏറ്റവും കൂടുതല്‍ കമന്റ് പോസ്റ്റ് ചെയ്തവരുടെ പേര് ലിസ്റ്റ് ചെയ്യിക്കാന്‍

നിങ്ങള്‍ക്കും വെബ് സൈറ്റുകള്‍ ഹാക്ക് ചെയ്യാം

നിങ്ങളുടെ കമന്റുകള്‍ വ്യത്യസ്തമായി ബ്ലോഗില്‍ കാണിക്കാന്‍!!!

സോഫ്റ്റ്വെയറുകള്‍ ഒന്നും ഉപയോഗിക്കാതെ തന്നെ വിന്‍ഡോസ് ഫോള്‍ഡറുകള്‍ ലോക്ക് ചെയ്യാം !

ചില സൌജന്യ ഫോള്‍ഡര്‍ ലോക്കുകളും അവയുടെ ഡൌണ്‍ലോഡ് ലിങ്കുകളും

നിങ്ങള്‍ക്ക് ബ്ലോക്ക് ചെയ്ത വെബ് സൈറ്റുകളും ഇപ്പോള്‍ ബ്രൌസ് ചെയ്യാം

നിങ്ങളുടെ ഫോട്ടോയില്‍ മാജിക്ക് കാണിക്കാന്‍ പറ്റിയ ചില വെബ് സൈറ്റുകള്‍

ഒരു ബ്രൌസറില്‍ ഉള്ള ബുക്ക്മാര്‍ക്കുകള്‍ എങ്ങനെ മറ്റോരു ബ്രൌസറിലേക്ക് മാറ്റാം

നെറ്റിലെ മലയാളം കമ്മ്യൂണിറ്റികള്‍ ? malayalam communities

2009-10-20T10:49:00.000-07:00

ഈ സാധനങ്ങളെയൊക്കെ ഇങ്ങനെ വിളിക്കാമോ എന്ന് ചിത്രകാരനറിയില്ല.
നെറ്റിലെ സാങ്കേതിക ജ്ഞാനത്തിന്റെ കുറവു കാരണം ചിത്രകാരന് പരിമിതമായ കമ്മ്യൂണിറ്റികളില്‍ മാത്രമേ എത്തിപ്പെടാനായിട്ടുള്ളു.
എന്നാല്‍, അതൊരു അയോഗ്യതയും വൈകല്യവുമായാണ് കാണുന്നതും.കാരണം,മലയാളം കമ്മ്യൂണിറ്റികള്‍ നമ്മുടെ നെറ്റിലെ ബോധമണ്ഡലത്തിന്റെ വ്യാസം വികസിപ്പിക്കുന്ന ഘടകങ്ങളാണ്. ഇയ്യിടെ ചിത്രകാരന്‍ മലയാളികളുടെ കമ്മ്യൂണിറ്റികളായ “കൂട്ടം”,കന്മദം
തുടങ്ങിയവയില്‍ അംഗമായിരുന്നു. അതുകൂടാതെ, ട്വിറ്റര്‍,ഫേസ്ബുക്ക് തുടങ്ങിയ മാധ്യമങ്ങളിലും പ്രൊഫൈല്‍ ക്രിയേറ്റ് ചെയ്യുകയുണ്ടായി. പരസ്പ്പരം അറിയാനും പങ്കുവക്കാനും കൊതിക്കുന്ന നല്ല ആശയങ്ങളുള്ള ധാരാളം പേര്‍ ഈ കമ്മ്യൂണിറ്റികളിലെല്ലാമുണ്ട്. അതാതു കമ്മ്യൂണിറ്റികളുടെ പരിമിതികളും സാദ്ധ്യതകളും മനസ്സിലാക്കി ഇന്റെര്‍നെറ്റ് എന്ന മാധ്യമത്തിലെ മലയാളി സാന്നിദ്ധ്യം കൂടുതല്‍ വ്യാപിപ്പിക്കുന്നത് എന്തുകൊണ്ടും നല്ലതാണ്. ഒറ്റപ്പെട്ടും,സ്വയം പര്യാപ്തമായും നില്‍ക്കുന്ന ഈ കമ്മ്യൂണിറ്റികളെ പരസ്പരം ബന്ധിപ്പിച്ചുകൊണ്ട് റോഡുകളും,പാലങ്ങളും,കപ്പല്‍ ചാലുകളും,വിമാനത്താവളങ്ങളും,വിക്ഷേപണ തറകളും നിര്‍മ്മിക്കാന്‍ നെറ്റ് ജീവികളായ നല്ലവരായ മലയാളികള്‍ മുന്നോട്ടു വരണമെന്ന് ചിത്രകാരന്‍ അഭ്യര്‍ഥിക്കുന്നു.
ചിത്രകാരന്റെ ശ്രദ്ധയില്‍പ്പെട്ട ഏതാനും കമ്മ്യൂണിറ്റികളുടെ വിലാസം താഴെ ലിങ്കായി നല്‍കുന്നു.
അവയില്‍ അംഗമായി കൂടുതല്‍ വായിക്കപ്പെടുന്നതിനും,ആശയവിനിമയം നടത്തുന്നതിനും,പരിചയം വ്യാപിപ്പിക്കുന്നതിനും ബൂലോകത്തെ ബ്ലോഗര്‍മാര്‍ ശ്രദ്ധവക്കുക.മലയാളി ലോകത്തിന്റെ എവിടെയാണെങ്കിലും,മലയാളത്തില്‍ ആരു ശബ്ദിക്കുന്നതും
മലയാളിയുടെ പൊതുരാഷ്ട്രീയത്തിന്റെ ഭാഗമാണെന്ന തിരിച്ചറിവോടെ,സാഹോദര്യത്തോടെ എല്ലാ മലയാളി കമ്മ്യൂണിറ്റികളേയും
നമുക്ക് സമാഹരിക്കാം.
1) കന്മദം മലയാളം ബ്ലോഗ് കമ്മ്യൂണിറ്റി(നമ്മുടെ ബൂലോകത്ത് ഇല്ലാത്ത പല സൌകര്യങ്ങളും ഈ കമ്യൂണിറ്റിയിലുണ്ട്.)
2) കൂട്ടം മലയാളം ബ്ലോഗ് കമ്മ്യൂണിറ്റി (ബ്ലോഗിനു പുറമേ ഫേസ്ബുക്കുപോലുള്ള പല സൌകര്യങ്ങളും ഇതിലുണ്ട്.)
3)വാക്ക് മലയാളം ബ്ലോഗ് കമ്മ്യൂണിറ്റി
4)സ്നേഹക്കൂട് മലയാളം കമ്മ്യൂണിറ്റി
5) ട്വിറ്റര്‍ (തരൂരിന്റെ ശുദ്ധഗതി ട്വിറ്റുകള്‍ കാരണം ശ്രദ്ധേയമായ മീഡിയ)
6) ഫേസ്ബുക്ക് (വളരെ രസകരമായും,സൌകര്യപ്രദമായും വിവരങ്ങള്‍ പങ്കുവെക്കാവുന്ന സൌഹൃദ വേദി)
7) മലയാളം വിക്കിപ്പീഡിയ (സ്വതന്ത്ര മലയാളം വിജ്ഞാനകോശം.നിങ്ങള്‍ക്കും ഇവിടെ ലേഖനങ്ങളെഴുതാം)
8) ഓര്‍ക്കുട്ട്

..........................................
കമ്മ്യൂണിറ്റികള്‍ കൂടാതെ, ചില പോര്‍ട്ടലുകളുടെ വിലാസങ്ങള്‍ കൂടി താഴെ കൊടുക്കുന്നു.
9) കേരള വാച്ച് (ഒരു മലയാളം ന്യൂസ് പൊര്‍ട്ടലാണ്. നല്ല ലേഖനങ്ങളുണ്ട്. )
10) സ്കൂപ്പ് ഐ (ജേണലിസ്റ്റുകളുടെ ഒരു ന്യൂസ് പോര്‍ട്ടല്‍)
11) മലയാളം സ്ക്രാപ്പ് ഡോട്ട് കോം ( മലയാളത്തില്‍ ആശംസാകാര്‍ഡുകള്‍ അയക്കാന്‍ സഹായിക്കുന്ന സൈറ്റ്)
12) മലയാളം വെബ് ദുനിയ
13) മലയാളം യാഹു
14) ദാറ്റ്സ് മലയാളം
15) ചിന്ത - തര്‍ജ്ജനി മാസിക
16) കണിക്കൊന്ന
വല്ലതും ഇതില്‍ കൂട്ടിച്ചേര്‍ക്കാന്‍ പറ്റുന്നതുണ്ടെങ്കില്‍ കമന്റ്റായി ലിങ്കു നല്‍കണമെന്ന് അഭ്യര്‍ത്ഥിക്കുന്നു.

“ജാലകം”മലയാളം ബ്ലോഗ്/വെബ് അഗ്രഗേറ്റര്‍

2009-09-08T06:21:00.000-07:00

മലയാളിയുടെ സ്വതന്ത്ര ആശയവിനിമയ മാധ്യമമായി ബ്ലോഗുകള്‍ അതിവേഗത്തില്‍ വികസിച്ചുകൊണ്ടിരിക്കുകയാണല്ലോ. ഈ വികാസത്തെ ത്വരിതപ്പെടുത്താനും കൂടുതല്‍ വിശാലമായിക്കൊണ്ടിരിക്കുകയും,ബ്ലോഗര്‍മാരുടെ അംഗസംഖ്യയുടെ വര്‍ദ്ധനയാല്‍ പരസ്പ്പരം തിരഞ്ഞുകണ്ടുപിടിക്കല്‍ അസാദ്ധ്യമാകുകയോ,അപ്രായോഗികമാകുകയോ ചെയ്യുന്ന ഇന്നത്തെ സന്ദര്‍ഭത്തില്‍ ബ്ലോഗര്‍മാരുടെ സ്വതന്ത്രമായ ഇടങ്ങളെ മറ്റെല്ലാ ബ്ലോഗര്‍മാരുടെയും മലയാളം വെബ്ബുകളുമായും അനായാസം ബന്ധിപ്പിക്കുന്ന അഗ്രഗേറ്ററുകള്‍ക്ക് വളരെ പ്രധാനപ്പെട്ട സ്ഥാനമാണുള്ളത്. സ്വകാര്യമായ ബ്ലോഗുകളും വെബ്ബുകളും ഒറ്റപ്പെട്ട് നില്‍ക്കുന്നതിന്റെ ആശയവിനിമയ തടസ്സം ഇല്ലാതാക്കുന്ന ബ്ലോഗ് അഗ്രഗേറ്ററുകളും, കമന്റ് അഗ്രഗേറ്ററുകളും കൂടുതലായി ജന്മമെടുക്കുന്നത് സന്തോഷകരമാണ്. നിലവില്‍ ധാരാളം അഗ്രഗേറ്ററുകള്‍ നമുക്കുണ്ടെങ്കിലും (ശ്രദ്ധയില്‍പ്പെട്ടവ ബ്ലോഗ് അക്കാദമിയുടെ ഹെല്‍പ്പ് ലിസ്റ്റില്‍ ചേര്‍ത്തിട്ടുണ്ട്)ഇയ്യിടെ ആരംഭിച്ച “മലയാളം വെബ് ലോകത്തേക്കൊരു ജാലകം”എന്ന വിശേഷണത്തോടെയുള്ള അഗ്രഗേറ്റര്‍ വളരെ സൌകര്യപ്രദമാണെന്ന് കാണുന്നു.
ഒന്നോ രണ്ടൊ മിനിട്ടുകൊണ്ട് ഏതൊരു ബ്ലോഗര്‍ക്കും അനായാസം ആ അഗ്രഗേറ്ററില്‍ സ്വന്തം ബ്ലോഗുകളോ വെബ് സൈറ്റുകളോ രജിസ്റ്റെര്‍ ചെയ്യാവുന്നതാണ്. രജിസ്റ്റര്‍ പൂര്‍ത്തിയായി കഴിഞ്ഞാല്‍ ഓട്ടോമാറ്റിക്കായി ലഭിക്കുന്ന htmlകോഡ് കോപ്പി ചെയ്ത് സ്വന്തം ബ്ലോഗിലെ ലേഔട്ടില്‍ പ്രവേശിച്ച് add a gadget എന്ന കോളത്തില്‍ ക്ലിക്കി html/java script വിന്‍ഡോക്കകത്ത് ചേര്‍ത്ത്
സേവ് ചെയ്താല്‍ ആ ബ്ലോഗിലെഴുതുന്ന പോസ്റ്റുകളെല്ലാം അഗ്രഗേറ്ററില്‍ ലിസ്റ്റു ചെയ്യാന്‍ ബ്ലോഗിന്റെ മാര്‍ജിനില്‍ പ്രത്യക്ഷപ്പെടുന്ന “ജാലക”ത്തിന്റെ ലിങ്ക് ബാനറില്‍ ഒന്നു ക്ലിക്കുകയേ വേണ്ടു. ഈ അഗ്രഗേറ്ററിന്റെ ഇത്രയും സുഗമമായ പ്രവര്‍ത്തന സംവിധാനം
ബ്ലോഗുകളെ ജനകീയമാക്കുന്നതില്‍ കാര്യമായ സംഭാവനചെയ്യുമെന്ന് നമുക്ക് പ്രതീക്ഷിക്കാം.
നിലവില്‍ ജാലകം അഗ്രഗേറ്ററില്‍(ഇവിടെ ക്ലിക്കുക) രജിസ്റ്റെര്‍ ചെയ്തിട്ടില്ലാത്ത ബ്ലോഗര്‍മാര്‍ ഉടന്‍ രജിസ്റ്റെര്‍ ചെയ്ത് ജാലകം അഗ്രഗേറ്ററിന്റെ പോസ്റ്റ് റിഫ്രഷര്‍ ബാനര്‍ സ്വന്തം ബ്ലോഗുകളില്‍ സ്ഥാപിക്കുക. പോസ്റ്റെഴുതി ഗൂഗിളിനേയും,മറ്റ് അഗ്രഗേറ്ററുകളേയും പ്രതീഷിച്ച് ദയനീയമായി കാത്തിരിക്കുന്ന യുഗം ബൂലോകത്ത് അവസാനിക്കേണ്ടത് ബ്ലോഗര്‍മാരുടെ എല്ലാവരുടേയും അഭിലാഷമാണ്. ഇത്രയും കാലം നമുക്ക് നല്ല സേവനം നല്‍കിക്കൊണ്ടിരുന്ന മറ്റ് അഗ്രഗേറ്ററുകളും ഈ സാങ്കേതിക മികവിലേക്ക് വളരാന്‍ അമാന്തിക്കരുതെന്ന്
അഭ്യര്‍ത്ഥിക്കുന്നു. അഗ്രഗേറ്ററുകളുടെ എണ്ണം എത്ര കൂടിയാലും ബൂലോകത്തിന് അത് അധികമാകില്ല. ബൂലോഗം വികസിച്ചുകൊണ്ടിരിക്കുകയാണ്.... മലയാളത്തിലെ എല്ലാ അഗ്രഗേടറുകള്‍ക്കും നന്ദി പ്രകാശിപ്പിച്ചുകൊണ്ട്...സസ്നേഹം.

ഈ വിഷയത്തെക്കുറിച്ച് ചിത്രകാരന്റെ ബ്ലോഗിലെ കാഴ്ച്ചപ്പാട് ഇവിടെ ഞെക്കി വായിക്കാം:ആഗ്രഹിച്ച ബ്ലോഗ് അഗ്രഗേറ്റര്‍ !

ചേറായി ബ്ലോഗ് മീറ്റ് ... കേരള ബ്ലോഗ് മീറ്റ് 2009 kerala blog meet

2009-07-30T08:31:00.000-07:00

2009 ജൂലായ് 26 ന് ഞായറാഴ്ച എറണാകുളത്തെ ചേറായില്‍ ഒത്തുചേര്‍ന്ന ബ്ലോഗര്‍മാരുടെ സംഗമം നമ്മുടെ എളിയ ബ്ലോഗ് ചരിത്രത്തിലെ അവിസ്മരണീയമായ ഒരു ഏടായി. പുനര്‍ജന്മ ബന്ധം പോലെ... അപരിചിതത്വത്തിന്റെ മുഖവുരയില്ലാതെ തമ്മില്‍ തിരിച്ചറിഞ്ഞ് സൌഹൃദത്തില്‍ ഒന്നാകുന്ന അപൂര്‍വ്വ അവസരത്തിനാണ് ചേറായി ബ്ലോഗ് മീറ്റ് വേദിയായത്. വിഭാഗീയതകളോ ഭേദഭാവങ്ങളോ ഇല്ലാതെ എകോദര സോദരങ്ങളായി പരസ്പരം മനസ്സിലാക്കാനും ബ്ലോഗിലെ അഭിപ്രായപ്രകടനങ്ങള്‍ ക്രിയാത്മഗതയുടെ
സാമൂഹ്യ സംവേദനശ്രമങ്ങളാണെന്നും, ബ്ലോഗിനു പുറത്ത് നാം സാധാരണ മനുഷ്യരാണെന്നും ഉള്‍ക്കാഴ്ച്ച നല്‍കാനും ഈ ബ്ലോഗ് മീറ്റ് സഹായിച്ചിരിക്കുന്നു. സംശയത്തിന്റേയും, തെറ്റിദ്ധാരണകളുടേയും പുകമറക്കകത്തിരുന്ന് മറ്റുസഹ ബ്ലോഗര്‍മാരെക്കുറിച്ച് സത്യവിരുദ്ധമായ ധാരണകള്‍ സൃഷ്ടിക്കാനും പ്രചരിപ്പിക്കാനും ഇത്തരം ബ്ലോഗു മീറ്റുകളില്‍ പങ്കെടുത്തവര്‍ക്കാര്‍ക്കും കഴിയുകയില്ല.ആ ബാലിശമായ ചാപല്യങ്ങളെ പകല്‍ വെളിച്ചത്തില്‍ മനസ്സില്‍ നിന്നും ആട്ടിയോടിക്കാന്‍ ഒരിക്കലെങ്കിലും ഇത്തരം ബ്ലോഗ് മീറ്റുകളില്‍ പങ്കെടുക്കണമെന്ന് ബ്ലോഗ് മീറ്റില്‍ പങ്കെടുക്കാത്ത മാന്യ ബ്ലോഗര്‍മാരോട് സ്നേഹത്തിന്റെ പേരില്‍ അഭ്യര്‍ത്ഥിക്കട്ടെ.
ചേറായി ബ്ലോഗ് മീറ്റില്‍ പങ്കെടുത്ത എല്ലാ ബ്ലോഗര്‍മാരെയും, അതിന്റെ സംഘാടനത്തിനായി വിയര്‍പ്പൊഴുക്കിയ നന്മ നിറഞ്ഞ സുഹൃത്തുക്കളെയും അഭിനന്ദിക്കാം.
മലയാളം ബ്ലോഗ് വികാസ ചരിത്രത്തില്‍ ഒരു നാഴികകല്ലായി ചെറായി ബ്ലോഗ് മീറ്റ് ഓര്‍മ്മിക്കപ്പെടും തീര്‍ച്ച. ( photo: ഹരീഷിന്റെത് )
ബ്ലോഗ് സംഗമത്തില്‍ പന്കെടുത്തവരുറെ ലിസ്റ്റ് :
1. ജി.മനു
2. ഷെറീഫ് കൊട്ടാരക്കര
3. ജുനൈദ്
4. പകൽകിനാവൻ
5. നന്ദകുമാർ
6. നൊമാദ്
7. മുള്ളൂർക്കാരൻ
8. മുരളീകൃഷ്ണ മാലോത്ത്
9. പ്രിയ
10.സുനിൽ കൃഷ്ണൻ
11.നാസ്
12.തോന്ന്യാസി
13.ചാണക്യൻ
14.വാഴക്കോടൻ
15.ജിപ്പൂസ്
16.ഡി.പ്രദീപ്കുമാർ
17.ബാബുരാജ്
18.അരീക്കോടൻ
19.ഷിജു/the friend
20.പാവപ്പെട്ടവൻ
21.വിനയൻ
22.മണികണ്ഠൻ
23.പിരിക്കുട്ടി
24.ഡോ.ജയൻ ഏവൂർ
25.യാരിദ്
26.എഴുത്തുകാരി
27.പോങ്ങുമ്മൂടൻ
28.ബിന്ദു കെ പി
29.അപ്പൂട്ടൻ
30.മണി
31.കാർട്ടൂണിസ്റ്റ് സജീവ്
32.ഡോക്ടർ
33.വാവ
34.കിച്ചു
35.ബിലാത്തിപട്ടണം
36.നിരക്ഷരൻ
37.രസികൻ
38.ജിഹേഷ്
39.വല്ല്യമ്മായി
40.അപ്പു
41.ചാർവാകൻ
42.അശ്വിൻ
43.ഹാഷ്
44.ഗോപക് യു ആർ
45.മിന്നാമിനുങ്ങ്
46.തറവാടി
47.ഷംസുദ്ദീൻ
48.ഷിജു അലെക്സ്
49.ശരത്
50.കുമാർ നീലകണ്ഠൻ
51.കേരളാ ഫാർമെർ
52.സമാന്തരൻ
53.ഹൻല്ലലത്ത്
54.ശ്രീലാൽ
55.വേദവ്യാസൻ
56.അനിൽ@ബ്ലോഗ്
57.രമണിഗ
58.ധനേഷ്
59.അരുൺ കായംകുളം
60.സൂര്യോദയം
61.അങ്കിൾ
62.നാട്ടുകാരൻ
63.പാവത്താൻ
64.ജോഹർ ജോ
65.സജി അച്ചായൻ
66.സുൽ
67.സെറീന
68.പിപഠിഷു
69.ലതി
70.പഥികൻ
71.ചിത്രകാരൻ
72.ശ്രീ@ശ്രേയസ്സ്
73.വെള്ളായണി വിജയൻ
74.കൊട്ടോട്ടിക്കാരൻ
75.വേണു
76.സിബു സി ജെ
77.ഹരീഷ് thotupuza

ചേറായി ബ്ലോഗ് മീറ്റ് പോസ്റ്റുകളുടെ ലിങ്കുകള്‍:
1) ഹരീഷ് തൊടുപുഴയുടെ പോസ്റ്റ്: ബ്ലോഗേഴ്സിന്റെ മുഖചിത്രങ്ങള്‍ (ഫോട്ടോ പോസ്റ്റ്)
2) ഹരീഷ് തൊടുപുഴയുടെ പോസ്റ്റ്:ബ്ലോഗ് മീറ്റ് പടങ്ങള്‍
3) അപ്പുവിന്റെ ബ്ലോഗ് മീറ്റ് പടങ്ങള്‍ പിക്കാസയില്‍
4) ശ്രീലാലിന്റെ ബ്ലൊഗ് മീറ്റ് പിക്കാസ പടങ്ങള്‍
5) നന്ദപര്‍വ്വം ബ്ലോഗ് മീറ്റ് വിശേഷം
6) വാഴക്കോടന്റെ കുഞ്ഞീവി കണ്ട ചേറായി മീറ്റ്
7) സജി അച്ചായന്റെ ബ്ലോഗ് മീറ്റ് ചിത്രങ്ങള്‍
8) മണികണ്ഠന്റെ ചേറായി ബ്ലോഗ് മീറ്റ്
9) അപ്പുവിന്റെ അതിരുകളില്ലാത്ത സൌഹൃദത്തിന്റെ നേര്‍ക്കാഴ്ച്
10) പോങ്ങമ്മൂടന്റെ ചേറായി.. സ്വ ലേ മാര്‍ വിട്ടുപോയ കാര്യങ്ങള്‍
11) ഫാര്‍മര്‍ ചേറായി ബ്ലോഗേഴ്സ് മീറ്റില്‍
12) അനില്‍@ബ്ലോഗിന്റെ സൌഹൃദത്തിന്റെ നറു പുഞ്ചിരികള്‍
13) ഫൈസല്‍ കൊണ്ടോട്ടിക്ക് ചേറായിയില്‍ നഷ്ടമായത്
14) ജുനൈദിന്റെ ചേറായി ജോറായി

15) മുള്ളൂക്കാരന്റെ ചേറായിബ്ലൊഗ്മീറ്റ് പോസ്റ്റുകളുടെ ലിങ്ക് ശേഖരം
16) അരീക്കോടന്റെ മലയാള ഭാഷക്ക് ചേറായി മീറ്റിന്റെ സംഭാവന
17) ചിത്രകാരന്റെ ചേറായി ബ്ലോഗ് മീറ്റ് ചിത്രങ്ങള്‍
18) ബോണ്‍സിന്റെ മീറ്റിനു വൈകി വന്ന ബ്ലോഗര്‍
19) ഹരീഷിന്റെ ചാവേര്‍ മടങ്ങുന്നു
20) കൃഷ്ണനുണ്ണിയുടെ ചേറായി മീറ്റ് ബാക്കി നിര്‍ത്തുന്നത്
21) ഗോപക് യു.ആര്‍. ന്റെ മീറ്റ് അനുഭവം
22) പാവത്താന്റെ ബ്ലോഗ് പൂട്ടല്‍
23) ജൊഹാറിന്റെ മീറ്റ് പോസ്റ്റുകളുടെ ലിങ്ക് ലിസ്റ്റ്
24) ഗോപാലിന്റെ ചേറായി മീറ്റ്
25) എഴുത്തുകാരിയുടെ ടു ചെറായി
26) ഷെരീഫ് കൊട്ടാരക്കരയുടെ ചെറായ് മീറ്റ് ...നന്ദി
27) നാട്ടുകാരന്‍ വിമര്‍ശകരെ അറിയിക്കുന്നു
28) കുഞ്ഞന്‍ മീറ്റ് തുടങ്ങിയതിനെക്കുറിച്ച് പോസ്റ്റ്
29) ഫാര്‍മറുടെ മീറ്റിനു മുന്‍പും ശേഷവും
30) വെള്ളയാണി വിജയന്റെ ചേറായിയില്‍ വിരിഞ്ഞ ബൂലോക സൌഹൃദം
31) കൂതറയുടെ ചേറായി മീറ്റ് പാഠം

malayalam blog history മലയാളം ബ്ലോഗ് ചരിത്രം

2009-07-24T10:20:00.000-07:00

മലയാളം ബ്ലോഗ് ചരിത്രത്തെക്കുറിച്ച് ചില ബ്ലോഗുകളില്‍ നിന്നും ലഭിച്ച കമന്റു രൂപത്തിലുള്ള വിവരങ്ങള്‍ താഴെ കൊടുക്കുന്നു.

ദേവന്‍ said...: എവിടെയൊക്കെയോ ആരൊക്കെയോ പറഞ്ഞു കേട്ട ഓര്‍മ്മയില്‍ നിന്നാണേ, തെറ്റെങ്കില്‍ തിരുത്തിത്തരണേ.

ആദ്യമായി കമ്പ്യൂട്ടറിനെ മലയാളം എഴുതിച്ച‍ (നമുക്കറിയാവുന്നവരില്‍) ഒരാളാണ്‌ അങ്കിള്‍. ദശാബ്ദങ്ങള്‍ പലതു കഴിഞ്ഞു.

ആദ്യ മലയാളം ബ്ലോഗ് രേഷ്മയുടേത് ആയിരിക്കണം. പക്ഷേ അവരുടെ ഹോസ്റ്റ് ബ്ലോഗര്‍ ആയിരുന്നില്ല റിഡിഫ് ആയിരുന്നു. എഴുത്ത് യൂണിക്കോഡും ആയിരുന്നില്ല.

ആദ്യയൂണിക്കോഡ് മലയാള പ്രസിദ്ധീകരണം നിഷാദ് കൈപ്പള്ളിയുടെ ബൈബിള്‍ ആയിരിക്കണം.

ആദ്യ യൂണിക്കോഡ് മലയാളം ബ്ലോഗര്‍ പോള്‍ തന്നെയെന്ന് തോന്നുന്നു. ആദ്യ യൂണിക്കോഡ് വെബ് സൈറ്റ് ചിന്തയും.

സിബു, വിശ്വം മാഷ് തുടങ്ങിയവര്‍ മലയാളികളായ ബ്ലോഗര്‍മാരില്‍ വളരെ പഴയവര്‍ ആണ്‌.

ഏറ്റവും പ്രായം കൂടിയ മലയാളം ബ്ലോഗര്‍ ദത്തൂക്ക് ജോസഫേട്ടന്‍ ആണ്‌. അദ്ദേഹം എത്തുംവരെ ചന്ദ്രേട്ടന്‍ ആയിരുന്നു സീനിയര്‍. പ്രായം കുറഞ്ഞയാളിനെ ഒരു പിടിയുമില്ല. ആദ്യകാലത്തെ ബ്ലോഗ് ബേബി അരുണ്‍ വിഷ്ണു ആയിരുന്നു.

ആദ്യ കുടുംബ ബ്ലോഗ് അനിലേട്ടന്‍-സുധച്ചേച്ചി-കണ്ണനുണ്ണിമാരുടേതാണ്‌

ആദ്യ ജോയിന്റ് മലയാളം ബ്ലോഗ് സമകാലികം ആണ്‌.

ഏറ്റവും കൂടുതല്‍ മെംബര്‍മാരും പോസ്റ്റുകളും ഹിറ്റുകളും ഉണ്ടായിരുന്നത് ഇപ്പോള്‍ ആക്റ്റീവ് അല്ലാത്ത ബൂലോഗ ക്ലബ്ബ് എന്ന ബ്ലോഗിനായിരുന്നു

ഏറ്റവും കമന്റ് കിട്ടിയ പോസ്റ്റ് ഇക്കാസ് ജാസൂട്ടി വിവാഹം എന്ന ബ്ലോഗിലാണ്‌. ആദ്യമായി രണ്ട് ബ്ലോഗര്‍മാര്‍ തമ്മിലുള്ള വിവാഹവും ഇ-ജാ തന്നെ.

ആദ്യമായി നൂറുകമന്റ് കിട്ടിയ മലയാളം ബ്ലോഗര്‍ കുട്ട്യേടത്തി ആണ്‌.

ആദ്യമായി അഞ്ഞൂറു കമന്റ് വീണത് കൊച്ചി ഒന്നാം ബ്ലോഗ് മീറ്റ് പോസ്റ്റില്‍ ആണ്‌.

ആദ്യമായി ആയിരം കമന്റ് കിട്ടിയത് ഉണ്ടാപ്രിക്കാണ്‌

(ഇത്രയും ലിങ്ക് ഇടണമെങ്കില്‍ റീസര്വേ ആപ്പീസില്‍ പോയി ലിങ്ക്‌സ് മാനെ വിളിച്ചോണ്ട് വന്നാലേ പറ്റൂ, അതോണ്ട് സാഹസത്തിനു മുതിരുന്നില്ല); November 13, 2007 12:32 PM

ViswaPrabha വിശ്വപ്രഭ said...: "ആദ്യ മലയാള ബ്ലോഗ് ഏതാണ്?”?

വളരെ ആപേക്ഷികമായ ഒരു ചോദ്യമാണത്.

ഏതാണ്ട് ഇതിനുപറ്റിയ ഒരു ഉത്തരം മുന്‍പ് ഒരു കുറിപ്പായി ഓഫ് യൂണിയനില്‍ ചേര്‍ത്തിട്ടുണ്ടായിരുന്നു. അതിന്റെ കൂടെ ഒരു മേമ്പൊടിയായി ഈ നെടുങ്കന്‍ കുറിപ്പും കൂടി ഇവിടെ കിടക്കട്ടെ.

(ഇത്തരം കുറിപ്പുകളൊക്കെ അവയിലടങ്ങിയിട്ടുണ്ടാകാവുന്ന തെറ്റുകളും കുറ്റങ്ങളും അവകാശവാദങ്ങളും ഒഴിവാക്കി സാവകാശം എവിടെയെങ്കിലും സമാഹരിക്കണമെന്നുണ്ട്. വരമൊഴിയുടെ സ്വാഗതപോര്‍ട്ടലില്‍ തന്നെ ഇതിനൊരു സ്ഥലം ഒരുക്കിവെച്ചിട്ടുമുണ്ട്. അനാവശ്യമായ യാതൊരു നിബന്ധനകളോ പക്ഷഭേദമോ ഇല്ലാതെ, എന്നാല്‍ ഉത്തരവാദിത്തത്തോടെ, ആര്‍ക്കും അവിടെ ചെന്ന് എഴുതിച്ചേര്‍ക്കുകയോ തിരുത്തുകയോ ചെയ്യാവുന്നതാണ്. )

പല ഘട്ടങ്ങളിലായിട്ടാണ് മലയാളം ബ്ലോഗുകള്‍ ഇന്നത്തെ അവസ്ഥയിലേക്ക് ഉരുത്തിരിഞ്ഞ് വന്നത്.

ബ്ലോഗ് എന്നതും ഫ്രീ വെബ് പേജ് എന്നതും തമ്മില്‍ വലിയ വ്യത്യാസം തോന്നാത്ത കാലത്ത് പലരും മലയാളം പല രീതിയിലും എഴുതിയിരുന്നു.
നിയതമായ വ്യവസ്ഥയുള്ളതും ഇല്ലാത്തതുമായ മംഗ്ലീഷും Keralite.ttf തുടങ്ങിയ ASCII ഫോണ്ടുകള്‍ ഉപയോഗിച്ചെഴുതിയ ANSI മലയാളവും അക്കാലത്ത് ഉപയോഗിച്ചിട്ടുണ്ട്. ചില ഗസ്റ്റുബുക്കുകളും ഫോറങ്ങളും സ്വതന്ത്രമായ വെബ് സൈറ്റുകളും ഈ രീതികള്‍ ഉപയോഗിച്ചുപോന്നു.

ആദ്യത്തെ മലയാളം ബ്ലോഗും മലയാളം ലിപിയിലാവില്ല എഴുതിയിട്ടുണ്ടാവുക. ചാറ്റ് സ്റ്റൈല്‍ Manglish രീതിയില്‍ ഏതാനും വാക്കുകള്‍ ഉള്‍പ്പെടുന്ന, എങ്കിലും മുഖ്യമായും ഇംഗ്ലീഷിലുള്ള ബ്ലോഗുകള്‍ പലതുമുണ്ടായിരുന്നു ആദ്യം. (അതുപോലുള്ളവ ഇപ്പോഴും ധാരാളം ഉണ്ട്.)

ആ സമയത്ത് ഇന്നു സങ്കല്‍പ്പത്തിലുള്ളതുപോലുള്ള ഒരുതരം കൂട്ടായ്മകളുമുണ്ടായിരുന്നില്ല. ഓരോരുത്തരും സ്വന്തമായി ഓരോ ദ്വീപുകളിലായിരുന്നു. വരമൊഴിയിലൂടെ പരസ്പരം നേരിയതായി അറിയുമെങ്കിലും സ്വന്തം ബ്ലോഗുകള്‍ക്ക് വായനക്കാരെ ചാക്കിട്ടുപിടിക്കുന്ന പ്രവണത അക്കാലത്ത് തുടങ്ങിവെച്ചിരുന്നില്ല. ബ്ലോഗ് എന്നതുതന്നെ ഇന്റര്‍നെറ്റില്‍ വന്നുകൊണ്ടിരുന്ന പലവിധ പരീക്ഷണസൈറ്റുകളില്‍ ഒരു തരം എന്നു മാത്രമേ മിക്കവരും വിചാരിച്ചിരുന്നുള്ളൂ. അതുകൊണ്ടു തന്നെ വേറേ ആരെങ്കിലും ഈ സമയത്ത് മലയാളം ബ്ലോഗുകള്‍ തുടങ്ങിവെച്ചിരുന്നോ എന്നറിയാന്‍ ഒരു വഴിയുമുണ്ടായിരുന്നില്ല.

ലഭ്യമായ വിവരങ്ങളും ആര്‍ച്ചൈവുകളും അനുസരിച്ച് , മനോരമ ഫോണ്ടും കേരളൈറ്റ് ഫോണ്ടും ഉപയോഗിച്ച് പോള്‍(redif.com), വിശ്വം(blogspot.com‍), സിബു(blogspot.com))‍ എന്നിവര്‍ ആദ്യമായി മലയാളം ലിപിരൂപങ്ങളില്‍ എഴുതിത്തുടങ്ങി.(2003)

പോള്‍ 2003 ഏപ്രില്‍ മുതല്‍ ASCII മലയാളത്തില്‍ തന്നെ (Keralite.ttf) എഴുത്തുതുടങ്ങി.

അനന്തമായ കാലം,
നിരന്തരം സംഭവിക്കുന്ന ജനനമരണങ്ങള്‍.
കാഴ്ചയുടെ പരിമിതി കൊണ്ടാവണം
ജീവിതമാണ്‌ ഏറ്റവും വലുതെന്ന്‌
ചിലപ്പോള്‍ തോന്നുന്നത്‌.
ജനനത്തിനു മുന്‍പും
മരണത്തിനു ശേഷവും
എന്തായിരുന്നുരിക്കണം?
നിര്‍വ്വചനങ്ങള്‍ തെറ്റിക്കൂടായ്കയില്ല.

പോളിന് അറം പറ്റിയിരിക്കണം, സുന്ദരമായ ആ കവിത കൊണ്ട് തുടങ്ങിവെച്ച മലയാളത്തിന്റെ ആദ്യബ്ലോഗ്, നിര്‍വ്വചനങ്ങളില്‍ പെട്ട് അനന്തമാവാതെ, 2004 ഫെബ്രുവരിയില്‍ റെഡിഫ്.കോം സൈറ്റില്‍ നിന്ന് സാങ്കേതികമായ എന്തോ പ്രശ്നം മൂലം അപ്പാടെ നഷ്ടപ്പെട്ടുപോയി. അതില്‍ നിന്നും ഓര്‍ത്തെടുക്കാന്‍ പറ്റിയ ചില പോസ്റ്റുകള്‍ പിന്നീട് പോള്‍ സ്വന്തം ഡൊമെയിനില്‍ (ജാലകം) യുണികോഡിലാക്കി പുന:പ്രതിഷ്ഠിച്ചിട്ടുണ്ട്.

വിശ്വം എഴുതിത്തുടങ്ങിയിരുന്ന (മേയ് 2003) ബ്ലോഗ് മുഖ്യമായും പഴയ കേരളാ.കോം ആല്‍ത്തറയുടെ ഒരു പകര്‍പ്പായിരുന്നു. കൂടാതെ പഴഞ്ചൊല്ലുകള്‍‍, കടംകഥകള്‍, മലയാളത്തിലെ പദോല്‍പ്പത്തി, പാഠപുസ്തകങ്ങളിലും മറ്റും ഉണ്ടായിരുന്ന പഴയ മലയാളം പദ്യങ്ങളും കവിതകളും, ദത്തുക്ക് ജോസഫ് ചേട്ടന്‍ വര്‍ഷങ്ങളെടുത്ത് ടൈപ്പ് ചെയ്തുവെച്ചിരുന്ന ചങ്ങമ്പുഴ തുടങ്ങിയവരുടെ സമ്പൂര്‍ണ്ണകൃതികള്‍ ഇതൊക്കെയായിരുന്നു അവിടെ പോസ്റ്റ് ചെയ്യപ്പെട്ടുകൊണ്ടിരുന്നത്. ആരെങ്കിലും വായിക്കുന്നുണ്ടോ എന്നുപോലും ഉറപ്പുണ്ടായിരുന്നില്ല. പക്ഷേ ഇറാക്ക്-കുവൈറ്റ് യുദ്ധത്തോടനുബന്ധിച്ച് ഇവിടത്തെ നിയമസമ്മര്‍ദ്ദം മൂലം മൂന്നുമാസത്തിനുശേഷം 2003 ജൂലൈയില്‍ അയാളുടെതന്നെ തന്നെ രണ്ട് ഇംഗ്ലീഷ് ബ്ലോഗുകള്‍ക്കൊപ്പം ‍അതും ഡീലിറ്റു ചെയ്തു കളയേണ്ടി വന്നു. ( http://viswam.blogspot.com) യാതൊരു പോസ്റ്റുകളും ഇല്ലാതെ ആ URL ഇപ്പോഴും വിശ്വത്തിന്റെ കൈവശം തന്നെയുണ്ട്.

സിബുവിന്റെ ആദ്യബ്ലോഗ് ഏപ്രില്‍ 2003ല്‍ ഇംഗ്ലീഷില്‍ തുടങ്ങി. മലയാളം ലേഖനങ്ങള്‍ പിന്നീടാണ് (സെപ്റ്റംബര്‍-ഒക്റ്റോബര്‍ 2003) അതില്‍ വന്നുതുടങ്ങിയത്. അന്നുള്ളവയില്‍ സിബുവിന്റേതു മാത്രമാണ് (ടെമ്പ്ലേറ്റ് പലപ്പോഴും മാറ്റിയിട്ടുണ്ടെങ്കിലും) ഇപ്പോളും അതേ URL-ലില്‍ അതേ ഉള്ളടക്കത്തോടെ നിലനില്‍ക്കുന്ന ഏക ബ്ലോഗ്.

2004 ജനുവരിയില്‍ ആദ്യ വനിതാമലയാളം ബ്ലോഗറായി രേഷ്മ റെഡിഫില്‍ അവളുടെ മൈലാഞ്ചിയുമായി പ്രത്യക്ഷപ്പെട്ടു. പില്‍ക്കാലത്ത് ഈ ബ്ലോഗും വേറേ ആരോ തട്ടിക്കൊണ്ടുപോയി. എന്നിരുന്നാലും ഏറ്റവും ആദ്യത്തെ മലയാളം വനിതാ ബ്ലോഗര്‍ എന്ന ചരിത്രപരമായി അചഞ്ചലമായ സ്ഥാനം നിസ്സംശയം രേഷ്മയ്ക്കുതന്നെ.

2004 മലയാളം ബ്ലോഗുകളുടെ ഗര്‍ഭസ്ഥദശയായിരുന്നു എന്നു പറയാം. പുതിയ ബ്ലോഗുകള്‍ ചിലതൊക്കെയുണ്ടായെങ്കിലും അതിനുപരി, ബ്ലോഗര്‍മാര്‍ തമ്മില്‍ പരസ്പരം പുറം ചൊറിഞ്ഞുതുടങ്ങിയതും അവര്‍ തമ്മില്‍ സമശീര്‍ഷമായ മാനസികദാര്‍ഢ്യം ഉടലെടുത്തതും ഈ കാലത്താണ്. അണിയറയില്‍ യുണികോഡ് ലിപികളെപ്പറ്റിയുള്ള ചര്‍ച്ചകളും ഈ സമയത്ത് തുടങ്ങിവെച്ചു. 2004 അവസാനിക്കുമ്പോഴേക്കും ഏഴോളം ബ്ലോഗുകള്‍ മലയാളത്തില്‍ സ്ഥിരതയോടെ പ്രത്യക്ഷപ്പെട്ടു. (പോള്‍, സിബു, രേഷ്മ, കൈപ്പള്ളി, കെവിന്‍, പെരിങ്ങോടന്‍, സൂര്യഗായത്രി) പലര്‍ക്കും പില്‍ക്കാലത്ത് ബ്ലോഗുജ്വരം ആയി മാറിയ ‘ദിവസേന എല്ലാ ബ്ലോഗുകളിലും പോയി നോക്കുക’ എന്ന ശീലം ആ സമയത്ത് തുടങ്ങിവെച്ചതും ഈ ബ്ലോഗര്‍മാരാണ്. അധികമാരും വായിക്കുമെന്ന് ഉറപ്പില്ലാതിരുന്നിട്ടും അന്നത്തെ നിലയ്ക്ക് സാങ്കേതികമായി വളരെ വിഷമം പിടിച്ചതായിരുന്നിട്ടും, മലയാളം ബ്ലോഗിങ്ങ് തുടര്‍ന്നുപോകുന്നവര്‍ എന്ന പരസ്പരബഹുമാനമുണ്ടായിരുന്നു എല്ലാവര്‍ക്കും. പലപ്പോഴും മറ്റു കുറച്ചുകൂട്ടുകാര്‍ മാത്രമാണു വായിക്കാനുള്ളത് എന്ന ബോധം നിമിത്തം ബ്ലോഗെഴുത്ത് സാമാന്യത്തിലധികം വൈയക്തികമായിരുന്നു ആയിടെ. സൈറ്റ് അഡ്മിനിസ്റ്റ്രേറ്റര്‍മാരോ എഡിറ്റര്‍മാരോ ഇടപെടാത്ത, പച്ചയായി ഉള്ളില്‍നിന്നും വരുന്ന സാധാരണ മലയാളിയുടെ തനിമലയാളം വായിക്കാന്‍ ദാഹിച്ചുനടന്നിരുന്ന പ്രവാസികളാണ് സ്വാഭാവികമായും ആ ഘട്ടത്തില്‍ ബ്ലോഗുകളില്‍ ഇടപെട്ടത്. (ആ ദാഹത്തിന്റെ തീവ്രത എന്താണെന്ന് ഇപ്പോള്‍ മനസ്സിലാക്കാന്‍ പോലുമാവില്ല. അത്രയ്ക്കധികമുണ്ട് ഇപ്പോള്‍ നമുക്കു വായിക്കാന്‍ കിട്ടുന്നത്!)

ആദ്യ യുണികോഡ് മലയാളം പോസ്റ്റ്

ആയിടയ്ക്കെല്ലാം കുറച്ചുപേര്‍ ചേര്‍ന്ന് യുണികോഡില്‍ പരീക്ഷണങ്ങള്‍ നടത്തുകയായിരുന്നു. വരമൊഴി യാഹൂഗ്രൂപ്പില്‍ കെവിന്‍ 2004 ആഗസ്റ്റ് 2ന് ‍ ആദ്യമായി ഒരു മലയാളം പ്ലെയിന്‍ ടെക്സ്റ്റ് മെയില്‍ അയച്ചത് വിപ്ലവകരമായ സംഭവമായി മാറി. 1999-മുതല്‍ വരമൊഴി അംഗങ്ങള്‍ സ്വപ്നം കണ്ടിരുന്നതാണ് കൃത്യം അഞ്ചുവര്‍ഷങ്ങള്‍‍ക്കുശേഷം അന്ന് യാഥാര്‍ത്ഥ്യമായത്.

(1999 ആഗസ്റ്റ് 1ന് വരമൊഴിഗ്രൂപ്പിലേക്ക് നമ്പൂരി അയച്ച മെയിലും‍ അതിനെ പിന്തുടര്‍ന്നുവന്ന ചര്‍ച്ചയും ആണ് മലയാളത്തിനേയും യുണികോഡിനേയും ബന്ധപ്പെടുത്തി ആദ്യം കണ്ടെടുക്കാവുന്ന, യുണികോഡ് കണ്‍സോര്‍ഷ്യത്തിന്റേതല്ലാത്ത, ആദ്യ അനൌദ്യോഗികരേഖ. പിന്നീട് 2002-ല്‍ സിബു യുണികോഡ് സജ്ജമായ വരമൊഴി റിലീസ് ചെയ്തിരുന്നെങ്കിലും യുക്തമായ ഫോണ്ട് ഇല്ലാതിരുന്നതുകൊണ്ട് ഫലത്തില്‍ മലയാളം യുണികോഡ് പ്രായോഗികമല്ലായിരുന്നു. മലയാളം വിക്കിപീഡിയയുടെ ശൈശവത്തില്‍ (2002) ഉപയോഗിച്ചിരുന്ന തൂലികാ ഫോണ്ടിനോ മലയാളം ഫോണ്ടിനോ വേണ്ടത്ര അവതരണഭംഗിയും പ്രചാരവും ലഭിച്ചിരുന്നില്ല. ഏകദേശം 2004 വരെ യുണികോഡ് മലയാളം മലയാളിക്കമ്പ്യൂട്ടറുകളില്‍ നിന്ന് ഒരു കയ്യെത്താപ്പാട് ദൂരത്ത് മാറിനിന്നു.)
ആരായിരിക്കും ആദ്യമായി യുണികോഡ് മലയാളത്തില്‍ ബ്ലോഗ് ചെയ്തിട്ടുണ്ടായിരിക്കുക?

ആരായിരിക്കും?

കൈപ്പള്ളി!

2004 ആഗസ്റ്റില്‍ കൈപ്പള്ളി യുണികോഡ് ബൈബിളിന്റെ എന്‍‌കോഡിങ്ങ് ഏതാണ്ട് മുഴുവനാക്കി. ആഗസ്റ്റ് 14നു് ആ വിവരം ഒരു പോസ്റ്റ് ആക്കി തന്റെ ബ്ലോഗില്‍ പ്രസിദ്ധീകരിച്ചു. തന്റെ ക്യാരക്റ്ററിസ്റ്റിക് അക്ഷരത്തെറ്റുകളും യുണികോഡ് കീബോര്‍ഡ് ഡ്രൈവറുടെ നിയന്ത്രണം പോരാത്ത സ്റ്റീയറിങ്ങ് വീലും കൂടി ആകപ്പാടെ ഒറിജിനല്‍ ആയിട്ടുള്ള ഒരു പോസ്റ്റുതന്നെ ആയിരുന്നു അത്.

ഒരു മാസത്തിനുള്ളില്‍ 2004 സെപ്റ്റംബര്‍ 18ന് കെവിന്റെ മലയാളം യുണികോഡ് ബ്ലോഗ് അവതരിച്ചു.

സ്വാഭാവികമായും ആദ്യകാലങ്ങളില്‍ വന്ന ഈ പോസ്റ്റുകള്‍ക്ക് കമന്റിടാന്‍ ആര്‍ക്കും അത്ര ഉത്സാഹമൊന്നുമുണ്ടായിരുന്നില്ല. കാരണം യുണികോഡില്‍ എഴുതുക എന്നത് അപ്പോഴും അത്ര സുഗമമൊന്നുമായിരുന്നില്ല. എന്നിരുന്നാലും കെവിന്‍, മോനു എന്ന ചാക്കോച്ചന്‍ തുടങ്ങിയ ചിലര്‍ ആദ്യത്തെ യുണികോഡ് കമന്റുകള്‍ തുടങ്ങിവെച്ചു.

അഞ്ജലിബീറ്റ വരവായി. വിന്‍ഡോസ് XP കൂടുതല്‍ കമ്പ്യൂട്ടറുകളില്‍ പ്രചാരത്തിലായി. മെച്ചപ്പെട്ട Uniscribe DLL പുറത്തിറങ്ങി. മലയാളം യുണികോഡിന്റെ സമയം വന്നെത്തിക്കഴിഞ്ഞു അതോടെ.

ആദ്യകാലയുണികോഡിന്റെ യഥാര്‍ത്ഥ സാഹസങ്ങള്‍ ബ്ലോഗറിലായിരുന്നില്ല എന്നതാണു രസകരം!
2004 നവമ്പര്‍ 11നു തുടങ്ങിയ അക്ഷരശ്ലോകം യാഹൂഗ്രൂപ്പിനുള്ളിലായിരുന്നു യുണികോഡ് പോലൊരു ഉപായത്തിന് ഏറെ ആവശ്യം. 100% ശുദ്ധമായ, അക്ഷരത്തെറ്റുകള്‍ ഒന്നുപോലും ഇല്ലാത്ത ശ്ലോകസംഭരണമായിരുന്നു അക്ഷരശ്ലോകം ഗ്രൂപ്പ് തുടങ്ങിവെച്ച ഓണ്‍ ലൈന്‍ സദസ്സിന്റെ ലക്ഷ്യം. അതുകൊണ്ടുതന്നെ സൂക്ഷ്മതയും കൃത്യതയും ഉള്ള ഒരു ലിപിപ്രാതിനിദ്ധ്യം അവിടെ അത്യന്താപേക്ഷിതമായി. മാത്രമല്ല, സാധാരണ എഴുത്തുമലയാളത്തില്‍ വരാത്ത പല കൂട്ടക്ഷരങ്ങളും പ്രയോഗങ്ങളും മലയാള‍വും സംസ്കൃതവും ഇടകലര്‍ന്ന അവിടത്തെ ശ്ലോകസന്ദേശങ്ങളില്‍ ഉപയോഗിക്കേണ്ടിയുമിരുന്നു. അങ്ങനെ യുണികോഡ് മലയാളവും ഒപ്പം തന്നെ വരമൊഴി പ്രോഗ്രാമും അവിടെ തീവ്രമായി, നിശിതമായി പരീക്ഷിക്കപ്പെട്ടു. എന്നിരുന്നാലും അംഗങ്ങള്‍ക്ക് പലര്‍ക്കും അവരുടെ കമ്പ്യൂട്ടറുകളില്‍ സാങ്കേതികമായി യുണികോഡ് ഉപയോഗിക്കാന്‍ പ്രശ്നമുണ്ടായിരുന്നു. അതിനാല്‍ ഒടുവില്‍ ഗ്രൂപ്പിന്റെ അംഗീകൃത എഴുത്തുഭാഷയായി വരമൊഴി രീതിയിലുള്ള mangleesh തന്നെ തല്‍ക്കാലത്തേക്ക് അംഗീകരിക്കപ്പെട്ടു.

സിബു അടക്കം ഗ്രൂപ്പിലുണ്ടായിരുന്ന അംഗങ്ങള്‍ക്കെല്ലാം യുണികോഡിന്റേയും വരമൊഴിയുടേയും നല്ലൊരു പരിശീലനക്കളരിയായി മാറി ആ എഴുത്തുകുത്തുകള്‍. അക്ഷരശ്ലോകം ഗ്രൂപ്പിലെ മിക്ക സജീവാംഗങ്ങളും പില്‍ക്കാലത്ത് പ്രാപ്തിയുള്ള മലയാളം ബ്ലോഗര്‍മാരായി മാറുകയുമുണ്ടായി. അക്ഷരശ്ലോകസദസ്സു തന്നെ പിന്നീട് ഒരു ബ്ലോഗിലൂടെ പൊതുസഭയിലേക്ക് ഇറങ്ങിവന്നു.

ഇതോടൊപ്പം ബ്ലോഗര്‍.കോം കൂടാതെ, മറ്റിടങ്ങളിലേക്കും യുണിക്കോഡ് പറന്നുചെന്നിറങ്ങിത്തുടങ്ങി. ഏകദേശം ഈ സമയത്താണ് ചിന്ത.കോം, ജാലകം, മലയാളവേദി.കോം തുടങ്ങിയ വെബ്ബ് സൈറ്റുകള്‍ യുണികോഡിലേക്ക് രൂപാന്തരം പ്രാപിച്ചുവന്നത്. കൂടാതെ MSN സ്പേസ്, വേര്‍ഡ്പ്രെസ്സ് തുടങ്ങിയ ഇടങ്ങളിലും മലയാളം ബ്ലോഗര്‍മാര്‍ മേഞ്ഞുതുടങ്ങി.

2005 മാര്‍ച്ച് ആവുമ്പോഴേക്കും കൂടുതല്‍ യുണികോഡ് മലയാളം ബ്ലോഗുകള്‍ പ്രത്യക്ഷപ്പെട്ടു. ആദ്യം കമന്റുകളെഴുതിത്തുടങ്ങി പിന്നീട് മുഴുബ്ലോഗന്മാരായവരായിരുന്നു അധികവും. അതുവരെ ASCII ഉപയോഗിച്ചിരുന്ന ബ്ലോഗര്‍മാരെല്ലാം ക്രമേണ യുണികോഡിലേക്ക് ചുവടുമാറി.

*** *** ***
പിന്മൊഴി, തനിമലയാളം, ഗൂഗിള്‍ ബ്ലോഗ് സെര്‍ച്ച്, പോപ്പുലര്‍ ബ്ലോഗിങ്ങ്, ബ്ലോഗ്-വിക്കി സംബന്ധങ്ങള്‍, ഫീഡറുകളും അഗ്രിഗേറ്ററുകളും, ബ്ലോഗ് മീറ്റുകള്‍, മാദ്ധ്യമ ഇടപെടലുകള്‍, സമാന്തര യുണികോഡ് സൈറ്റുകള്‍, കൂട്ടായ്മബ്ലോഗുകള്‍, പടലപിണക്കങ്ങള്‍, കുറുമൊഴി, മറുമൊഴി, യുണികോഡ് സംവാദങ്ങള്‍ തുടങ്ങി ബ്ലോഗുചരിത്രം പിന്നെയും നീണ്ടുകിടക്കുന്നു. അതെല്ലാം പിന്നീട് നമുക്ക് പതിയെ ഓര്‍ത്തെടുക്കാം.

വര്‍ത്തമാനക്കുടങ്ങളില്‍നിന്നും വരുംവരായ്കകള്‍ പുറത്തുചാടട്ടെ.
അവ ഭൂതങ്ങളായി പുകഞ്ഞുയരട്ടെ.
ക്രമേണ ഇന്റര്‍നെറ്റിന്റെ മേഘപ്പൂന്തോപ്പില്‍ അലിഞ്ഞുചേരട്ടെ.
അപ്പോള്‍ നമുക്കിവിടെ പഴങ്കഥകള്‍ പറഞ്ഞിരിക്കാം.

ഇപ്പോള്‍ ചരിത്രം അതിന്റെ വഴിയ്ക്ക് നടന്നുപോകട്ടെ. നമുക്ക് ആ പാവം അറിയാതെ പതുക്കെ അതിന്റെ പിന്നാലെ പതുങ്ങിപ്പതുങ്ങിച്ചെല്ലാം. ആകസ്മികമായി മുന്നില്‍ ചെന്നുപെട്ട് അതിനെ പരിഭ്രമിപ്പിക്കണ്ട. അതിന്റെ വഴി മാറ്റിമറിയ്ക്കേണ്ട.; November 14, 2007 4:47 PM

ദേവന്‍ said...

ബ്ലോഗ്ഗ് റോളുകളുടെ കഥ പറയാന്‍ വിട്ടു.
മലയാളികളുടെ ബ്ലോഗ്ഗ് റോള്‍ ആദ്യമായി ഉണ്ടായത് മനോജിന്റെ മേളം ആണ്‌.

മലയാളം ബ്ലോഗുകളുടെ ആദ്യ റോള്‍ പരിപാലിച്ചിരുന്നത് ക്ഷുരകന്‍ ആണ്‌.

ക്ഷുരകന്‍ ബ്ലോഗ് റോള്‍ പരിപാലനവും ബ്ലോഗ് എഴുത്തും നിറുത്തി കുറേക്കാലം മലയാളത്തിനു ബ്ലോഗ്ഗ് റോള്‍ ഇല്ലായിരുന്നു. രണ്ടായിരത്താറ്‌ മാര്‍ച്ചില്‍ മുപ്പത്തഞ്ചോളം പേരുകളുള്ള മലയാളം ബ്ലോഗ്ഗ് റോള്‍ ശ്രീജിത്ത് ഏറ്റെടുത്തു. ഒരു വര്‍ഷം കൊണ്ട് ( ൨൦൦൭ ഏപ്രിലില്‍) മലയാളം ബ്ലോഗ്ഗ് റോളിലെ എന്റ്റികള്‍ ആയിരം കടന്നു.
November 17, 2007 12:18 AM

അഞ്ചല്‍ക്കാരന്‍ said...: പക്ഷേ രേഷ്മയുടെ ബ്ലോഗില്‍ ചെല്ലുമ്പോള്‍ അനില്‍ (March 2005) പിന്നെ സൂര്യഗായത്രി 12/11/2004 ല്‍ പോസ്റ്റിട്ടുണ്ട്.

സിബുവിന്റെ പ്രൊഫൈലില്‍ കാണുന്നത് ഫെബ്രുവരി 2003 ആണ് .

പെരിങ്ങോടന്റെ പ്രൊഫൈല്‍ ജൂലൈ 2004 കാണിക്കുന്നു.

സാക്ഷാല്‍ വിശാല്‍ജീ തന്‍ പ്രൊഫൈല്‍ സെപ്തംബര്‍ 2005 എന്നു പറയുന്നു.

ഏവൂരാന്റെ പ്രൊഫൈല്‍ ഡിസംബര്‍ 2004 എന്നാണ് കാണിച്ചിരിക്കുന്നത്.

വിശ്വോട്ടെന്റെ പ്രൊഫൈല്‍ മെയ് 2004 ആണ് കാണിച്ചിരിക്കുന്നത്.

അപ്പോള്‍ ഇങ്ങിനെ നോക്കുമ്പോള്‍ സിബുവല്ലേ ആദ്യത്തെ ബ്ലോഗര്‍.

വിശ്വപ്രഭക്കും ദേവേട്ടനും സിബുവിനും പെരിങ്ങോടനും വിശാലമനസ്കനും സൂര്യഗായത്രിക്കും രേഷ്മക്കും ഇതേകുറിച്ച് കൂടുതല്‍ പറയാന്‍ കഴിയുമായിരിക്കും. ആദ്യത്തെ മലയാളം ബ്ലോഗറെ തപ്പി കുറേ കറങ്ങിയതാണ്. പ്രൊഫൈലില്‍ കാട്ടുന്ന തീയതി വെച്ച് കണക്കാക്കാന്‍ കഴിയുമെന്ന് തോന്നുന്നില്ല. ഇംഗ്ലീഷില്‍ ബ്ലോഗിങ്ങ് ഒരു പക്ഷേ ആ തീയതിയില്‍ തുടങ്ങിയിരിക്കാം. പക്ഷേ മലയാളത്തില്‍ ആദ്യം പോസ്റ്റിട്ടത് ആര്? ആ ചോദ്യത്തിനാണ് ഉത്തരം കിട്ടേണ്ടുന്നത്.

എല്ലാരും കൂടി ഒന്നു ഉത്സാഹിച്ചാല്‍ ഉത്തരത്തിലേക്ക് എത്താമെന്ന് തോന്നുന്നു.

ഒന്നു ഒത്തു പിടിച്ചേ...; November 13, 2007 6:24 AM

Paul said...: Viswam,
thanks for the detailed historical info! Here is a small correction.

he first version of jaalakam was hosted at freeshell.org. The domain name was mkpaul.freeshell.org. This was during dec 2002/jan 2003 time frame. Unfortunately this sub-domain doesn't exist now. I am trying to contact them to get a back up. But you can see some of the pages at internet archive : http://web.archive.org/web/20040419190503/http://mkpaul.freeshell.org/blog_2003.html

It was built on plain html with comments support using haloscan. Then jaalakam moved to rediff. Then i used pivot to maintain the blog for some time. After that, it was moved to chintha.com and i switched to unicode with Anjali font from Kevin.; November 19, 2007 3:40 AM

a.sahadevan said...: the search for family tree is a worthwhile exercise. blogs are phenomenon of immediate past. and see how had it become a history to be traced back. it is easy to forget and shun to dust bin. but ulless we know the roots life could not be fine tuned.
Shonima has a historical orientation. she motivated a whole band of bloggers. now one shoulld attempt an article to chronicle the history of malayalam blogs/
and post the same in malayalam wiki
regards
a sahadevan(palakkad churam); November 20, 2007 11:39 PM

കേരള ബ്ലോഗ് അക്കാദമി: പുതിയ ബ്ലോഗര്‍മാരുടെ ശ്രദ്ധക്കായി... kerala blog academy malayalam blog help

2009-07-15T08:07:00.000-07:00

Malayalees who wish to start a malayalam blog, may use the malayalam blog guideline given bellow.Please click on the image to read the guideline.
പുതുതായി ബ്ലോഗ് ചെയ്യുന്നവര്‍ക്ക് താഴെക്കാണുന്ന നോട്ടീസ് ഞെക്കി വലുതാക്കിയതിനുശേഷം വായിക്കുകയോ,
പ്രിന്റെടുക്കുകയോ ചെയ്യാം.

പുതുതായി ബ്ലോഗ് തുടങ്ങാന്‍ ആഗ്രഹിക്കുന്നവരും, പുതുതായി ബ്ലോഗ് തുടങ്ങിയവരുടേയും സൌകര്യത്തിനായി കേരള ബ്ലോഗ് അക്കാദമിയുടെ ഈ ബ്ലോഗില്‍ സംശയനിവാരണത്തിനും,
പെട്ടെന്ന് പ്രാഥമിക സെറ്റിങ്ങുകള്‍ ശരിയാക്കുന്നതിനും അവശ്യം വേണ്ട വിവരങ്ങള്‍ നല്‍കുന്ന
ലിങ്കുകള്‍ മുകളില്‍ ഇംഗ്ലീഷില്‍ തന്നെ കൊടുത്തിട്ടുണ്ട്. പുതുതായി ബ്ലോഗ് തുടങ്ങുന്നവര്‍ക്ക് അവ ഓരോന്നായി ക്ലിക്കുചെയ്ത് ബ്ലോഗിങ്ങിലെ അപരിചിതത്വം ദൂരീകരിക്കാവുന്നതാണ്.

മലയാളം ബ്ലോഗുകളുടെ നിര്‍മ്മിതിയില്‍ അനുഭവപ്പെടാവുന്ന എല്ലാ തരം സംശയങ്ങളെയും പരിഹരിക്കുന്ന തരത്തില്‍ വിശദമായ കുറിപ്പുകള്‍ വിവിധ തലക്കെട്ടുകളോടും,സ്ക്രീന്‍ഷോട്ടുകളോടും കൂടി
ആദ്യാക്ഷരി ബ്ലോഗില്‍ അപ്പു എന്ന ബ്ലോഗര്‍ നല്‍കിയിട്ടുണ്ട്. പുതിയതായി ബ്ലോഗ് ആരംഭിക്കുന്നവര്‍
തീര്‍ച്ചയായും ആദ്യാക്ഷരി ബ്ലോഗ് ഉപയോഗപ്പെടുത്തുക.(താഴെക്കൊടുത്ത ആദ്യാക്ഷരി ബാനറില്‍ ഞെക്കുക)
കൂടാതെ, ബ്ലോഗിന്റെ സാങ്കേതിക വശങ്ങളെക്കുറിച്ചും, നിങ്ങളുടെ ബ്ലോഗിനെ സൌകര്യപ്രദവും മനോഹരവുമാക്കുന്നതിലേക്കുള്ള ധാരാളം അറിവുകള്‍ പ്ങ്കുവച്ചുകൊണ്ട് മുള്ളൂക്കാരന്‍ എന്ന ബ്ലോഗര്‍
ഇന്ദ്രധനുസ്സ് എന്നൊരു ബ്ലോഗും മലയാളം ബ്ലോഗേഴ്സിന്റെ സൌകര്യത്തിനായി ഒരുക്കിയിട്ടുണ്ട്.
ബ്ലോഗില്‍ പരീക്ഷണങ്ങള്‍ നടത്താന്‍ ആഗ്രഹിക്കുന്ന ബ്ലോഗര്‍മാര്‍ ഇന്ദ്രധനുസ് ഉപയോഗപ്പെടുത്തുമല്ലോ.(താഴെക്കൊടുത്ത ഇന്ദ്രധനുസ് ബാനറില്‍ ഞെക്കുക)

Indradhanuss
Malayalam Blog Tips&Trics

കേവലം മനുഷ്യസ്നേഹത്തിന്റെ പേരില്‍ നല്‍കിയിരിക്കുന്ന ഈ അറിവുകള്‍
ഉപയോഗപ്പെടുത്തി മലയാളം ബ്ലോഗിങ്ങ് മലയാളികളുടെ വിവേചന രഹിതമായ സ്വതന്ത്രമാധ്യമമായി വളര്‍ത്തുന്നതില്‍ ഒരോ മലയാളിയും തങ്ങളുടെ പങ്കു വഹിക്കണമെന്ന് സസ്നേഹം അഭ്യര്‍ത്ഥിക്കുന്നു.

അതുപോലെത്തന്നെ വളരെ പ്രധാനപ്പെട്ടതാണ് നമ്മള്‍ ബ്ലോഗില്‍ ഒരു സൃഷ്ടി പ്രസിദ്ധീകരിച്ചാല്‍ അതിനെക്കുറിച്ചുള്ള അറിയിപ്പ് ലിസ്റ്റ് ചെയ്യുന്ന അഗ്രഗേറ്ററുകള്‍.മുകളില്‍ കുറെ അഗ്രഗേറ്ററുകളുടേയും ലിങ്ക് കൊടുത്തിട്ടുണ്ട്.ആ ലിങ്കുകളിലേതിലെങ്കിലും ഞെക്കിയാല്‍ മലയാളം ബ്ലോഗേഴ്സ് പ്രസിദ്ധീകരിക്കുന്ന ബ്ലോഗ് പോസ്റ്റുകളുടെ ലിസ്റ്റ് ലഭിക്കുന്നതും, അവിടെ നിന്നും നമുക്ക് താല്‍പ്പര്യമുള്ള പോസ്റ്റുകളുടെ തലക്കെട്ടില്‍ ഞെക്കി ആ പോസ്റ്റുകള്‍ വായിക്കാവുന്നതുമാണ്. ഈ ലിസ്റ്റുകളാണ് ബ്ലോഗര്‍മാരെ ബന്ധിപ്പിക്കുന്ന പ്രധാന വഴികളിലൊന്ന് എന്നതിനാല്‍
അഗ്രഗേറ്ററുകളുടെ ലിങ്കുകള്‍ ബുക്ക് മാര്‍ക്ക് ചെയ്തുവക്കുന്നത് നന്നായിരിക്കും. താഴെ കൊടുത്തിരിക്കുന്ന ലിങ്കുകളില്‍ ഞെക്കിയാല്‍ വിവിധ അഗ്രഗേറ്ററുകളില്‍ എത്താം.

1) ഗൂഗിള്‍ മലയാളം ബ്ലോഗ് സെര്‍ച്ച് (അഗ്രഗേറ്റര്‍)
2) ജാലകം മലയാളം ബ്ലോഗ് അഗ്രഗേറ്റര്‍
3) ചിന്ത മലയാളം ബ്ലോഗ് അഗ്രഗേറ്റര്‍
4) പുഴ മലയാളം ബ്ലോഗ് അഗ്രഗേറ്റര്‍
5) തനിമലയാളം ബ്ലോഗ് അഗ്രഗേറ്റര്‍
6) തമിഴ് മനം മലയാളം അഗ്രഗേറ്റര്‍
7) ബ്ലോഗ്കുട്ട് അഗ്രഗേറ്റര്‍
8)കേരള ബ്ലോഗ് അഗ്രഗേറ്റര്‍
9) അനില്‍ശ്രീ വായനാ ലിസ്റ്റ്
നിലവില്‍ ധാരാളം അഗ്രഗേറ്ററുകള്‍ നമുക്കുണ്ടെങ്കിലും (ശ്രദ്ധയില്‍പ്പെട്ടവ ബ്ലോഗ് അക്കാദമിയുടെ ഹെല്‍പ്പ് ലിസ്റ്റില്‍ ചേര്‍ത്തിട്ടുണ്ട്)ഇയ്യിടെ ആരംഭിച്ച “മലയാളം വെബ് ലോകത്തേക്കൊരു ജാലകം”എന്ന വിശേഷണത്തോടെയുള്ള അഗ്രഗേറ്റര്‍ വളരെ സൌകര്യപ്രദമാണെന്ന് കാണുന്നു.
ഒന്നോ രണ്ടൊ മിനിട്ടുകൊണ്ട് ഏതൊരു ബ്ലോഗര്‍ക്കും അനായാസം ആ അഗ്രഗേറ്ററില്‍ സ്വന്തം ബ്ലോഗുകളോ വെബ് സൈറ്റുകളോ രജിസ്റ്റെര്‍ ചെയ്യാവുന്നതാണ്. രജിസ്റ്റര്‍ പൂര്‍ത്തിയായി കഴിഞ്ഞാല്‍ ഓട്ടോമാറ്റിക്കായി ലഭിക്കുന്ന htmlകോഡ് കോപ്പി ചെയ്ത് സ്വന്തം ബ്ലോഗിലെ ലേഔട്ടില്‍ പ്രവേശിച്ച് add a gadget എന്ന കോളത്തില്‍ ക്ലിക്കി html/java script വിന്‍ഡോക്കകത്ത് ചേര്‍ത്ത്
സേവ് ചെയ്താല്‍ ആ ബ്ലോഗിലെഴുതുന്ന പോസ്റ്റുകളെല്ലാം അഗ്രഗേറ്ററില്‍ ലിസ്റ്റു ചെയ്യാന്‍ ബ്ലോഗിന്റെ മാര്‍ജിനില്‍ പ്രത്യക്ഷപ്പെടുന്ന “ജാലക”ത്തിന്റെ ലിങ്ക് ബാനറില്‍ ഒന്നു ക്ലിക്കുകയേ വേണ്ടു. ഈ അഗ്രഗേറ്ററിന്റെ ഇത്രയും സുഗമമായ പ്രവര്‍ത്തന സംവിധാനം
ബ്ലോഗുകളെ ജനകീയമാക്കുന്നതില്‍ കാര്യമായ സംഭാവനചെയ്യുമെന്ന് നമുക്ക് പ്രതീക്ഷിക്കാം.
നിലവില്‍ ജാലകം അഗ്രഗേറ്ററില്‍(ഇവിടെ ക്ലിക്കുക) രജിസ്റ്റെര്‍ ചെയ്തിട്ടില്ലാത്ത ബ്ലോഗര്‍മാര്‍ ഉടന്‍ രജിസ്റ്റെര്‍ ചെയ്ത് ജാലകം അഗ്രഗേറ്ററിന്റെ പോസ്റ്റ് റിഫ്രഷര്‍ ബാനര്‍ സ്വന്തം ബ്ലോഗുകളില്‍ സ്ഥാപിക്കുക.

കേരള ബ്ലോഗ് അക്കാദമിയുടെ ലിങ്ക്ബാനര്‍ നിങ്ങളുടെ ബ്ലോഗില്‍ പ്രദര്‍ശിപ്പിക്കാന്‍ താഴെക്കൊടുത്ത സ്ക്രോളിങ്ങ് വിന്‍ഡോയിലെ htmlകോഡ് കോപ്പിചെയ്ത് നിങ്ങളുടെ ബ്ലോഗ് ലേ-ഔട്ടില്‍ ചേര്‍ത്താല്‍ മതിയാകും.

വ്യാജ ബ്ലോഗുകളില്‍ വഴുതി വീഴാതിരിക്കുക !

2009-07-04T05:33:00.000-07:00

ബ്ലോഗര്‍ ചാണക്യന്റെ വ്യാജ നിര്‍മ്മിതമായ പ്രൊഫൈല്‍ പേജ് മുകളില്‍.
താഴെ ചാണക്യന്റെ ഒറിജിനല്‍ പ്രൊഫല്‍ പേജ്

അങ്ങിനെ ബ്ലോഗര്‍ ചാണക്യനും വ്യാജ ബ്ലോഗ് നിര്‍മ്മാതാവിന്റെ മനോവൈകല്യത്തിന്റെ ഇരയായിത്തിര്‍ന്നിരിക്കുന്നു. ഇ.എ.ജബ്ബാര്‍ മാഷുടെ ബ്ലോഗിന് വ്യാജ പ്രൊഫൈലുണ്ടാക്കിയതിനെത്തുടര്‍ന്ന് അതില്‍ പ്രതിഷേധിക്കാന്‍ ആവശ്യപ്പെട്ട് ബ്ലോഗ് അക്കാദമി പോസ്റ്റ് എഴുതിയതിനെത്തുടര്‍ന്ന് കേരള ബ്ലോഗ് അക്കാദമി എന്നപേരിലും വ്യാജബ്ലോഗുണ്ടാക്കി ബ്ലോഗ് അക്കാദമിയുടെ പ്രസ്തുത പോസ്റ്റില്‍ തന്നെ ആ വ്യാജ ഐഡിയില്‍ കമന്റെഴുതി തന്റെ ശക്തി പ്രകടനം നടത്താന്‍ ഈ ക്രിമിനല്‍ ഉപേക്ഷകാണിച്ചില്ല. എന്തായാലും തന്റെ താതരഹിതമായ സാന്നിദ്ധ്യം ബൂലോകം ശ്രദ്ധിച്ചു തുടങ്ങിയിരിക്കുന്നു എന്നതില്‍ അയാള്‍ ഇപ്പോള്‍ ഏറെ ആനന്ദിക്കുന്നുണ്ടായിരിക്കും.
സ്വന്തം വ്യക്തിത്വം നഷ്ടപ്പെട്ട് അന്യവ്യക്തിത്വങ്ങളിലൂടെ തന്റെ ബുദ്ധിവൈഭവം പ്രകടിപ്പിച്ച് അപകര്‍ഷതയില്‍നിന്നും മോചനം നേടാന്‍ ശ്രമിക്കുന്ന മനോവൈകല്യത്തോട് സഹതപിച്ചുകൊണ്ട് ,ഇത്തരം ക്രിമിനലുകള്‍ നഷ്ടപ്പെടുത്തുന്ന ബ്ലോഗറുടെ സല്‍പ്പേരും, സുരക്ഷിതത്വവും, എങ്ങിനെ സംരക്ഷിക്കാം എന്ന് നമുക്കാലോചിക്കേണ്ടിയിരിക്കുന്നു.

കൂടാതെ , നിലവില്‍ വ്യാജ ബ്ലോഗുകള്‍ സൃഷ്ടിക്കപ്പെട്ട ബ്ലോഗുകള്‍ ഏതൊക്കെയാണെന്നും ഒറിജിനലും വ്യാജനും തമ്മിലുള്ള വ്യത്യാസമെന്തെന്നും ബ്ലോഗര്‍മാരുടെ ശ്രദ്ധയില്‍പ്പെടുത്താനുള്ള ശ്രമം ബ്ലോഗര്‍മാരുടെ ഭാഗത്തുനിന്നും ഉണ്ടാകേണ്ടിയിരിക്കുന്നു. പതിവില്‍നിന്നും വ്യത്യസ്ഥമായോ, തെറ്റിദ്ധാരണജനകമായോ ഏതെങ്കിലും ബ്ലോഗറുടെ കമന്റ് കാണുകയാണെങ്കില്‍ അതില്‍ സംശയം പ്രകടിപ്പിക്കാനും,ബ്ലോഗ്ഗറുടെ ഐഡിയും ബ്ലോഗും പരിശോധിക്കാനും ബ്ലോഗര്‍മാര്‍ ശ്രദ്ധവെക്കണമെന്ന്നും, ഉരുളക്കുപ്പേരി പോലുള്ള മറുപടി കമന്റെഴുതാതെ , ടി ബ്ലോഗറെ മെയില്‍ ഐഡിയില്‍ ഒന്നു ബന്ധപ്പെടാന്‍ ശ്രമിക്കുന്നതും ഉചിതമായിരിക്കും.
മാത്രമല്ല, ഈ വിഷയത്തിലെങ്കിലും അലസവും,തമാശയോടെയുള്ളതുമായ അഭിപ്രായ പ്രകടനങ്ങള്‍ നടത്തി കുറ്റവാളിക്കു കൂട്ടുനില്‍ക്കുന്ന വ്യക്തിത്വമില്ലായ്മയില്‍ വീണുപോകാതിരിക്കാന്‍ ശ്രദ്ധിക്കണമെന്നും ബ്ലോഗര്‍മാരോട് ബൂലോക സഹവര്‍ത്തിത്വത്തിന്റെ പേരില്‍ അഭ്യര്‍ത്ഥിക്കുന്നു.

കാരണം, വ്യാജബ്ലോഗ് നിര്‍മ്മിക്കുക എന്ന ഈ കുറ്റകൃത്യം ആള്‍മാറാട്ടമെന്നും , ചതി, വഞ്ചന, മോഷണം തുടങ്ങിയ
ഗുരുതരമായ ക്രിമിനല്‍ കുറ്റങ്ങള്‍ക്ക് തുല്യമായ ഒന്നാണെന്നും നാം മനസ്സിലാക്കേണ്ടിയിരിക്കുന്നു. കുറ്റവാളി പിടിക്കപ്പെട്ടാലെ കുറ്റവാളിയാകുന്നുള്ളു എന്ന മനസാക്ഷിയില്ലാത്തവരുടെ നീതിശാസ്ത്രത്തില്‍ വിശ്വസിക്കുന്ന , അച്ഛനെ മാറ്റിപ്പറയുന്നതില്‍ അപാകതയൊന്നും തോന്നാത്ത , സാസ്ക്കാരികമായ വേരുകളില്ലാത്ത വികല വ്യക്തിത്വമാണ് ഈ കുറ്റകൃത്യത്തിനു പിന്നില്‍. ഈ കുറ്റവാളിയെ ലോകത്തിന്റെ ഏതുഭാഗത്തുനിന്നായാലും കണ്ടുപിടിച്ച് അയാള്‍ അര്‍ഹിക്കുന്ന നിയമപരമായ ചികിത്സ നല്‍കാനുള്ള ശ്രമങ്ങളോട് ഐക്യദാര്‍ഡ്യം പ്രഖ്യാപിക്കാനുള്ള ബാധ്യത മലയാളികള്‍ക്ക് എല്ലാവര്‍ക്കുമുണ്ട്.

അതുകൊണ്ടുതന്നെ “ആരാന്റെ അമ്മക്ക് പ്രാന്തായാല്‍ കാണാന്‍ നല്ല ചേല്” എന്ന രീതിയിലുള്ള അരാഷ്ട്രീയ കമന്റുകളോടെ ഈ ക്രിമിനലിനെ നിസാരവല്‍ക്കരിക്കാന്‍ നമുക്കു കഴിയില്ല. ഇതൊരു കുസൃതിയല്ല, മറിച്ച് ഒരു കുറ്റവാളിയുടെ മനോവൈകൃതങ്ങളാണ്. ചികിത്സ അനിവാര്യമായിരിക്കുന്നു !!

ഇത്തരം രോഗികളുടെ താല്‍ക്കാലികമായ ഈ ചൊറിച്ചിലിനെ നേരിടുന്നതിനായി കമന്റ് മോഡറേഷന്‍ ഏര്‍പ്പെടുത്തുന്നത് നന്നായിരിക്കും. ഈ വ്യാജപ്രശ്നത്തെ നേരിടുന്നതിനെക്കുറിച്ചുള്ള പ്രായോഗിക,സാങ്കേതിക,നിയമപരമായ അഭിപ്രായങ്ങള്‍ അറിയിച്ചുകൊണ്ടുള്ള മെയിലുകള്‍ blogacademy@gmail.com എന്ന വിലാസത്തില്‍ ബ്ലോഗര്‍മാര്‍ക്കും,ബ്ലോഗറല്ലാത്തവര്‍ക്കും അറിയിക്കാവുന്നതാണ്.
അനില്‍@ബ്ലോഗിന്റെ പതിവുകാഴ്ച്ചകള്‍ ബ്ലോഗിലെ മുന്‍‌കൂര്‍ ജാമ്യാപേക്ഷകൂടി വായിക്കാവുന്നതാണ്.

ബൂലോക സംഗമത്തില്‍ പങ്കെടുക്കുക !!!

2009-06-15T06:06:00.000-07:00

ഈ വരുന്ന ജൂലായ് 26 ന് (ഞായര്‍) ചേറായിയില്‍‌വെച്ച് ബൂലോകരുടെ സംഗമം നടത്താന്‍ തീരുമാനിച്ചതായി ഹരീഷ് തൊടുപുഴയുടെ കല്യാണസൌഗന്ധികം ബ്ലോഗില്‍ പോസ്റ്റിട്ടിരിക്കുന്നു. വ്യത്യസ്ത അഭിപ്രായങ്ങളുടേയും, ആശയങ്ങളുടേയും മാധ്യമമായ ബ്ലോഗില്‍ അഭിപ്രായങ്ങളും,ആശയങ്ങളും മാറ്റിവച്ച് മാനവികമായ പരസ്പ്പര ബഹുമാനത്തിന്റെ സൌഹൃദ കൂടൊരുക്കാന്‍ മുന്നോട്ടുവന്നിരിക്കുന്ന സംഘാടകര്‍ക്ക് അഭിവാദ്യങ്ങള്‍ !!
ബ്ലോഗ് മീറ്റില്‍ പങ്കെടുക്കാന്‍ ആഗ്രഹിക്കുന്നവര്‍ക്കായി പേര്‍ രഗിസ്റ്റെര്‍ ചെയ്യാന്‍ നമുക്കു സുപരിചിതരായ സംഘാടകരുടെ ഫോണ്‍ നംബറുകൂടി അവിടെ നല്‍കിയിരിക്കുന്നു.

1. ഹരീഷ് - 9447302370 (e-mail : pdhareesh@gmail.com)
2. ഇക്കാസ് - 9895771855
3. ലതികാ സുഭാഷ് (ലതി) - 9446534990
4. അനില്‍@ബ്ലോഗ് - 9447168296

ഒരോ ബ്ലോഗും ഒറ്റക്കൊറ്റക്കുള്ള വ്യക്തിഗതമായ സ്വതന്ത്ര സാമ്രാജ്യങ്ങളാണ്. അവ പരസ്പ്പരം ബന്ധപ്പെട്ട് ബ്ലോഗ് സമൂഹമാകുന്നത് ഇത്തരം കൂട്ടായ്മകളിലൂടെയാണെന്നതിനാല്‍ ചേറായി മീറ്റിന് ബൂലോകത്തിന്റെ വികാസ ചരിത്രത്തില്‍ പ്രധാനപ്പെട്ട സ്ഥാനമാണുള്ളത്. അതുകൊണ്ടുതന്നെ ജൂലായ് 26 ന് നടത്തപ്പെടുന്ന മീറ്റില്‍ പങ്കെടുക്കാന്‍ സാധിക്കുന്നവര്‍ ഭാഗ്യവാന്മാര്‍ !!!
ഈ ആശയം മുന്നോട്ടുവച്ച ആദ്യാക്ഷരി അപ്പുവിനും,യുയേയി ബ്ലോഗ് സംഗമസംഘാടകര്‍ക്കും, തൊടുപുഴബ്ലോഗ് മീറ്റിലൂടെ ബ്ലോഗിന്റെ ആതിഥ്യമര്യാദക്ക് മാതൃകാപരമായി വേദിയൊരുക്കിയ ഹരീഷിനും സുഹൃത്തുക്കള്‍ക്കും
കേരള ബ്ലോഗ് അക്കാദമിയുടെ അഭിനന്ദനങ്ങള്‍.

ചെറായിയില്‍ എത്തിച്ചേരാനുള്ള വഴിയും ചേറായി കടപ്പുറത്തെക്കുറിച്ചുള്ള സചിത്ര വിവരണവും (ജോയുടെ വാമൊഴികളും വരമൊഴികളും) ഇവിടെനിന്നുംലഭിക്കും.

ക്രിമിനലുകള്‍ക്കെതിരെ പ്രതികരിക്കുക !

2009-05-28T02:34:00.000-07:00

പ്രിയമുള്ള ബ്ലോഗ് സുഹൃത്തുക്കളെ,
അറിവിന്റെയും,അഭിപ്രായ സ്വാതന്ത്ര്യത്തിന്റേയും ലോകമായ ബ്ലോഗില്‍ പുതിയ അറിവുകളേയും,ചിന്തകളേയും ഉള്‍ക്കൊള്ളാനാകാത്തവിധം മനസ്സ് ഇടുങ്ങിപ്പോയ ചില ക്രിമിനല്‍ മനസ്സുകളുടെ ക്ഷുദ്രപ്രവര്‍ത്തികള്‍ ആരംഭിച്ചത് ശ്രദ്ധയില്‍ പെട്ടിരിക്കുമല്ലോ.
അഭിപ്രായങ്ങള്‍ക്ക് പകരമായി അഭിപ്രായവും,അശയങ്ങള്‍ക്ക് പകരമായി ആശയങ്ങളും നിരത്തി ആരോഗ്യകരമായി,വ്യക്തിവിദ്വേഷമില്ലാതെ സഹിഷ്ണുതയോടെ പ്രവര്‍ത്തിക്കാന്‍ വിവേചന രഹിതമായ വേദിയൊരുക്കുന്ന ബ്ലോഗിനെ
തകര്‍ക്കാനാകില്ലെങ്കിലും, ബ്ലോഗിനെ സുരക്ഷിതമല്ലാത്ത ഒരു മാധ്യമമായി പേരുദോഷം വരുത്തിയെങ്കിലും സ്വതന്ത്ര ആശയവിനിമയത്തിനു തടയിടുക/താമസം വരുത്തുക എന്ന ലക്ഷ്യമുള്ളവരാണ് ഈ ക്രിമിനല്‍ മനസ്സുകള്‍ക്കുള്ളതെന്നു തോന്നുന്നു.

കേരള യുക്തിവാദി സംഘം സംസ്ഥാന വൈസ് പ്രസിഡന്റും, നമ്മുടെ ബൂലോകത്ത് സ്നേഹ സംവാദം,ഖുറാന്‍ പഠനം,യുക്തിവാദം തുടങ്ങിയ ബ്ലോഗുകളിലൂടെ ജീര്‍ണ്ണിച്ച അന്ധവിശ്വാസങ്ങള്‍ക്കെതിരെ അറിവിന്റേയും,ചിന്തയുടെയും മാനവീകമായ വെളിച്ചം പകരുന്ന ബ്ലോഗറുമായ ഇ.എ.ജബ്ബാര്‍ മാഷെയാണ് ഇത്തവണ മത ഭ്രാന്തന്മാരായ ചില ക്രിമിനലുകള്‍ ആക്രമിക്കാന്‍ കോപ്പുകൂട്ടുന്നത്.
ജബ്ബാര്‍ മാഷിന്റെ യുക്തിവാദം ബ്ലോഗിന്റെ കോപ്പിയെടുത്ത് ഇവര്‍ ജബ്ബാര്‍ മാഷുടെ ആശയങ്ങള്‍ക്ക് വിരുദ്ധമായ ഒരു ബ്ലോഗ് തുടങ്ങിയതായി കാണുന്നു. അതില്‍ ജബ്ബാര്‍ മാഷുടെ പടം നെടുകെ കീറിയ വിധത്തില്‍ പ്രദര്‍ശിപ്പിച്ചിരിക്കുന്നു. കൂടാതെ, വ്യാജമായി ചമച്ചുണ്ടാക്കിയ ജബ്ബാര്‍ മാഷുടെ ഐഡിയില്‍ ഇവര്‍ കമന്റുകളുമെഴുതിയിരിക്കുന്നു. ജബ്ബാര്‍ മാഷിന്റെ ആശയങ്ങള്‍ക്ക് വിരുദ്ധമായ പോസ്റ്റുകളും,കമന്റുകളും അദ്ദേഹത്തിന്റെ ഐഡിയില്‍ തന്നെ എഴുതിപ്പിടിപ്പിച്ച് ബ്ലൊഗ് വായനക്കാരെ തെറ്റിദ്ധരിപ്പിക്കുക,അദ്ദേഹത്തിന്റെ വ്യക്തിത്വത്തെ ഇകഴ്ത്തിക്കാണിക്കുക തുടങ്ങിയ ന്യായീകരിക്കാനാകാത്ത പ്രവര്‍ത്തികളാണ് ഈ ക്രിമിനലുകള്‍ ആരംഭിച്ചിരിക്കുന്നത്.

മറ്റൊരു വ്യക്തിയുടെ ഐഡി വ്യാജമായി നിര്‍മ്മിക്കുന്നതും,അന്യന്റെ ഐഡിയില്‍ ബ്ലോഗ് എഴുതുന്നതും, കമന്റെഴുതുന്നതും അങ്ങേയറ്റം അധാര്‍മ്മികമായ പ്രവര്‍ത്തിയായതിനാല്‍ ഇത്തരം ക്രിമിനലുകളെ സത്യത്തിന്റെ വെളിച്ചത്തില്‍ തുറന്നുകാണിക്കേണ്ടതും, ഒറ്റപ്പെടുത്തേണ്ടതും ബ്ലോഗിന്റെ സ്വാതന്ത്യവും, വളര്‍ച്ചയും ഉറപ്പുവരുത്താന്‍ ആവശ്യമാണ്.

ഈ ക്രിമിനലുകളുടെ ദ്രോഹപ്രവര്‍ത്തി ജബ്ബാര്‍ മാഷിന്റെ വ്യക്തിപരമായ പ്രശ്നമല്ലെന്നും, എല്ലാ ബ്ലോഗേഴ്സിനുമെതിരായുള്ളതും , ബ്ലോഗ് എന്ന സ്വതന്ത്രമാധ്യമത്തിനെതിരെയുള്ളതുമായ അസഹിഷ്ണുതപൂണ്ട ക്രിമിനലുകളുടെ ദ്രോഹപ്രവര്‍ത്തിയാണെന്നും മനസ്സിലാക്കി ഈ സംഭവത്തെ നാം നോക്കിക്കാണേണ്ടിയിരിക്കുന്നു.
പ്രതിഷേധിക്കുക...,
പ്രതികരിക്കുക....!!!
1) ക്രിമിനല്‍ വിളയാട്ടം ബ്ലോഗിലും. (ഇതു സംബന്ധിച്ച ജബ്ബാര്‍ മാഷുടെ ബ്ലോഗിലെ പോസ്റ്റ്.)
2) ക്രിമിനലുകള്‍ നിര്‍മ്മിച്ച ജബ്ബാര്‍ മാഷിന്റെ വ്യാജ ബ്ലോഗ്

പുതിയ ബ്ലോഗേഴ്സിന്റെ ശ്രദ്ധക്ക്

2009-03-22T08:14:00.000-07:00

പുതുതായി ബ്ലോഗ് തുടങ്ങാന്‍ ആഗ്രഹിക്കുന്നവരും, പുതുതായി ബ്ലോഗ് തുടങ്ങിയവരുടേയും സൌകര്യത്തിനായി കേരള ബ്ലോഗ് അക്കാദമിയുടെ ഈ ബ്ലോഗില്‍ സംശയനിവാരണത്തിനും,
പെട്ടെന്ന് പ്രാഥമിക സെറ്റിങ്ങുകള്‍ ശരിയാക്കുന്നതിനും അവശ്യം വേണ്ട വിവരങ്ങള്‍ നല്‍കുന്ന
ലിങ്കുകള്‍ മുകളില്‍ ഇംഗ്ലീഷില്‍ തന്നെ കൊടുത്തിട്ടുണ്ട്. പുതുതായി ബ്ലോഗ് തുടങ്ങുന്നവര്‍ക്ക് അവ ഓരോന്നായി ക്ലിക്കുചെയ്ത് ബ്ലോഗിങ്ങിലെ അപരിചിതത്വം ദൂരീകരിക്കാവുന്നതാണ്.

മലയാളം ബ്ലോഗുകളുടെ നിര്‍മ്മിതിയില്‍ അനുഭവപ്പെടാവുന്ന എല്ലാ തരം സംശയങ്ങളെയും പരിഹരിക്കുന്ന തരത്തില്‍ വിശദമായ കുറിപ്പുകള്‍ വിവിധ തലക്കെട്ടുകളോടും,സ്ക്രീന്‍ഷോട്ടുകളോടും കൂടി
ആദ്യാക്ഷരി ബ്ലോഗില്‍ അപ്പു എന്ന ബ്ലോഗര്‍ നല്‍കിയിട്ടുണ്ട്. പുതിയതായി ബ്ലോഗ് ആരംഭിക്കുന്നവര്‍
തീര്‍ച്ചയായും ആദ്യാക്ഷരി ബ്ലോഗ് ഉപയോഗപ്പെടുത്തുക.(താഴെക്കൊടുത്ത ആദ്യാക്ഷരി ബാനറില്‍ ഞെക്കുക)
കൂടാതെ, ബ്ലോഗിന്റെ സാങ്കേതിക വശങ്ങളെക്കുറിച്ചും, നിങ്ങളുടെ ബ്ലോഗിനെ സൌകര്യപ്രദവും മനോഹരവുമാക്കുന്നതിലേക്കുള്ള ധാരാളം അറിവുകള്‍ പ്ങ്കുവച്ചുകൊണ്ട് മുള്ളൂക്കാരന്‍ എന്ന ബ്ലോഗര്‍
ഇന്ദ്രധനുസ്സ് എന്നൊരു ബ്ലോഗും മലയാളം ബ്ലോഗേഴ്സിന്റെ സൌകര്യത്തിനായി ഒരുക്കിയിട്ടുണ്ട്.
ബ്ലോഗില്‍ പരീക്ഷണങ്ങള്‍ നടത്താന്‍ ആഗ്രഹിക്കുന്ന ബ്ലോഗര്‍മാര്‍ ഇന്ദ്രധനുസ് ഉപയോഗപ്പെടുത്തുമല്ലോ.(താഴെക്കൊടുത്ത ഇന്ദ്രധനുസ് ബാനറില്‍ ഞെക്കുക)

Indradhanuss
Malayalam Blog Tips&Trics

ബ്ലോഗ് അക്കാദമിയുടെ നഷ്ടപ്പെട്ട പേജ് ലേ-ഔട്ടിന്റെ ഗൂഗിള്‍ കാഷ് മെമ്മറി ഇവിടെ ലിങ്കില്‍ ക്ലിക്കിയാല്‍ ലഭിക്കും. അനോണികളെ ക്ഷമിക്കുക.

കണ്ണൂര്‍ ബ്ലോഗ് ശില്‍പ്പശാല ചിത്രങ്ങള്‍

2009-03-22T08:09:00.000-07:00

കണ്ണൂരില്‍ സംഘടിപ്പിച്ച ബ്ലോഗ് ശില്‍പ്പശാലയിലെ ചില നിമിഷങ്ങളുടെ നിശ്ചല ദൃശ്യങ്ങള്‍ ബൂലോകത്തെങ്ങുമുള്ള ബ്ലോഗ്ഗര്‍മാരുടെ അറിവിലേക്കായി ഇവിടെ പോസ്റ്റുന്നു.

കണ്ണൂരാന്‍ മാഷ് ബൂലോകത്തേക്ക് പഠിതാക്കളെ ക്ഷണിക്കുന്നു.

ഉഷടീച്ചറും ബ്ലോഗറായി. മട്ടന്നൂര്‍ ശിവപുരം ഹൈസ്കൂളിലെ പ്രധാനാധ്യാപികയായ ഉഷ ടീച്ചര്‍ ബ്ലോഗ് ശില്‍പ്പശാലയില്‍ വച്ച് തന്റെ ആദ്യ മലയാളം ബ്ലോഗായ “ടീച്ചറുടെ ലോകം” തുടങ്ങുന്നു.

കെ.പി.സുകുമാരന്‍ അഞ്ചരക്കണ്ടി ബ്ലൊഗിന്റെ പ്രസക്തിയെക്കുറിച്ചും,സാധ്യതകളെക്കുറിച്ചും സംസാരിക്കുന്നു.

“ബ്ലോഗിനെ അവഗണിച്ചുകൊണ്ട് എഴുത്തുകാര്‍ക്കും,മാധ്യമങ്ങള്‍ക്കും ഇനി മുന്നോട്ടു പോകാനാകില്ല....“ പ്രശസ്ത എഴുത്തുകാരനായ ഡോ.വത്സലന്‍ വാതുശ്ശേരി ശില്‍പ്പശാലയില്‍ ഭൂലോകത്തിന്റെ പ്രാധാന്യത്തെക്കുറിച്ച് സംസാരിക്കുന്നു.

ബൂലോകത്തിന്റെ പടിപ്പുര വാതില്‍ക്കല്‍ കണ്ണൂരാന്‍ പഠിതാക്കളെ അഭിസംബോധന ചെയ്യുന്നു.

ബൂലോകത്തെ യുവ കവി മനോജ് കാട്ടാമ്പള്ളി സംസാരിക്കുന്നു.

ബൂലോകത്തെ മറ്റൊരു യുവകവിയായ നാസര്‍ കൂടളി ക്ലാസ്സെടുക്കുന്നു.

ശില്‍പ്പശാലക്ക് നേരിട്ടു ആശംസ നേരാനായി കോഴിക്കോടുനിന്ന് എത്തിച്ചേര്‍ന്ന ഏറനാടന്‍ ബ്ലോഗാര്‍ത്ഥികളെ അഭിസംബോധന ചെയ്യുന്നു.

ശില്‍പ്പ ശാലയില്‍ വച്ച് ആദ്യത്തെ ബ്ലോഗ് തുടങ്ങിയപ്പോഴുള്ള സന്തോഷം...!!!! ബ്ലോഗാര്‍ത്ഥി കെ.പ്രദീപ് കുമാര്‍(കാഞ്ഞങ്ങാട് നെഹ്രുകോളേജ് ഫിസിക്സ് വിഭാഗത്തിലെ അദ്ധ്യാപകന്‍) സ്വന്തം ബ്ലോഗിനകത്താണ്.

കോഴിക്കോട് ജില്ലയിലെ കൊയിലാണ്ടിയില്‍ നിന്നും വന്ന് ശില്‍പ്പശാലയുടെ പ്രാധാന്യം സാക്ഷ്യപ്പെടുത്തിയ ബ്ലോഗര്‍ ആദിത്യ നാഥ്.

ശില്‍പ്പശാലയില്‍ പങ്കെടുത്ത അനോണി ബ്ലോഗര്‍മാരെ ഒപ്പിയെടുക്കാന്‍ നിതാന്ത ജാഗ്രത പുലര്‍ത്തുന്ന ഏറനാടന്റെ ക്യാമറക്കണ്ണുകള്‍.
ശില്‍പ്പശാലയില്‍ ബ്ലോഗാര്‍ത്ഥിയായി വന്ന ഹര്‍ത്താല്‍ വിരുദ്ധമുന്നണിയുടെ സംഘാടകനും,അതേപേരില്‍ ഇംഗ്ലീഷ് ബ്ലോഗ് എഴുതുന്ന ആളുമായ സുശാന്ത് ബ്ലോഗ് ശില്‍പ്പശാലക്ക് തന്റെ ഇന്റെര്‍ നെറ്റ് കഫെ തുറന്നു നല്‍കിയതിനാല്‍ അവിടെവെച്ച് നാലു പുതിയ ബ്ലൊഗര്‍ത്ഥികള്‍ ബ്ലോഗുതുടങ്ങി. സുശാന്തിനും,സുശാന്തിന്റെ “ദി വെബ്സൈറ്റ് ഇന്റെര്‍നെറ്റ് കഫെക്കും” ബ്ലോഗ് ശില്‍പ്പശാല പ്രവര്‍ത്തകര്‍ നന്ദി പറയുന്നു.

ബ്ലോഗ് പൂരം

2009-03-19T07:27:00.000-07:00

കേരള ബ്ലോഗ് അക്കാദമി തൃശൂരില്‍ 2008 മെയ് 18 നു സംഘടിപ്പിച്ച ബ്ലോഗ് ശില്‍പ്പശാലയെക്കുറിച്ച് കണ്ണൂരാന്‍ എഴുതിയ അവലോകനവും, ചിത്രകാരന്റെ ക്യാമറയില്‍ നിന്നുള്ള ചിത്രങ്ങളും ബൂലോകത്തെ ബ്ലോഗ് സഹോദരങ്ങളുടെ അറിവിലേക്കായി താഴെ പോസ്റ്റുന്നു.

കണ്ണൂരാന്‍:
അങ്ങിനെ ബ്ലോഗ് പൂരത്തിനു കൊടിയിറങ്ങി. ദിവസങ്ങള്‍ നീണ്ട മുന്നൊരുക്കങ്ങളും കുറച്ചു പേരുടെ അധ്വാനവും ഈ ശില്പശാലയെയും വന്‍ വിജയമാക്കി. തൃശൂര്‍ ശില്പശാലയുടെ മുഖ്യാസൂത്രകന്‍ ഡി.പ്രദീപ് കുമാറായിരുന്നു. വിശ്വപ്രഭയും, കെവിനും ആവശ്യമായ സഹായങ്ങള്‍ ചെയ്തു. മലബാറി 2 ദിവസം മുന്‍പെ സ്ഥലത്തെത്തുകയും തന്റെതായ സഹായങ്ങള്‍ ചെയ്യുകയും ചെയ്തു. രാവിലെ 8.30 മണിയോടെ തന്നെ ചിത്രകാരന്‍, പ്രദീപ് കുമാര്‍, വിശ്വപ്രഭ, കെവിന്‍, കണ്ണൂരാന്‍, മലബാറി, ജോ, തോന്ന്യാസി, നിത്യന്‍, അശൊക് കുമാര്‍ കര്‍ത്താ തുടങ്ങിയവര്‍ സ്ഥലത്തെത്തി ഒരുക്കങ്ങള്‍ തുടങ്ങി. എല്‍.സി.ഡി. പ്രൊജക്ടര്‍ പ്രദീപ് കുമാര്‍ സംഘടിപ്പിച്ചിരുന്നു. മലബാറി, ചിത്രകാരന്‍, ജോ, വിശ്വപ്രഭ തുടങ്ങിയവര്‍ ലാപ്ടോപ്പ് കൊണ്ടു വന്നിരുന്നു. 9 മണി ആകുമ്പോഴേക്കും ബ്ലോഗാര്‍ത്ഥികള്‍ എത്തി തുടങ്ങിയിരുന്നു. 10 മണിക്കാണ് തുടങ്ങുവാന്‍ നിശ്ചയിച്ചിരുന്നതെങ്കിലും 10.30നാണ് ശില്പശാല ആരംഭിച്ചത്. അപ്പോഴേക്കും കാര്‍ട്ടൂണിസ്റ്റ്, പ്രദീപ് സോമസുന്ദരം തുടങ്ങിയവരും എത്തിച്ചേര്‍ന്നു. വളരെ രസകരമായ ഒരു കാര്യം തൃശൂരില്‍ നിന്നു മാത്രമല്ല, പാലക്കാട്, എറണാകുളം, മലപ്പുറം, കോഴിക്കോട് ജില്ലകളില്‍ നിന്നു പോലും ബ്ലോഗാര്‍ത്ഥികള്‍ എത്തിയിരുന്നു എന്നുള്ളതാണ്. സ്വാഗത ഭാഷണവും എന്താണ് ബ്ലോഗ് എന്നുള്ളതിനെക്കുറിച്ച് വിശദമായ ഒരു ക്ലാസ്സും ഡി.പ്രദീപ് കുമാര്‍ നടത്തി. ബ്ലോഗിലൂടെ എന്തെല്ലാം സാധ്യമാണെന്നതും, ഈ സമഗ്ര മാധ്യമത്തിന്റെ പ്രധാന്യവും ബ്ലോഗാര്‍ത്ഥികളില്‍ എത്തിക്കുന്നതിനു പ്രദീപ് കുമാര്‍ വിജയിച്ചു. തുടര്‍ന്ന് സംസാരിച്ചത് ചിത്രകാരനായിരുന്നു. ശില്പശാലയുടെ പ്രാധാന്യവും, ഇത്തരം ശില്പശാലകള്‍ സംഘടിപ്പിക്കുന്നതിന്റെ ഉദ്ദേശ ലക്‍ഷ്യങ്ങളും തന്റെ സ്വതസിദ്ധമായ ശൈലിയില്‍ ചിത്രകാരന്‍ അവതരിപ്പിച്ചു. തുടര്‍ന്ന് സംസാരിച്ചത് കെവിനായിരുന്നു. യുനികോഡിന്റെ ആവിര്‍ഭാവവും, അഞ്ജലി ഓള്‍ഡ് ലിപി ഉണ്ടാക്കാനുള്ള കാരണവുമൊക്കെ കെവിന്‍ വിവരിച്ചപ്പോള്‍ സദസ്സും, മറ്റു ബ്ലോഗര്‍മാരും ശ്രദ്ധയോടെ ശ്രവിച്ചു. തുടര്‍ന്ന് യൂനിക്കോഡ് അക്ഷരങ്ങള്‍ കമ്പ്യൂട്ടറില്‍ ഇന്‍സ്റ്റാള്‍ ചെയ്യുന്നതും, ബ്ലോഗ് തുടങ്ങുന്നതു എങ്ങിനെയെന്നതിനെ കുറിച്ചും ഓപണ്‍ ഓഫീസ് പ്രസന്റേഷന്റെ സഹായത്തോടെ കണ്ണൂരാന്‍ വിവരിച്ചു. ബൂലോഗത്തെ പൊതു സ്ഥലങ്ങളെക്കുറിച്ചും, ബ്ലോഗിലെ സെറ്റിംഗ്സുകളും അവയുടെ പ്രാധന്യവുമൊക്കെ ലഘുവായി കണ്ണൂരാന്‍ ബ്ലോഗാര്‍ത്ഥികളുടെ മുമ്പില്‍ അവതരിപ്പിച്ചു. തുടര്‍ന്ന മ്യൂസിക് ബ്ലോഗിങ്ങിനെ കുറിച്ച് സുപ്രസിദ്ധ ഗായകന്‍ പ്രദീപ് സോമസുന്ദരം ക്ലാസ്സെടുത്തു. വളരെ വിശദമായി തന്നെയായിരുന്നു അദ്ദേഹം സംസാരിച്ചത്. മ്യൂസിക്ക് ബ്ലോഗിങ്ങിന്റെ സാങ്കേതിക വശങ്ങളും, ചെയ്യുമ്പോള്‍ ശ്രദ്ധിക്കേണ്ട കാര്യങ്ങളും എല്ലാം വിശദമാക്കിയായിരുന്നു ക്ലാസ്സെടുത്തത്. പോഡ് കാസ്റ്റിങ്ങിനെ കുറിച്ചും വീഡിയോ ബ്ലോഗിങ്ങിനെക്കുറിച്ചും ജോ സംസാരിച്ചും. പോഡ് കാസ്റ്റിങ്ങിന്റെ പ്രാധാന്യവും, എം.പോഡില്‍ ചെയ്യുമ്പോഴുള്ള അനുഭവവും അദ്ദേഹം വിവരിച്ചത് വളരെ ശ്രദ്ധയോടെ തന്നെ എല്ലാവരും ശ്രവിച്ചു. തുടര്‍ന്ന് മലയാളം വിക്കിയെ കുറിച്ചും, വിക്കിയുടെ പ്രാധാന്യത്തെക്കുറിച്ചും വിശ്വപ്രഭ സംസാരിച്ചും. വിക്കിയെ സജീവമാക്കേണ്ടതിന്റെയും വിക്കിയിലേക്ക് കൂടുതല്‍ ആളുകള്‍ എത്തേണ്ടതിന്റെയും ആവശ്യകത ശില്പശാലക്കെത്തിയവരെ ബോധ്യപ്പെടുത്താന്‍ ക്ലാസിനു കഴിഞ്ഞു. തുടര്‍ന്ന് ബൂലോഗത്തെ സ്വന്തം കാര്‍ട്ടൂണിസ്റ്റ് സജ്ജീവേട്ടന്‍ കാര്‍ട്ടൂണ്‍ ബ്ലോഗ് ചെയ്യുന്നതിനെ കുറിച്ചു വളരെ രസകരമായി സംസാരിച്ചു. എങ്ങിനെയാണ് ഇവ ബ്ലോഗിലേക്കിടുന്നതെന്നും, ബ്ലോഗ് ചെയ്യുന്ന രീതിയും അദ്ദേഹം സരസമായി വിവരിച്ചു. ബ്ലോഗ് ശില്പശാലക്കിടെ കെവിന്റെ കാരിക്കേച്ചര്‍ വരച്ച് സമ്മാനിച്ചു. കെവിന്റെ കൂടാതെ ശില്പശാലക്കെത്തിയ ഒട്ടുമുക്കാല്‍ ബ്ലോഗര്‍മാരുടെയും കാരിക്കേച്ചര്‍ അദ്ദേഹം നിമിഷങ്ങള്‍ക്കകം കടലാസിലേക്കാവാഹിച്ച് നല്‍കിയത് വിസ്മയമായി. അപ്പോഴേക്കും സമയം ഒന്നര കഴിഞ്ഞതില്‍ ഉച്ച ഭക്ഷണത്തിനു പിരിയുകയും 2.30നു വീണ്ടും ശില്പശാല ആരംഭിക്കുകയും ചെയ്തു. ഉച്ചക്കു ശേഷമുള്ള ആദ്യ ക്ലാസ്സ് സിറ്റിസണ്‍ ജേര്‍ണലിസത്തെക്കുറിച്ചായിരുന്നു. അശോക് കുമാര്‍ കര്‍ത്തയാണ് ക്ലാസ്സ് കൈകാര്യം ചെയ്തത്. തുടര്‍ന്ന് സംശയനിവാരണവും ബ്ലോഗാരംഭവും നടത്തി. ചിത്രകാരന്‍, കണ്ണൂരാന്‍, മലബാറി, ഡി.പ്രദീപ് കുമാര്‍, വിശ്വപ്രഭ, ജോ, തോന്ന്യാസി തുടങ്ങിയവര്‍ ബ്ലോഗാര്‍ത്ഥികള്‍ക്കാവശ്യമായ സഹായം നല്‍കി. ചിലര്‍ മുന്‍പ് തുടങ്ങിയ ബ്ലോഗുകള്‍ നഷ്ടപ്പെട്ടതെന്നു കരുതിയവ, കണ്ടെത്തുകയും ചെയ്തു. ബ്ലോഗ് ശില്പശാലയില്‍ പങ്കെടുത്തവരില്‍ എല്ലാ മേഖലയില്‍ നിന്നുമുള്ളവരുണ്ടായിരുന്നു. കുട്ടി എടക്കഴിയൂരിനെ പോലെ ഉള്ള കാര്‍ട്ടൂണിസ്റ്റുകള്‍, ഡോക്ടര്‍മാര്‍, വിദ്യാര്‍ത്ഥികള്‍, പെന്‍ഷനായവര്‍ അങ്ങിനെ എല്ലാവരും പങ്കെടുത്തു. പൊതുവെ ക്ലാസ്സുകളെല്ലാം നിലവാരം പുലര്‍ത്തി എന്നാണ് ബ്ലോഗാര്‍ത്ഥികളില്‍ നിന്നുമുള്ള വിവരം. ബ്ലോഗിംഗെന്നാല്‍ കേവലം എഴുത്തു മാത്രമല്ല, അതിനപ്പുറം അനന്ത സാധ്യതയുള്ള മേഖലയാണെന്ന് വെളിപ്പെടുത്തുന്നതായീ ശില്പശാല. മറ്റൊരു തരത്തില്‍ പറഞ്ഞാല്‍ ബ്ലോഗിന്റെ ജനകീയവല്‍ക്കരണമെന്നപോലെ തന്നെ വൈവിധ്യവല്‍ക്കരണവും ജനങ്ങളെലെത്തിക്കാന്‍ തൃശൂര്‍ ശില്പശാലക്കായി എന്ന് അക്കാദമിക്ക് അഭിമാനിക്കാം.

തൃശൂരിനെ ആടയാളപ്പെടുത്തുന്ന പാറമ്മേക്കാവ്.
ശില്‍പ്പശാല നടന്ന ഗവ.ഗേള്‍സ് ഹൈസ്കൂള്‍,പാറമേക്കാവ്.
കെവിന്‍ ബ്ലോഗാര്‍ത്ഥികളെ രജിസ്റ്റ്രേഷന്‍ നടത്താന്‍ സഹായിക്കുന്നു.
ജീവിതത്തിന്റെ വിവിധ തുറകളില്‍ നിന്നുള്ള ബ്ലോഗാര്‍ത്ഥികള്‍
കെവിനെ സഹായിക്കാന്‍ പ്രദീപും,വിശ്വപ്രഭയും
തയ്യാറെടുപ്പുകള്‍
ഡി.പ്രദീപ് കുമാറിന്റെ ആമുഖ പ്രസംഗം
ബൂലോകത്തെ അപ്പപ്പോള്‍ വിവരങ്ങള്‍ അറിയിക്കാനുള്ള തിരക്ക്.
“ജോ”യും,പ്രസിദ്ധ ഗായകനായ പ്രദീപ് സോമസുന്ദരവും
അഞ്ജലി ഓള്‍ഡ് ലിപി കര്‍ത്താവായ കെവിന്റെലയാളം യൂണീക്കോഡിനെക്കുറിച്ചുള്ള ക്ലാസ്സ്.
തത്സമയം...ഒരു ചിരിയരങ്ങ് പൊടിപൊടിക്കുന്നു.
പ്രദീപ് സോമസുന്ദരം സംഗീത ബ്ലോഗുകളെക്കുറിച്ചുള്ള തന്റെ അറിവു പങ്കുവക്കുന്നു.
ഒരു ഫാമിലി ഫോട്ടോ. കാര്‍ട്ടൂണിസ്റ്റിന്റെ സാന്നിദ്ധ്യത്തില്‍
കെവിന്റെ കാരിക്കേച്ചര്‍ കാര്‍ട്ടൂണിസ്റ്റ് സജ്ജീവ് കെവിനുതന്നെ സമ്മാനിക്കുന്നു.
പച്ചമരത്തണലില്‍ ഒരു ബ്ലോഗ് ചര്‍ച്ച
“ജോ” യുടെ പോഡ് കാസ്റ്റുകളെക്കുറിച്ചുള്ള ക്ലാസ്സ്
കാര്‍ട്ടൂണും ബ്ലോഗും. സജ്ജിവിന്റെ ക്ലാസ്സ്
അശോക് കര്‍ത്ത സിറ്റിസണ്‍ ജേണലിസത്തെക്കുറിച്ച്.
മലബാറിയുടെ മനസ്സിനകത്തേക്കു നോക്കുന്ന കാര്‍ട്ടൂണീസ്റ്റ്
പടം പൂര്‍ത്തിയാകുംബോള്‍ വിരിയുന്ന ആത്മ സംതൃപ്തി
ഒരേ സമയം രണ്ടു ബ്ലോഗാര്‍ത്ഥികള്‍ രണ്ടു കംബ്യൂട്ടറുകളിലൂടെ ബൂലോകത്തിലേക്ക് പറന്നുയരാന്‍ ശ്രമിക്കുന്നു.

മറ്റു രണ്ടു കംബ്യൂട്ടറുകളില്‍ ബ്ലോഗാര്‍ത്ഥികള്‍ ശ്രമം തുടരുന്നു.

നിങ്ങള്‍ക്കും ശില്‍പ്പശാല നടത്താം !

2009-03-19T06:39:00.000-07:00

ചില ബ്ലോഗ് സുഹൃത്തുക്കള്‍ ബ്ലോഗ് ശില്‍പ്പശാല നടത്തുന്നതിന് എന്തെല്ലാം ഒരുക്കങ്ങളാണ് നടത്തേണ്ടത് എന്ന് അന്വേഷിച്ചുകൊണ്ടിരിക്കുന്നുണ്ട്. എല്ലാവരോടും വ്യക്തിപരമായി വിശദീകരിക്കുന്നത് സമയ നഷ്ടമുണ്ടാക്കുന്നതിനാല്‍ പെട്ടെന്ന് എഴുതിയ ഒരു കത്തിന്റെ മറുപടി പോസ്റ്റായി ഇടുകയാണ്. ശില്‍പ്പശാല നടത്തണമെന്ന് ആഗ്രഹിക്കുന്നവര്‍ ഇതു വായിച്ചതിനു ശേഷം തങ്ങളുടെ വിലാസവും, ഫോണ്‍ നംബറും അടക്കമുള്ള വിശദവിവരങ്ങളോടെ ബന്ധപ്പെട്ടാല്‍ ആവശ്യമായ നിര്‍ദ്ദേശങ്ങളും ,സഹായങ്ങളും നല്‍കുന്നതാണ്. ശില്‍പ്പശാല നടത്താനുള്ള അന്വേഷണത്തിനുള്ള മറുപടി അഥവ മര്‍ഗ്ഗനിര്‍ദ്ദേശം താഴെ:

പ്രിയ സുഹൃത്തേ...,
ബ്ലോഗ് ശില്‍പ്പശാല നടത്താന്‍ ഒരു മൂന്നു പേരെയെങ്കിലും നാട്ടില്‍ സംഘാടകരായി കണ്ടെത്തണം. സംഘാടകര്‍ ബ്ലോഗര്‍മാരാണെങ്കില്‍ കൂടുതല്‍ നല്ലത്. അല്ലാത്തപക്ഷം അവരെ ബ്ലോഗ് എന്തെന്ന് ആദ്യം പഠിപ്പിക്കേണ്ടിവരും.(സ്വന്തം ബ്ലോഗല്ലാതെ മറ്റുവല്ലവരുടേയും ബ്ലോഗ് തുറന്നു കാണിച്ചുകൊടുത്താല്‍ മതിയാകും. സ്വന്തം ബ്ലോഗ് തുറന്നുകൊടുത്താല്‍ നമുക്കെന്തോ ഇതുകൊണ്ടു നേട്ടമുണ്ടെന്ന് സുഹൃത്ത് തെറ്റിദ്ധരിക്കാനിടയുള്ളതുകൊണ്ട് അതൊഴിവാക്കുന്നത് ബുദ്ധി.)
ശില്‍പ്പശാല ദിവസത്തിനു 20 ദിവസം മുന്‍പ് ആസൂത്രണം തുടങ്ങിയാല്‍ ബദ്ധപ്പാടില്ലാതെ ശില്‍പ്പശാലയുടെ ഒരുക്കങ്ങള്‍ പൂര്‍ത്തിയാക്കാം.(സ്വന്തം അനുഭവത്തില്‍ നിന്നും പറയുന്നതാണ്. ഒരാഴ്ച്ച്കൊണ്ട് ഹറിബറിയായും ശില്‍പ്പശാല നടത്തിയിട്ടുണ്ട്)
ശില്‍പ്പശാല നടത്തുന്നതിന് ആകെ ആവശ്യമുള്ളത് താഴെപ്പറയുന്ന സൌകര്യങ്ങളാണ്.

1) നൂറോ, ഇരുന്നൂറോ പേര്‍ക്കിരിക്കാവുന്ന ഇരിപ്പിടങ്ങളും,മൈക്ക് സൌകര്യവുമുള്ള ഒരു ഹാള്‍.
2) ബ്രോഡ് ബാന്‍ഡ് ഇന്റെര്‍ നെറ്റ് സൌകര്യമുള്ള ഒരു കംബ്യൂട്ടര്‍.
3) ഒരു പ്രൊജക്റ്റര്‍& സ്ക്രീന്‍

ഇത്രയുംകാര്യങ്ങള്‍ വാടകക്കെടുത്തൊ, സ്വന്തമായി സംഘടിപ്പിച്ചോ സൌകര്യം പോലെ ചെയ്യുക.

അടുത്തതായി വേണ്ടത് പ്രചരണം സംബന്ധിച്ച കാര്യങ്ങളാണ്.
നമ്മള്‍ ശില്‍പ്പശാല വേദിയില്‍ രണ്ടോ മൂന്നോ പേരെ ബ്ലോഗ് തുടങ്ങിക്കൊടുത്തോ, പ്രഭാഷണങ്ങലിലൂടെ നൂറു പേര്‍ക്ക് ബ്ലോഗിലേക്ക് താല്‍പ്പര്യം ജനിപ്പിച്ചോ ശില്‍പ്പശാല നടത്തുമ്പോള്‍
ബ്ലോഗ് എന്നൊരു സ്വതന്ത്ര ആധുനിക മാധ്യമമുണ്ടെന്നും,ഈ മാധ്യമം നിലവിലുള്ള എല്ലാ മാധ്യമങ്ങളേയും ഉള്‍ക്കൊണ്ട് സമീപ ഭാവിയില്‍ ജനകീയമായ ഒരു മാധ്യമ സമുദ്രമായി രൂപപ്പെട്ടു തുടങ്ങിയിട്ടുണ്ടെന്നും, ഇക്കാര്യം അറിയാതിരുന്നാല്‍ ഇനി ഓണംകേറാമൂലക്കാരായിപ്പോകുമെന്നും
ശില്‍പ്പശാലയില്‍ പങ്കെടുക്കാത്ത ആയിരക്കണക്കിനോ ലക്ഷക്കനക്കിനോ വരുന്ന ജനങ്ങളെക്കൂടി നമുക്കറിയിക്കേണ്ടതായുണ്ട്. ഇതിനായി പത്രം,റേഡിയോ,ടിവി തുടങ്ങിയ മാധ്യമങ്ങളുടെ വാര്‍ത്തയിലും ശില്‍പ്പശാലയെക്കുറിച്ചുള്ള
അറിയിപ്പുകള്‍ വരുത്തേണ്ടിയിരിക്കുന്നു.
(അതായത് ശില്‍പ്പശാലക്കു വരാത്തവര്‍ക്കുപോലും ബ്ലോഗ് എന്ന മാധ്യമത്തെക്കുറിച്ച് ഒരു താല്‍പ്പര്യം ജനിപ്പിക്കുക എന്നത് കേരള ബ്ലോഗ് അക്കാദമിയുടെ ലക്ഷ്യം വക്കുന്നു.)

ഇതിനായി ശില്‍പ്പശാല തിയ്യതി നിശ്ചയിച്ചു കഴിഞ്ഞാല്‍ ഒരു പതിനഞ്ചു ദിവസം മുന്‍പ് ഒരു പത്രക്കുറിപ്പ് തയ്യാറാക്കി എല്ലാ പത്രങ്ങളിലും,ടി.വി. ചാനലുകളിലും,പ്രൈവെറ്റ് എഫ് എം.റേഡിയോകള്‍ക്കും, ആകാശവാണിക്കും നല്‍കുക. ഏതാണ്ട് ഒരു 30 കോപ്പി കത്തുകളുടെ കോപ്പി ഇതിനായി തയ്യാറാക്കേണ്ടിവരും.ഈ കത്തില്‍ ശില്‍പ്പശാലക്ക് രജിസ്റ്റ്രേഷന്‍ നടത്താന്‍ വിളിക്കേണ്ട സംഘാടകരുടെ ഫോണ്‍ നംബര്‍ നല്‍കേണ്ടതാണ്.

തുടര്‍ന്ന് ബ്ലോഗിലും പ്രചരണം നടത്തി തുടങ്ങാം.
അതിനുശേഷം പ്രെസ്സ് ക്ലബ്ബില്‍ വച്ച് ഒരു പത്രസമ്മേളനം കൂടി നടത്തേണ്ടതുണ്ട്. ശില്‍പ്പശാലയുടെ മൂന്നു ദിവസം മുന്‍പ് പത്രസമ്മേളനം നടത്തുന്നതാണ് ഉചിതം. ഇതിന് ആയിരത്തോളം രൂപ പ്രെസ്സ് ക്ലബ്ബില്‍ ഫീസായി നല്‍കേണ്ടി വരും. രണ്ടോ മൂന്നോ പേര്‍ പത്രക്കാരെ ശില്‍പ്പശാല വാര്‍ത്ത അറിയിച്ചുകൊണ്ട് സംസാരിക്കേണ്ടിവരും. കൂടാതെ എന്താണ് ബ്ലോഗ് , അതിന്റെ പ്രാധാന്യം, സാധ്യത എന്നതിനെക്കുറിച്ചൊക്കെയുള്ള ഒരു ലഘുലേഖനത്തിന്റെ ഫോട്ടോസ്റ്റാറ്റ്കോപ്പികളും അവിടെ വിതരണം ചെയ്യേണ്ടതുണ്ട്. ഏത്ര കോപ്പി വേണമെന്ന് പ്രസ്സ് ക്ലബ്ബ് ഓഫീസ് സെക്രട്ടരിയോടു ചോദിച്ചാല്‍ മതിയാകും. (40 കോപ്പിയോളമൊക്കെ വേണ്ടി വന്നേക്കും) ഈ ഫോട്ടോ കോപ്പിയിലും ശില്‍പ്പശാലക്ക് രജിസ്റ്റ്രേഷന്‍ നടത്താന്‍ വിളിക്കേണ്ട സംഘാടകരുടെ ഫോണ്‍ നംബര്‍ നല്‍കേണ്ടതാണ്.

ശില്‍പ്പശാല ദിവസം രണ്ടോ മൂന്നോ ബാനറുകള്‍ ജനത്തിനു വഴിതെറ്റാതിരിക്കാനും പെട്ടെന്നു ശ്രദ്ധയില്‍ പെടുത്താനുമായി ഹാളിനു മുന്നിലും വഴിയിലും കെട്ടണമെന്ന് പറയേണ്ടതില്ലല്ലോ.
ശില്‍പ്പാശാല ഹാളിനകത്തുകൂടി സ്റ്റേജില്‍ മലയാള ബ്ലോഗ് ശില്‍പ്പശാല എന്ന ബ്ലോഗും സന്ന്ദ്ധ സംഘടനയുടെ പേരും (ഉണ്ടെങ്കില്‍) രേഖപ്പെടുത്തിയ ബാനര്‍ നന്നായിരിക്കും. പരസ്യ ബാനറുകള്‍ സ്റ്റേജില്‍ കെട്ടാതിരിക്കുക. പരസ്യ ബാനറുകള്‍ ഉണ്ടെങ്കില്‍ ടി.വി. ചാനലുകാര്‍ ആ ഭാഗം തന്നെ ക്യാമറയില്‍ വരാതിരിക്കാന്‍ ശ്രദ്ധിക്കുന്നതിനാല്‍ അതുകാരണമുള്ള നിഴലു കവറേജിനു ബാധിക്കും.

ഇനി ശില്‍പ്പശാല ദിവസം.

കേരള ബ്ലോഗ് അക്കാദമി ശില്‍പ്പശാലകളില്‍ ബൂലോകത്തെ തുല്യതാബോധം കാരണം അരേയും വിശിഷ്ട വ്യക്തികളായോ, ഉദ്ഘാടകരായ്യോ, അദ്ധ്യക്ഷനായോ,ആസംശക്കാരായോ അവരോധിക്കാറോ സ്റ്റേജില്‍ ഇരുത്താറോ ഇല്ല.സ്റ്റേജില്‍ കസേരയിടാറില്ലെന്നു സാരം. ഏത്ര പ്രമുഖരായാലും തങ്ങളെല്ലാം മനുഷ്യരാണെന്ന സമഭാവനയോടെ ബ്ലോഗാര്‍ത്ഥികല്‍ക്കിടയില്‍ ഉള്ള സ്ഥലത്ത് സസന്തൊഷം ഇരിക്കുക. എന്നാല്‍ ബ്ലോഗ് അക്ക്ദമിയുമായി ബന്ധപ്പെടാത്തവര്‍ നടത്തുന്ന ശില്‍പ്പശാലയില്‍ മനോധര്‍മ്മം പോലെ നടത്താവുന്നതാണ്. അക്കാദമിയുടെ അംഗീകാരത്തോടെ നടത്തുന്ന ശില്‍പ്പശാലക്ക് മാത്രമേ മുകളില്‍ പറഞ്ഞ നിര്‍ബന്ധങ്ങളുള്ളു.

ഇനി ശില്‍പ്പശാല ക്ലാസ്സ്

ക്ലാസ്സിന് മുന്‍പ് എന്തുകൊണ്ടാണ് മലയാളം ബ്ലോഗ് ശില്‍പ്പശാല അവിടെ സംഘടിപ്പിച്ചതെന്നും, ബ്ലോഗിന്റെ പ്രാധാന്യത്തെക്കുറിച്ചും, രണ്ടുവാക്ക് ഒരു മുഖവുരയായി സംഘാടകര്‍ സംസാരിക്കുക.

ഈ സമയത്ത് വിവിധബ്ലോഗുകള്‍ അഗ്രഗേറ്ററുകളിലൂടെ ക്ലിക്കി (സംഘാടകരുടേതല്ലാത്തത്) ഓണ്‍ ലൈനായി പ്രൊജക്റ്ററിലൂടെ സ്ക്രീനിലോ ചുവരിലോ പ്രദര്‍ശിപ്പിക്കുന്നത് ഉചിതമായിരിക്കും.

തുടര്‍ന്ന് കേരള ബ്ലോഗ് അക്കാദമിയുടെ ബ്ലോഗ് തുറന്ന് പേജിന്റെ വലതുവശത്ത് മാര്‍ജ്ജിനില്‍ കൊടുത്തിരിക്കുന്ന "ക ത റ" എന്നെഴുതിയിരിക്കുന്ന ഈ പത്രത്തിന്റെ മലയാളം ഫോണ്ട് ബട്ടണ്‍ ക്ലിക്കി അവിടെ നിന്നും അഞ്ജലി ഓള്‍ഡ് ലിപിയും, കീ മാനും കംബ്യൂട്ടറില്‍ ഇന്‍സ്റ്റാള്‍ ചെയ്യുന്ന വിധം ഓണ്‍ലൈനായി പ്രൊജക്റ്റരിലൂടെ കാണിച്ചുകൊടുക്കുക.

മലയാളം ഇന്‍സ്റ്റാള്‍ ചെയ്തുകഴിഞ്ഞാല്‍ ബ്ലോഗ് അക്ക്ദമിയുടെ പേജില്‍ തന്നെയുള്ള ബ്ലോഗര്‍, വേഡ്പ്രെസ്സ്,ബ്ലോഗ്‌സം,തുടങ്ങിയ ബ്ലോഗ് സര്‍വ്വീസ് പ്രോവൈഡറുകളുടെ ലിങ്കുകള്‍ കാണിച്ചുകൊടുക്കുകയും, ബ്ലോഗര്‍ ലിങ്കു ക്ലിക്കി ഒരു ബ്ലോഗ് തുടങ്ങുന്നത് എങ്ങനെയെന്ന് വിവരിക്കുകയുമാകാം.

അതിനു ശേഷം നിലവിലുള്ള ഒരു ബ്ലോഗിലോ അക്ക്ദമിയുടെ ജില്ല ബ്ലോഗിലോ ശില്‍പ്പശാലയെക്കുറിച്ച് ബൂലോകത്തെ അറിയിക്കുന്ന
ഒരു പോസ്റ്റ് ബ്ലോഗാര്‍ത്ഥികള്‍ക്കു മുന്നില്‍ വച്ച് ഓഡിയന്സിന്റെ പടം അടക്കം ചേര്‍ത്ത് പബ്ലീഷ് ചെയ്തു കാണിക്കുകയും, അതില്‍ ഒരു കമന്റുകൂടി ചേര്‍ത്ത് ബ്ലൊഗിന്റെ പ്രത്യേകത ബോധ്യപ്പെടുത്തുകയുമാകാം. ഈ പോസ്റ്റില്‍ അപ്പപ്പോള്‍ വരുന്ന കമന്റുകള്‍ ബ്ലോഗാര്‍ത്ഥികള്‍ക്ക് കാണിച്ചുകൊടുക്കുകയും, കമന്റിന് നന്ദി പറയുന്ന മറു കമന്റുകള്‍ എഴുതിക്കാണിക്കുകയും ചെയ്യുക.
കമന്റെഴുതിയ വിദൂരത്തുള്ള ബ്ലോഗര്‍മാരുടെ പ്രോഫൈല്‍നെയ്മില്‍ ക്ലിക്കി അവരുടെ ബ്ലോഗിലെത്തി ഒരു ഓട്ട പ്രദിക്ഷണംവക്കുന്നത് നന്നായിരിക്കും.

തുടര്‍ന്ന് അഗ്രഗേറ്ററുകളെക്കുറിച്ച് സംസാരിക്കുകയും വിവിധ അഗ്രഗേറ്ററുകള്‍ തുറന്നു കാണിച്ച് പുതിയ പോസ്റ്റുകള്‍ സന്ദര്‍ശിക്കുന്ന രീതിയും കാണിക്കാം. ഈ ശില്‍പ്പശലയില്‍ അക്ക്ദമി നല്‍കിയിട്ടുള്ള ലഘുലേഖയും നല്‍കാവുന്നതാണ്. സംശയനിവൃത്തിക്കായി അക്ക്ദമി ബ്ലോഗില്‍ കൊടുത്തിരിക്കുന്ന ഒട്ടേറെ സഹായികളുടെ ലിങ്കുകള്‍ കാണിക്കാവുന്നത്‍ാണ്. ആദ്യാക്ഷരി ഒന്നു തുറന്നു കാണിക്കാന്‍ മറക്കരുത്. കൂടാതെ സംശയങ്ങള്‍ കമന്റായി എഴുതി ചോദിക്കാവുന്ന അക്കാദമിയുടെ സഹായി പേജും കാണിക്കാവുന്നതാണ്.

ഇനി ബ്ലോഗ് വിദ്യാരംഭമായ ബ്ലോഗാരംഭം തുടങ്ങാം.
ബ്ലോഗാര്‍ത്ഥികളില്‍ നിന്നും ഈ മെയില്‍ വിലാസവും,പാസ്‌വേഡും ഓര്‍മ്മയുള്ള ഒന്നോ രണ്ടോ പേരേ മുന്നൊട്ടു വിളിച്ചിരുത്തി അവരുടെ ആദ്യ ബ്ലോഗ് തുടങ്ങുന്നത് പ്രൊജക്റ്ററിലൂടെ ഏവര്‍ക്കും കാണിച്ചുകൊടുക്കുക.
ഇത്രയും മതിയാകും. കൂടുതല്‍ സമയമുണ്ടെങ്കില്‍ പിന്മൊഴിയിലേക്ക് കമന്റു സെറ്റ് ചെയ്യുന്ന വിധവും, പോഡ്കാസ്റ്റിങ്ങും,വിക്കിപ്പീഡിയയും ബ്ലോഗാര്‍ത്ഥികള്‍ക്ക് പരിചയപ്പെടുത്താം.

പേരു വെളിപ്പെടുത്താന്‍ വിഷമമില്ലാത്ത ബ്ലോഗര്‍മാരെ സദസ്സിനു പരിചയപ്പെടുത്താനും, സമയമുണ്ടെങ്കില്‍ അവരെക്കൊണ്ട് രണ്ടുമിനിട്ട് സംസാരിപ്പിക്കാനും സംഘാടകര്‍ മറക്ക്തിരിക്കുക.
പിന്നെ , മറ്റൊന്നുകൂടി ... ബ്ലോഗിലെ ചര്‍ച്ച്‍ാ വിഷയങ്ങള്‍ ശില്‍പ്പശാലയിലെ സൌഹൃദ സംഭാഷണങ്ങളില്‍ പോലും ഒഴിവാക്കിയാല്‍ ശില്‍പ്പശാലയില്‍ വിഭ്ഗീയതയോ , അഭിപ്രായ വ്യത്യാസങ്ങളോ ഇല്ലാതെ .... എന്നെന്നും ഓര്‍മ്മിക്കുന്ന ഹൃദ്യാനുഭവമാക്ക്‍ാം.

അക്ഷര തെറ്റുകള്‍ ധാരാളമുണ്ടാകും. ഇപ്പോള്‍ സമയമില്ല. പിന്നെ ശരിയാക്കാം.

സസ്നേഹം