Sunday, 17 July 2016

കടത്തനാടൻ അന്തരിച്ചു.


പ്രശസ്ത ബ്ലോഗർ കടത്തനാടൻ
- എടച്ചേരി ദാസൻ- ഇന്ന് രാവിലെ മഞ്ചേരിയിൽ അന്തരിച്ചു.മൃതദേഹം സ്വദേശമായ വടകരയിൽ സംസ്കരിക്കും. ഇടതുപക്ഷ പ്രസ്ഥാനങ്ങളിലൂടെ പൊതു രംഗത്ത് ദശാബ്ദങ്ങളായി പ്രവർത്തിച്ചു വന്ന ദാസേട്ടൻ കേരള ബ്ലോഗ് അക്കാദമി നടത്തിയ ശില്പശാലകളിലെ സജീവ സാന്നിദ്ധ്യമായിരുന്നു. 2009 മെയ് 2 ന് വടകരയിൽ നടത്തിയ ബ്ലോഗ് സംഗമത്തിനും ശില്പശാലയ്ക്കും നേതൃത്വം നൽകി. ആദർശം എഴുതാനും പ്രസംഗിക്കാനും മാത്രമുള്ളതല്ലെന്ന് ജീവിതം കൊണ്ട് തെളിയിച്ച അദ്ദേഹം,ജാതി-മത ചടങ്ങുകളോ ആർഭാടമോ ഇല്ലാതെയായിരുന്നു മകളുടെ വിവാഹം നടത്തിയത്. ബന്ധുക്കൾക്കും നാട്ടുകാർക്കും ബ്ലോഗർമാർക്കും അത് ഒരുത്സവമായിരുന്നു. ഒഡേസ ഉൾപ്പെടെയുള്ള ജനകീയ സാംസ്ക്കാരികകൂട്ടായ്മകളുടെ സജീവ പ്രവർത്തകനുമായിരുന്നു, അദ്ദേഹം. ചിത്രകാരനെതിരെ ഐ.ടി നിയമത്തിലെ കരിവകുപ്പുകൾ ഉപയോഗിച്ചപ്പോൾ അതിനെ പ്രതിരോധിക്കാൻ മുൻനിരയിൽ നിന്നു,അദ്ദേഹം. എല്ലാവരുമായി അടുത്ത സൗഹൃദം കാത്തുസൂക്ഷിച്ച സ്നേഹസമ്പന്നനായിരുന്നു, ദാസേട്ടൻ. അപ്രതീക്ഷിതമാണ് ഈ വേർപാട്. പ്രിയപ്പെട്ട ദാസേട്ടന് വിട.
(വടകര ബ്ലോഗ് ശിൽ‌പ്പശാലയിൽ കടത്തനാടൻ)

4 comments:

chithrakaran:ചിത്രകാരന്‍ said...

കടത്തനാടന്‍, എടച്ചേരി ദാസേട്ടന്‍റെ അപ്രതീക്ഷിത വേര്‍പാടില്‍ ഏറെ സങ്കടമുണ്ട്.
നന്മനിറഞ്ഞ ഒരുപിടി ഓര്‍മ്മകള്‍ക്ക് മുന്നില്‍ ആദരാജ്ഞലികളോടെ...

Cv Thankappan said...

ആദരാഞ്ജലികള്‍

ആറങ്ങോട്ടുകര മുഹമ്മദ്‌ said...

ആദരാഞ്ജലികള്‍

Rashmi S said...


Head hunters in Bangalore
Placement Consultany in Bangalore
Serviced Apartments in Bangalore
SEO Services in Bangalore
SEO Services in India

Translate